پِلاک ولوں پِلاک لوک سٹوڈیو اندروساکھی میلے دے حوالے نال مذاکرہ

رپورٹ: آفاق بٹ

پنجاب انسٹیٹیوٹ آف لینگویج آرٹ اینڈ کلچر‘ محکمہ اطلاعات و ثقافت پنجاب دے پربندھ ہیٹھ پلاک لوک سٹوڈیو وچ وساکھی میلے دے حوالے نال اک مذاکرہ ہویا جہدے وچ ملک دے نامور دانشوراں نے رلت فرمائی۔ جنہاں وچ ڈاکٹر ناصر بلوچ‘ الیاس گھمن تے اقبال قیصر شامل سن۔ میزبانی دے فرائض ڈاکٹر خاقان حیدرغازی نے سرانجام دتے۔

پروگرام وچ وساکھی نوں پنجاب دے خوشگوار موسم دی آمد قرار دتا گیا۔ جہدے توں کساناں دے گھراں وچ سال دی گندم دے نال نال مالی خوشحالی دی آمد ہوندی اے۔ ڈاکٹر ناصر بلوچ نے وساکھی دی ادبی حیثیت تے پیداواری حیثیت اتے گل کیتی۔ الیاس گھمن نے وساکھی دے رسم ورواج اتے گل بات کیتی۔ اقبال قیصر نے وساکھی دے تریخی پہلو اتے چانن پایا۔ڈاکٹر خاقان حیدرغازی نے اخیر وچ سارے پروہنیاں دا شکریہ ادا کیا۔