دل دریا پاکستان رجسٹرڈ ولوں ماں بولی دیہار دے موقعے اتے گجرات وچ احتجاجی ریلی، پنجابی کانفرنس تے استاد نصیر بلوچ دی یاد وچ مشاعرہ
رلت کرن والیاں ماں بولی پنجابی نوں نصاب دا حصہ بنائون تے اوہدا حق دین دی منگ کیتی
دل دریا پاکستان پنجاب زبان ، ادب تے رہتل دے ودھا لئی کم کرن والی کجھ وڈیاں تنظیماں وچوں اک اے جیہدے موڈھی علی احمد گجراتی جگ دُھمے شاعر ہون دے نال نال پنجابی بولی واسطے بھرواں کم کر رہے نیں۔دل دریا پاکستان دے پربندھ ہیٹھ جتھے مشاعریاں تے پنجابی سیوکاں نال شاماں دا سلسلہ جاری اے اوتھے ای ایہہ تنظیم ہر اہم موقعے اتے وی پنجاب دی اواز بن کے پروگراماں دا پربندھ کردی اے۔21 فروری جگت ماں بولی دیہاڑ دے موقع اتے دل دریا پاکستان رجسٹرڈ ولوں گجرات وچ احتجاجی ریلی،پنجابی کانفرنس تے بیاد استاد نصیر خان بلوچ پنجابی مشاعرے دا پربند کیتاگیا۔
ادریس چیمہ اسلام آباد، حنیف ساقی، حافظ آباد،سیف اللہ حیدر باجوہ حافظ آباد، علی احمد گجراتی، مقصود یاور، امتیاز قیس چٹھہ قاضی ابراہیم گجر گجرانوالہ، ڈاکٹر عرفان مغل ڈاکٹر رضا پنجابی عالم حسن گجرات،صدیق حیرت جڑانوالہ،منظور کیفی حویلی لکھا،شہزاد حسین بھٹی اٹک، اقبال زرقاش اٹک ہوراں دی آگوائی وچ پنجابی زبان دی لگوتی لئی ریلی کڈھی گئی۔ سروس موڑ گجرات توں کچہری چوک گجرات تیکر ریلی دا ٹورا سی۔ ریلی دے رلتیاں نیں بینر تے پلے کارڈز پھڑے ہوئے سن۔ جنہاں اُتے مادری زبان پنجابی دے حق وچ نعرے لکھے ہوئے سن۔ رلتیاں نیں پنجابی زبان دی لگوتی دے حق وچ ٹکا کے نعرے بازی کیتی تے پنجابی زبان دا حق منگیا۔ پنجابی زبان نوں سکولاں اتے کالجاں وچ لازمی مضمون دے طور تے پڑھائے جان دی منگ کیتی گئی۔ریلی وچ عام لوکائی توں وَکھ پنجاب دے دوجے شہراں توں شاعراں ادیباں تے پنجابی سیوکاراں دی اک وڈی گنتی نے رلت کیتی۔ ریلی دے رلتیاں وچ مقامی رلتیاں توں وَکھ باہر توں آن والے متراں وچ بشیر کمال شکرگڑھ،زین جٹ کنگن پور، زبیر عباس شیخورہ،رب نواز سرگودھا، محمد بوٹا شاکر لیہ، شہزاد حسین بھٹی اٹک،منظور کیفی حویلی لکھا، آصف مرزا ٹانڈا، احسان فیصل کنجاہی سعید اختر کنجاہی،مرزا سیف اللہ ساجد گجرانوالہ،اسلم ہیرا گجرانوالہ، طاہر خیال راہوالی کینٹ،جاوید باجوہ گلگت،نگہت مغل لیہ،ناصر حیات صحرائی جلالپور بھٹیاں، رائے ضیغم عباس کھرل حافظ آباد، شہباز گوندل گجرات،طیب گجر سادھوکی،شبیہہ مظہر رانجھا، اسد عباس راز یاسر ادیب، بلال ارباب،بنارس عاجز ڈنگہ توں شامل سن۔ اس توں وکھ لاہور یونیورسٹی توں پڑھیاراں دے وڈے جتھے نیں اچیچ نال ریلی وچ رلت کیتی۔
ریلی توں بعد ضلع کونسل ہال وچ پنجابی کانفرنس دا آہر کیتا گیا سی جس دی پردھانی مہان شاعر پنجابی سیوک تے ماہرِ تعلیم ادریس چیمہ اسلام آباد ہوراں کیتی۔ علی احمد گجراتی، رب نواز سرگودھا، ڈاکٹر رضا پنجابی گجرات، حنیف ساقی حافظ آباد، قاضی ابراہیم گجر گجرانوالہ نیں پنجابی کانفرنس وچ گل بات کیتی۔ تے مادری زبان دے بالاں دی پڑھائی وچ کردار تے بھرویں گل بات کیتی۔ اس توں وکھ پنجابی زبان دے تاریخی پچھوکڑ ادب تے کوملتا دا ویرا وی کیتا گیا۔اس توں بعد مہان پنجابی تے اردو شاعر استاد نصیر خان بلوچ ہوراں دی یاد وچ اک مشاعرے دا پربند کیتا گیا۔ جس دی پردھانی ادریس چیمہ ہوراں کیتی۔اچیچے پروہیناں وچ حنیف ساقی حافظ آباد، سیف اللہ باجوہ حافظ آباد، مقصود یاور گجرانوالہ، محمد بوٹا شاکر لیہ، شہزاد اقبال زرقاش اٹک،شہزاد حسین بھٹی اٹک،منظور کیفی حویلی لکھا، خالد انجم ڈوگر پھولنگر،صدیق حیرت جڑانوالہ،سمیرہ ساجد سیالکوٹ،رجب چودھری، ظفروال، شبیہہ مظہر رانجھا ڈنگہ،زین جٹ کنگن پور قصور توں شامل سن۔ اس توں وکھ مان جوگ رلتی شاعراں وچ امتیاز قیس علی پور چٹھہ۔جمیل ساحل پسرور،عمران ساگر پسرور، عاطف پروانہ چوبارہ،زاہد سلطان ظفروال،طاہر خیال راہوالی کینٹ،اسلم ہیرا گجرانوالہ، مرزا سیف اللہ ساجد گجرانوالہ، رائے ضیغم کھرل حافظ آباد، ناصر حیات صحرائی جلالپور بھٹیاں،عدنان احمد ملہی قلعہ دیدارسنگھ،اسد عباس راز ڈنگہ،طیب گجر سادھوکی، زبیر عباس شیخوپورہ،نعیم الدین فاروقی، اویس باسل، شعیب اختر،خبیب احمد، بنارس عاجز، یاسر ادیب،بلال ارباب،عون شاہ، نعمان احمد گجراتی ہوراں دے ناں شامل سن۔
عوامی تے ادبی پدھر ایس پنجابی اکٹھ دی ڈھیر سلاہنا کیتی جارہی اے۔
