ہجراں دے دن بیت گئے
بھپندرپنیوالیا
ہِجراں دے دِن بیت گئے تے رُت وسلاں دی آئی وے
آئیاں باغاں وِچ بہاراں نے ہر کلی مُسکائی وے
رُکھاں ٰتے جوبن چڑٍِآ اے دِل نوں ہُن سکون مِلے
دِلاں وِچوں کھوٹ وی جاون دُور ہون سبھ شِکوے گِلے
رُت بسنتی کھِڑ کھِڑ ہسے فزا ساری مہِکائی وے
ہِجراں دے دِن بیت گئے تے رُت وسلاں دی آئی وے
قُدرت رانی سجی پھبی سبھ نوں ہاسے ونڈی جاوے
ہر کوئی خوشی ٰچ کھیوا ہوکے گیت مِلن دے گاوے
چھل کِدھرے نظر نہ آوے ہر پاسے ہی وفائی وے
ہِجراں دے دِن بیت گئے تے رُت وسلاں دی آئی وے
دِل دا مہِرم درد پچھانے دِلاں وِچ پیار بھرے
رُت پیار دی آئی سجکے گوری سولاں سِنگار کرے
پوناں گیت گاؤندیاں لنگھن چُپھیرے رونق لائی وے
ہِجراں دے دِن بیت گئے تے رُت وسلاں دی آئی وے
کھیڑے بھریا موسم اڑیا انگ انگ مُسکاوے
اُمیداں رتی رُت ہے سجنا ایہہ کدے نہ جاوے
پنیوالیئے دے من تن آساں چھہِبر لائی وے
ہِجراں دے دِن بیت گئے تے رُت وسلاں دی آئی وے
