سیاست دا دوستانہ میچ

سعد اللہ شاہ

نچلی منزل ڈوبنے کا جب نظارا دیکھنا
اپنی منزل کے لئے پھر کیوں کنارا دیکھنا
اب کے رونا بھی جو چاہیں رو نہیں سکتے ہیں ہم
حال ہو گا اس سے آگے کیا ہمارا دیکھنا
شاید اسیں بھٹک چکے آں تے راہ گواہ بیٹھے آں۔ کجھ وی تے سجھائی نہیں دیندا اسیں ایہ وی جاننے آں کہ کجھ ہون جا رہیا اے تے اڈیک رہے آں کہ کدوں تماشا ختم ہووے۔ چیئرمین سینٹ دے ووٹ نال سٹیٹ بینک بل منظور‘ کنی خوشی دی گل اے۔ عرفان صدیقی شاعر یاد آ گئے:
توڑ دی اس نے تو زنجیر ہی دلداری کی
اور تشہیر کرو اپنی گرفتاری کی
پر اسیں تے آپ زنجیر پائی اے۔ کہیا جا رہیا اے کہ اپوزیشن سینٹ وچ وی ٹھس۔ جناب اک اپوزیشن ای کیہ ایتھے تے سب کجھ ای ٹھس ہو چکیا اے۔ کیہ منظرنامہ اے کہ ڈاکٹر زرقا آکسیجن سلنڈر دے نال سینٹ وچ ووٹ پان آن۔ حکومتی سینیٹر دا ذاتی معالج وی نال سی۔ کوئی ویکھے کہ اسیں کنے فرض شناس تے ووٹ دی اہمیت نوں سمجھن والے نیں۔ ایہ آکسیجن دا سلنڈر حکومت نوں بچا گیا نہیں تے بل پاس ہون توں شاید رہ جاندا ہائے ہائے مارلوکاڈاکٹر فائوسٹیں یاد آ یا جنہے اپنی جان شیطان دے ہتھ وچ رہن رکھی تے دستاویز تے خون نال دستخط کرنے سن۔ عین اوس ویلے ڈاکٹر فائوسٹس دا خون جم گیا پر اوس خون نوں اگ نال گرم کر کے ایس قابل بنایا گیا کہ ڈاکٹر معاہدے تے دستخط کر سکے۔ فیض نے کیہ خوب کہیا سی:
ابر کچھ اور کچھ شراب آئے
اس کے بعد آئے جو عذاب آئے
مزے دی گل تے ایہہ وے کہ اپوزیشن اکثریت وچ سی۔ بدگمانی چنگی گل نہیں پر کیہ خوب ہویا کہ اپوزیشن دے کجھ ووٹ قرنطینہ وچ چلے گئے تے حکومت دے آکسیجن سنے اوتھوں نکل آئے۔ کجھ نہ کجھ ہے جہدی پردہ داری اے۔ میں سوچنا واں کہ دل وچ وسوسے کیوں آندے نیں۔ تسیں اپنے عمل تخیل نوں روک تے نہیں سکدے اک خیال بڑا عجیب جیہا دل وچ آندا اے کہ کدھرے ایہ سب کجھ ڈاکوئواں تے چوراں دے اعتماد نوں بحال کرن لئی کیتا گیا۔ جو وی ملدا اے اوہدے پیر پٹھے کیوں ہو جاندے نیں شاید اسیں سارے بساط دے مہرے آں۔ صرف مہر لان والے تے شاید اوہ وی صرف دکھاوا اے تے اک لایعنی عمل۔
میں اب تک رہنما کی چال میں الجھا ہوا ہوں
کہ میرے سامنے اک راستہ رکھا گیا ہے
سراج الحق نے سچ کہیا اے کہ سینٹ وچ حکومت تے اپوزیشن نے دوستانہ میچ کھیڈیا۔ پر اک گل اے کہ تسیں ڈرامے دی داد تے دیو ایہدے توں اک چیز وی واضح ہو رہی اے کہ ساریاں تبدیلیاں داخلی نیں یعنی ایہناں دی تبدیلی اپنے اندر ای رہی ایہنوں ہٹایا تے اوہنوں لایا۔ ہن دی واری وڈی تبدیلی آندی محسوس ہو رہی اے ایہ اوہ تبدیلی اے جو بااختیار لوکاں دے کول۔ تسیں ویکھدے نہیں کہ کس طرح تاحیات پابندی دے خلاف گل شروع ہو گئی اے اوہ صورتحال یاد کرو جدوں نوازشریف تریجی واری وزیراعظم بنے سن۔ چلو چھڈو تفنن طبع دے تہانوں چھوٹا جیہا واقعہ ضرور سناواں گا کہ میرا چھوٹا بھائی آیا تے دسن لگا کہ اوہنوں ویگن وچ آنا پیا۔ کہن لگا میرے سامنے اک بندہ آ کے بیٹھا تے مینوںشک پیا کہ اوہ میری جیب کٹے گا ایناں کہہ کے اوہ چپ ہو گیا۔ میں پچھیا فیر کیہ ہویا؟ میرا بھائی شرماندے ہوئے بولیا فیر اوہ میری جیب کٹ کے لے گیا۔ اصل گل ایہ کہ تسیں ہر کسے تے زیادہ دیر نظر نہیں رکھ سکدے۔ میں جو کہنا چاہنا واں اوہ تسیں وی جان دے او:
کچھ درد کی ٹیسیں ہیں کچھ آہ و فغاں بھی ہے
کچھ بات بھی ہے مجھ میں کچھ طبع رواں بھی ہے
کسے دی نیت سے بالکل وی شک نہیں کرنا چاہیدا پر دل کمبخت باز نہیں آندا۔ اک پاسے تے اوہ مطمئن اے کہ آکسیجن سلنڈر دے نال ووٹ پائے جا رہے نیں پر وہم ایہ ہو رہیا اے کہ ایہ لہر ودھدی جا رہی اے تے اگے بلدیہ دے الیکشن آ رہے نیں۔ وزیراعظم وی ایہناں بلدیاتی انتخابات دے سلسلے وچ لہور آئے سن ویکھو کیہ بن دا اے۔ بچیاں دی تعلیم دا وی مسئلہ اے کہ کرونا لہر دا پہلا اثر تعلیمی اداریاں تے ہووے گا۔ بلدیاتی انتخابات وچ یقینا عوامی الیکشن والا حفاظتی حصار نہیں مل سکے گا انج بلدیاتی الیکشن جے فیئر ہو گئے تے ایہ صرف فارمیلٹی ہووے گی۔ ساریاں نوں پتہ اے کہ نتیجہ کیہ نکلے گا۔ سارے پلس منفی ہو جان گے گھٹو گھٹ لہوریاں نوں اسیں چنگی طرح جاننے آں پر ہاں کجھ عرصہ پہلاں پی ٹی آئی والے متحرک ہوئے سن اک دو سڑکاں بنائیاں گئیاں تے کجھ پتھر وغیرہ وی اوتھے پئے نیں۔ اک واری فیر سکوت ویکھیا جا رہیا اے۔ جو وی ہے اک غیریقینی صورتحال کم روک دیندی اے لوک تے کم تے کارکردگی ویکھدے نیں۔ ساڑھے تن ورھے لنگھ گئے آخری وقت وچ کیہ جا کے کم ہون گے۔
مجھ کو اڑنا تھا بہت دور سبھی کی خاطر
خود سے الجھا تو شکستہ پروبالی دیکھی