جشن بہاراں پنجابی رہتل دیہاڑ مشاعرہ
مشاعرے دی پردھانی جگ دھمے شاعر پروفیسر احمد ساقی تے پنجابی سیوک مان جوگ شاعر علی احمد گجراتی ہوراں کیتی
رپورٹ : یاسین یاس
ادبی تنظیم وراگ تاندلیانوالہ ولوں پوسٹ گریجوایٹ کالج تاندلیانوالہ چ جشنِ بہاراں تے پنجاب رہتل دیہاڑ دے حوالے نال کل پنجاب محفل مشاعرہ دا پربندھ کیتا گیا سٹیج سیکرٹری دے فرائض وراگ ادبی تنظیم دے بانی و صدر بشیر فیض اسدی،جنرل سیکرٹری ملک شاہ راز وٹو تے میاں ندیم کمیانہ نے ادا کیتے صدارت پروفیسر احمد ساقی (اوکاڑہ )ہوراں کیتی مشاعرے دی پردھانگی دا سہرا پنجاب دے انملے ہیرے علی احمد گجراتی دے سر سجیا۔ مہمان خصوصی سید امبر بخاری پاکپتن،اشتیاق حسین اثر پھول نگر،پروفیسر نوید یاد رائے ونڈ،تائب نظامی پاکپتن تے یاسین یاس پھول نگر سن ۔اعزاز مہمان ریاض ارمان جلالپوربھٹیاں،فلک شیر نوید چنیوٹ،اقرار حسین اقرار جوئیہ،اشرف شاکر سمندری،عرفان سانول،اکبر غوری ،حمید شاکر سمندری ،نیاز عباس نیاز جھنگ ، عنص لک،قمر ثالث،ظہیر بلوچ جھنگ ،گوگیشاہ میلسی،اظہر راجر میاں چنوں ،ضیغم لونا ،اکرم طیب فیصل آباد ،اعجاز اسیر ،پروفیسر ظہیر عباس،نوید ضیا ،حیدر علی حیدر ،میاں عدیل مہتاب ،زین کھچی ،ارشد جانی ،اسد واجب سیال دبئی ،تے مقامی و غیر مقامی درجناں شاعراں نے رلت کیتی ایس توں وکھ ٹی وی چینلز ،ایچ ڈی چینلز تیاخباراں دے درجناں صحافیاں مشاعرے دی لائیو کوریج کیتی مشاعرہ گاہ شروع توں اخیر تک سنن والیاں نال کھچا کھچ بھریا رہیا سنن والے شاعراں تے نوٹاں دی بارش کردے رہے برقی قمقمیاں نال پوسٹ گریجوایٹ کالج نوں ووہٹی وانگ سجایا گیا آون والے مہماناں دا پھلاں دیاں پتیاں نال سواگت کیتا گیا پروہنیاں لئی رات دے ان پانی دا بھرواں آہر دتا گیا سی منن والی گل اے کہ ادبی تنظیم وراگ ولوں جشن بہاراں دے حوالے نال ہون والا کل پنجاب مشاعرہ بہترین تے کامیاب مشاعرہ سی جہدے لئی سارے وراگی مبارکباد دے حقدار نیں۔ ادبی تے سماجی حلقیاں ولوں مبارکباد دا سلسلہ جاری اے ادبی تنظیم وراگ تاندلیانوالہ دے صدر استاد شاعر بشیر فیض اسدی تے وراگ دے جنرل سیکرٹری شاہ راز وٹو ہوراں توں آس رکھدے ہاں کل اوہ ایسے طرح ماں بولی دی سیوا کردے رہن گے مشاعرہ رات اٹھ وجے توں سویر پنج وجے تائیں بنا کسے وقفے توں چلدا رہیا ۔
