اسسٹنٹ کمشنر ہیڈ کوارٹر گوجرانوالہ شبیر حسین بٹ دی سالگرہ دے موقع تے

سائبان ویلفیئر سوسائٹی دے پربندھ ہیٹھ اسسٹنٹ کمشنر ہیڈ کوارٹر گوجرانوالہ شبیر حسین بٹ دی سالگرہ دے موقع تے اک مشاعرے دا پربندھ سول آفیسرز کلب گوجرانوالہ وچ کیتا گیا۔

تقریب دے اچیچے پروہنے اے ڈی سی آر حسین احمد رضا سن جد کہ مہماناں وچ محسن وحید بٹ‘ چوہدری محمد شاہد‘ چوھدری محمد انور،میاں احتشام،سجاد سردار وڑائچ،ریاض بٹ،چوھدری سجاد مشتاق،نفیسہ طاہرہ،ذوالفقار ججا،عاطف ربانی،رانا اظہر حسین تے دوجے شامل سن ۔صدر سائبان عتیق انورراجہ نے آکھیا کہ ایہ خوشی دی گل اے کہ شبیر بٹ دے شہر وچ تعینات ہون نال ادبی تے ثقافتی تقریباں نوں سائبان مل گیا اے۔ بٹ صاحب نہ اردو پنجابی دے چنگے شاعر نیں بلکہ تسیں بہترین صلاحیتاں رکھن والے افسر وی نیں۔ نائلہ بٹ‘ شوکت ڈار‘ ادریس ناز تے صاحب شام شبیر بٹ دے پنجابی کلام نوں بہت زیادہ پسند کیتا گیا۔ حاضرین صاحب شام کولوں فرمائشاں کر کے اوہناں دا کلام سندے رہے۔ مشاعرے دی صدارت صاحب شام شبیر بٹ جد کہ نظامت صدر سائبان عتیق انور راجہ نے کیتی۔ شاعراں وچ ڈاکٹر سعید اقبال سعدی‘ ادریس ناز‘ عرفانہ امر،شوکت ڈار،فرحانہ عنبر،نائلہ بٹ،رمضان تائب،سعد احمد سعد،وحید احمد انصاری،مطلوب حسن مطلوب اور ڈاکٹر اعجاز نے اپنا کلام سنا کے خوب داد وصول کیتی۔ میزباناں وچ یعقوب انجم مغل‘ وقاص منیرمغل‘ یاسر مشتاق‘ راجہ افضال عزیز‘ چوہدری عبداللہ گلدستے پھڑے پروہنیاں نوں خوش آمدید آکھدے رہے۔سرپرست سائبان چوہدری طاہر جاوید نمبردار تے چیئرمین سلیم اسلم نے صاحب شام نوں تحفے پیش کیتے۔ فیر سب نے واری واری مہمان ذی وقار دے نال کیک کٹیا تے تصویراں بنوائیاں۔ تقریب دے اخیر وچ پروہنیاں دی پرتکلف کھانیاں نال تواضع کیتی گئی۔