احمد بشیر۔۔ اک عہد ساز شخصیت

صحافی، کالم نگار، کہانی کار ، افسانہ نگار تے فلم میکر دی زندگی اتے اِک نظر

لِکھت:ایم آر شاہد

معروف صحافی احمد بشیر 24مارچ 1923 نوں ایمن آباد وچ پیدا ہوئے جہڑا گوجرانوالہ دے کول اک مدم خیز قصبہ نما شہر اے۔ سری نگر(مقبوضہ کشمیر) توں بی اے کرن مگروں اوہ ممبئی چلے گئے جتھے اوہناں نے فلمی دنیا وچ قسمت آزمائی کیتی تے ممتاز مفتی دے نال رَل کے اک رسالہ ’’فلان‘‘ کڈن دا منصوبہ وی بنایا جہڑا کامیاب نہیں ہو سکیا۔ آزادی مگروں پاکستان وچ اوہناں نوں جتھے میاں افتخارالدین دے اخبار ’’امروز‘‘وچ چراغ حسن حسرت نے سب ایڈیٹر دی ملازمت اتے صحافت دی تربیت دِتی لیکن اوس توں پہلاں اوہ کجھ عرصہ ہفت روزہ قندیل (نوائے وقت) وچ خدمات انجام دے چکے سن۔ اردو صحافت وچ فیچر لکھن دے ابتدائی نمونے احمد بشیر نے فلم ڈائریکٹ کرن دی تربیت ہالی وڈ (امریکہ) توں حاصل کیتی سی۔ اوس دور وچ اوہناں دا سفر تاثر منزل منزل دل بھٹکے گا۔ سبط حسن نے لیل و نہار وچ قسط وار شائع کیتا تے ایہ بہت مقبول ہویا۔ امریکہ توں واپس آکے احمد بشیر نے اک تجرباتی فلم ’’نیلا پربت‘‘ بنائی جہنوں روایتی فلم سازاں نے نکام بنا دتا۔
احمد بشیر نے انگریزی اخبار ’’دی فرنٹیئر پوسٹ‘‘ تے ’’دی مسلم‘‘ وچ لمے عرصے تک کالم نگاری کیتی۔ ایس توں انگریزی کالماں دا مجموعہ بھیڑیوں کے ساتھ ناچ (Dancing with Wolves) چھپ چکیا اے۔ جہدے وچ ’’چاچا برہمن کی سلطنت‘‘ گاندھی کا فنامناں‘ فیض اور اس کا دھمال‘ بس سٹاپ پر کافر‘ تے ایک خط جتوتی باسو کے نام‘‘ جئے یادگار تے معرکہ آرا کالم شامل نیں۔ آخری ورھیاں وچ کینسر جئی مہلک مرض دے حملے دے دوران وی اوہ ہر مہینے دے متنازعہ موضوع اتے محمد شعیب عادل دے ماہنامہ ’’نیا زمانہ‘‘ وچ کالم لکھدے رہے۔
جنرل ضیاء الحق نے بھٹو حکومت دا تختہ الٹ دتا تے احمد بشیر نے مساوات دی ادارت توں استعفی دے دتا تے اوہدے مگروں ہمیشہ اک ایسے آزاد صحافی دا کردار ادا کیتا جہڑا منافق معاشرے نوں جرات مندی تے بے مروتی توں بے نقاب کر سکدا سی۔ دلچسپ گل ایہ ہے کہ ا حمد بشیر نے منافقت توں آلودہ شخصیات نوں وی نہیں بخشیا۔ سعادت حسن منٹو دی خاکیاں دی کتاب ’’گنجے فرشتے‘‘ مگروں احمد بشیر دی کتاب ’’جو ملے تھے راستے میں‘‘ حقیقت پسندانہ خاکیاں دی اک اجیہی کتاب اے جہدے وچ بظاہر اُجلے نظر آن والے چہرے کوڑھ زدہ نظر آندے نیں۔ احمد بشیر شرابی نہیں سی اوہنے اوہناں نامور شخصیات دی محفلاں نوں ہوش تے خرد دی بیداری دے لمحات وچ ویکھ لیا تے فیر یاد وی رکھیا تے اپنی صادق بیانی دا ثبوت وی دتا۔ کشور ناہید دے خاکے نے لہور وچ جہڑا طوفان برپا کیتا اوہ ہن تریخ دا حصہ بن چکیا اے۔ قدرت اللہ شہاب اتے خاکے نے احمد بشیر تے ممتاز مفتی دے وچکار لمی شکر رنجی پیدا کردتی حتیٰ کہ علیک سلیک دا سلسلہ وی موقوف ہو گیا۔ اوہدے اک حلقہ بگوش متماز افسانہ تے ڈرامہ یونس جاوید نے لکھیا اے۔ احمد بشیر مارشل لا توں ودھ اوہناں لوکاں اتے وی تنقید کردے سن جہڑے مارشل لا لئی جواز فراہم کردے سن۔ معروف افسانہ نگار پروین عاطف اوہناں دی بھین تے نامور ٹی وی آرٹسٹ بشریٰ انصاری‘ ادیبہ نیلم احمد بشیراوہناں دی صاحبزادیاں نیں۔ احمد بشیر دا انتقال 25دسمبر 2004نوں ہویا۔