یوم یکجہتی کشمیر دے حوالے نال پنجابی ادبی اِکٹھ
رپورٹ: سید علی قیصر
چج ادبی پروار جھنگ پنجاب پاکستان دی چھتر چھانویں پنجابی ادبی اکٹھ نشست مشاعرہ 5 فروری یوم یکجہتی کشمیر دے حوالے نال اہتمام کیتا گیا جس وچ 21 فروری پنجابی ماں بولی دیہاڑ دے بارے گل بات وی کیتی گئی تے انشاء اللہ 21 فروری ماں بولی دیہاڑ پہلے وانگ اس سال وی منائی جاسی جس وچ جھنگ دی ساریاں پنجابی ادبی تنظیماں چج ادبی پروار جھنگ، پنجابی ادبی جھوک، پنجابی ادبی لوک وراگ، بزم ملک یاسین، بزم ابرار، پنجابی ادبی مجلس گریجویٹ کالج جھنگ لطیف سنگتاں، مٹی دیاں سدھراں تے جھنگ دی ساریاں پنجابی ادبی تنظیماں بھر پور رلت کرسن۔
پنجابی ادب دے نامور شاعر محمد حسین سینی تے ہور وی شعراء کرام جہڑے اس دنیا توں جھوک لدا گئے ہن انہاں واسطے خصوصی دعا مغفرت کرائی گئی۔
چج ادبی پروار جھنگ پنجاب پاکستان دی چھتر چھانویں پنجابی مشاعرہ دی صدارت پنجابی ادب دے نامور شاعر قاضی غلام عباس ہوراں کیتی مہمان خصوصی چج ادبی پروار جھنگ دے صدر پنجابی شاعر حاجی ملک عبد الطیف شیدائی تے میاں صفدر محمود ایڈووکیٹ ہن اعزازی مہمان پنجابی شاعر خان عارف خان بلوچ تے چنیوٹ توں آئے چج ادبی پروار جھنگ دے نگران پنجابی ادب دے نامور شاعر ڈاکٹر خالد اقبال خالد ہن سٹیج سیکرٹری دے فرائض عبد الرحمن ساجد ہوراں ادا کیتے مشاعرہ دی شروعات تلاوتِ قرآنِ مجید توں کیتا گیا جس دی سعادت مولوی مشتاق ہوراں حاصل کیتی نعت رسول مقبول دی سعادت وی مولوی مشتاق ہوراں حاصل کیتی مولوی مشتاق ہوراں مزاحیہ انداز وچ وی آپنے مزاحیہ فن دا مظاہرہ کیتا شعراء کرام وچ قاضی غلام عباس، ملک عبد الطیف شیدائی، ڈاکٹر خالد اقبال خالد، خان عارف خان بلوچ، عبد الرحمن ساجد، احمد بشیر لنگاہ، مہر احسان سجوکہ،ملک سخاوت عباس گوھر اعجاز حسین جازو، خیرات علی خیرات، ملازم حسین کاشی، علی رضا نازش چوہدری نذیر ارمان، محمد ریاض ایاز، اخلاد الحسن اخلاد، محمد زبیر ملاح، شبر بلوچ،واجد حسین گوھر، خدا بخش عدیل، فرخ خان بلوچ، مولوی مشتاق احمد، حاجی ملک اقبال مہر سنی سجوکہ سیال ہن سارے شعراء کرام آپنا چونڑواں کلام سنایا تے ڈھگ داد وصول کیتی عوام وی بھرویں رلت کیتی مشاعرہ دے آخیر وچ میاں صفدر محمود ایڈووکیٹ ہوراں ولوں چاہ بسکٹ دا خوبصورت اہتمام کیتا گیا۔
