علی احمد گجراتی دے ناں اک شام

رپورٹ: محمد اویس باسل

مشاعرے ساڈی تہذیب تے ثقافت دا حصہ نیں۔ اوہناں دے ذریعے زبان تے ادب نوں فروغ حاصل ہُندا اے۔ ایسے سلسلے وچ بزم فروغ فکروفن‘ محفل سجناں دی دے پربندھ ہیٹھ السبطینی شادی ہال سیالکوٹ وچ علی احمد گجراتی دے نام اک شام تے دسواں سالانہ مشاعرے دا پربندھ کیتا گیا۔ ایس پربندھ دا سہرا عدنان قلزم رانجھا‘ ڈاکٹر اکبر علی غازی تے جی ایم واصف دے سرجاندا اے۔ مہماناں دی آمد دا سلسلہ شروع ہویا تے محفل سجناں دی تے سوچاں دی مہکار نے سارے مہماناں نوں گلدستے پیش کر کے استقبال کیتا۔ تقریب دی صدارت بین الاقوامی شہرت دے حامل شاعر ڈاکٹر دانش عزیز نے فرمائی۔ مہمانان خصوصی دی نشستاں اتے صاحب جشن علی احمد گجراتی دے علاوہ خالد ندیم شانی ، مرلی چوہان،نصیر احمد، شیراز غفور، انیس طارق، محمد ایوب صابر، افضل پارس، اسلم شوق، اکرم ریحان، ڈاکٹر اکبر علی غازی، جی اے نجم،شیخ اسلم شاہد تے افتخار شاہد جلوہ افروز سن۔ نظامت دے فرائض آصف علی علوی نے ادا کیتے۔ ڈاکٹر اکبر علی غآزی تے عدنان قلزم رانجھا نے ڈاکٹر دانش عزیز تے علی احمد گجراتی دے سراں اتے پنجابی پگ بنھی۔
تقریب دا آغاز تلاوت کلام پاک نال ہویا جہدی سعادت قاری عبدالرشید نے حاصل کیتی۔ایہدے مگروں تجمل حسین تجمل نے نعت رسول مقبولؐ پیش کیتی۔ ایہدے مگروں آصف علی علوی نے علی احمد گجراتی دے فن اتے گل بات کردیاں ہویاں آکھیاں کہ علی احمد گجراتی نے پنجابی زبان دا جھنڈا چکیا اے۔ اسیں سارے مطمئن آں کہ علی احمد گجراتی دی موجودگی وچ پنجابی دا جھنڈا سرنگوں نہیں ہو سکدا۔ ایہدے مگروں مشاعرے دا آغاز ہویا تے شہر اقبال وچ جہڑا منظر پیش ہویا اوہ اوس توں پہلے شاید ای کدی نظر آیا ہووے۔ مکرر ارشاد تے تالیاں دی گونج السبطینی شادی ہال توں نکل کے سامنے یونیورسٹی آف سیالکوٹ دے درودیوار تک پہنچ رہی سی۔ ہر شعر داد تے تحسین دی خشبو نال ملبوس ہو کے سماعتاں نوں خراج تحسین پیش کر رہیا سی۔ لہور‘ کنگن پور‘ گجرات‘ گوجرانوالہ تے سیالکوٹ دے شاعر تے سامعین نے مشاعرے دی روح زندہ کردتی۔ ہر شاعر اپنی شعری زنبیل توں شعراں دے موتی کڈ کے محفل وچ نچھاور کر رہیا سی۔ جی ایم واصف، عدنان قلزم رانجھا، عمران ساگر، جمیل ساحل، عامر رفیق عامر، انور محمد انور، رانا عثمان احامر، نعمت اللہ ارشد، فریحہ باجوہ، سمیرہ ساجد، اویس باسل، وسیم جوتش، تجمل حسین تجمل،شہزاد مغل عجمی، ناصر ادیب ناصر، رمضان تائب، مرزا سیف اللہ ساجد، طاہر خیال، شبیر بلو، محمود کیفی، عفی گجر، حسن بانو، محمد آصف انصاری، سعادت علی سعدی، سجاد احمد جان، شہباز یادش، دانش تسلیم،میاں جمیل انجم، ریاض راہی،امتیاز قیس چٹھہ، ریاض راہی، اقبال بزمی، رضاء المطفے، مقصود یاور، نبیل نجم، رحمان امجد مراد، محمود حیدر پیرزادہ، زاہدہ جبیں راؤ، آصف علی علوی، عطاء العزیز، علی جوشا، ڈاکٹر اکبر علی غازی، افتخار شاہد، اسلم شوق، شیراز غفور، افضل پارس، اکرم ریحان، محمد ایوب صابر، انیس طارق، نصیر احمد، مرلی چوہان، خالد ندیم شانی، علی احمد گجراتی تے ڈاکٹر دانش عزیز نے اپنا کلام پیش کیتا۔ شیخ اسلم شاہد‘ سجاد احمد جان نے ٹریک سکول سسٹم گھوئینکی سیالکوٹ تے سوچاں دی مہکار نے محفل سجناں دی دے نال رل کے سارے شاعراں نوں سخن دے سجن ایوارڈ پیش کیتے۔ پرتکلف عشائیے دے نال ای تقریب دا اختتام ہویا۔ ضامن علوی نے فوٹو گرافی دی ذمہ داری ادا کیتی۔