پنجابی ادبی سانجھ کنگن پور دے آہر نال 21فروری جگت ماں بولی دیہاڑ دا اِکٹھ

رپورٹ: رانا شان علی

جَگت ماں بولی دیہاڑ پورے پنجاب وچ پنجابی سیوک تنظیماں نے بھرویں ڈھنگ نال منایا ایسے سلسلے دا اِک اِکٹھ پنجابی ادبی سانجھ کنگن پور دے آہر نال ہویا جس دی نقابت فیصل انمول ہوراں کیتی ۔پروگرام دا آغاز تلاوت کلام پاک توں ہویا جس دی سعادت حافظ احمد رضا تے نعت ذیشان حیدر ہوراں نے حاصل کیتی۔ انجمن طلباء اسلام کنگن پور دے ناظم علی اشرف شیخ ایڈووکٹ، مختار نواز ، میاں عدنان اکبر،علی قمر پنوں، معروف پنجابی شاعر اکرم ریحان، وحید رضا، پنجابی ادبی سانجھ دے صدر جاوید ساحر ہوراں پنجابی زبان دے حق وچ اپنے وچار سانجھے کردے ہویاں آکھیا کہ پنجابی زبان نوں پرائمری توں لے کے بی اے تیکر تعلیمی نصاب وچ شامل کیتا جاوے ایہ پنجاب تے پنجاب واسیاں دا حق اے۔ ماں بولی دیہاڑ نوں منان لئی انجمن طلباء اسلام کنگن پور دے اراکین پنجابی ادبی سانجھ کنگن پور دے بانہہ بیلی بن کے ریلی وچ وی شریک ہوئے ۔