کیہ پاکستان سائوتھ ایشیا وچ امریکہ دا اسرائیل بنن جا رہیا اے

خالدبلوچ (لندن)

پاکستان وچ حالیہ اچانک ہون والی تبدیلی نے نہ صرف پاکستان دے کروڑاں عوام‘ اداریاں‘ سیاستداناں تے سائوتھ ایشیا دے پورے خطے تے اوہدی سیاست نوں ہلا کے رکھ دتا اے غور نال ایہناں محرکات دا جائزہ لین تے انج محسوس ہوندا اے کہ پاکستان دے خلاف اک منظم سازش دے تحت تے باقاعدہ منصوبہ بندی نال پاکستان وچ وکھووکھ الخیال رائٹس، لیفٹ تے اجہیاں تنظیماں جہڑیاں پاکستان تے فوج دے خلاف محاذ آراء سن تے ہے نیں ساریاں نوں اکٹھا کر کے اک جمہوری حکومت جہڑی بڑے چنگے طریقے نال حکومت چلا رہی سی تے جہدے تے کرپشن‘ اقرباپروری سنے کسے قسم دے کوئی الزامات نہیں سن ایہناں ساریاں جماعتاں نوں اکٹھا کرکے اجہی حکومت دے خلاف تحریک عدم اعتماد کروایا گیا جد کہ ایہ وی صاف نظر آندا اے کہ پاکستان دے ادارے باقاعدہ طور تے ایس سازش دا حصہ سن۔ ایس طرح بیرونی قوتاں نے پاکستان وچ اپنا پہلا مرحلہ مکمل کرکے اک اجہی کمزور ترین تے ضمانت تے آئے ہوئے کریمنل لوکاں تے مشتمل حکومت دا قیام عمل وچ لیاندا گیا تاں
جے منصوبہ بندی دے تحت دوجا مرحلہ آسانی نال مکمل کیتا جا سکے۔ گویا دشمن اک تیر نال کئی نشانے لانا چاہندا اے۔
سانحہ مشرقی پاکستان دے محرکات ول اک نظر مارنے آں تے 7دسمبر 1970ء دے عام انتخابات جہڑے پاکستان دی آزادی دے بعد پہلے انتخابات سن جہدے وچ مشرقی پاکستان توں عوامی لیگ جہدے سربراہ شیخ مجیب الرحمن سن جد کہ مغربی پاکستان توں پاکستان پیپلزپارٹی جہدے سربراہ ذوالفقارعلی بھٹو سن۔ کل سیٹاں 300 سن‘ مشرقی پاکستان توں 162 سیٹاں وچوں 160 سیٹاں عوامی لیگ جد کہ مغربی پاکستان توں پیپلزپارٹی 81 سیٹاں تے کامیاب ہوئی۔ اوس ویلے دے صدر پاکستان تے ریٹائرڈ چیف آف آرمی سٹاف جنرل یحییٰ سن۔ اقتدار جناب بھٹو جہناں نے 81 سیٹاں حاصل کیتیاں سن منتقل کر دتا گیا۔ بس ایہو اوہ لمحہ سی کہ مشرقی پاکستان دے کروڑاں بنگالیاں تے پاک فوج دے وچکار نفرتاں دا اک لماں خلاء پیدا ہو گیا جد کہ ایسے موومنٹ دی بھارت نوں اڈیک سی ایس طرح 8دسمبر 1971ء نوں ہندوستان نے مشرقی پاکستان تے حملہ کر دتا تے 16دسمبر 1971ء اٹھ دناں وچ ای ہندوستان ایہ جنگ جت گیا تے پاکستان دے 90 ہزار فوجیاں نوں قیدی بنا لیا گیا۔ ہندوستان ایس لئی ایہ جنگ جت گیا کیوں جے پاک فوج تے بنگالی لوکاں وچکار نفرتاں دی جہڑی فصل 7دسمبر 1970 وچ بوئی سی اوہ اک سال وچ تن آور رُکھ بن چکیا سی۔ نتیجہ ایہ نکلیا کہ مشرقی پاکستان دے لوکاںنے اپنے گھراں وچ مورچے بنا کے اپنی ای آرمی دے خلاف جنگ کیتی جے عوام نال نہ ہووے تے دنیا دی طاقتور فوج وی جنگ نہیں جت سکدی۔
ہن تسیں سائوتھ ایشیا وچ ہون والی تبدیلیاں دا جائزہ لوو۔ امریکہ دو دہائیاں تے محیط اک لمی جنگ افغانستان وچ ہر کے اوتھوں دم دبا کے نس چکیا اے تے طالبان نے دوبارہ افغانستان دا کنٹرول حاصل کر لیا اے ایہدے نال پوری دنیا وچ امریکہ دا وقار بڑا گھٹ ہویا اے جد کہ دنیا وچ تیزی نال ترقی کردا ہویا ملک چین امریکہ لئی خطرے دی گھنٹی بن چکیا اے تے دنیا پاکستان نوں سائوتھ ایشیا دا اسرائیل سمجھدی اے۔ امریکہ سائوتھ ایشیا خطے تے کنٹرول چاہندا اے تاں جے چین نوں بیلنس رکھیا جا سکے تے بھارت دی ہمدردیاں وی حاصل ہو سکن۔ ایس رجیم دے خاتمے دے دوجے دن ای امریکہ تے بھارت دا پاکستان دے وزیراعظم شہباز نوں ڈومور دا پیغام ملیا تے کشمیر وچ پابندیاں لان دے بعد پہلی واری جموں و کشمیر دے دورے تے آیا ہویا اے تے اپنیاں فوجاں آزادکشمیر توں علاوہ بلستان وچ وی اپنی بری تے فضائی فوجاں اتارن دی منصوبہ بندی کر رہیا اے۔
ایہناں ساریاں گلاں توں عمران خان دی حکومت دا خاتمہ تے امریکی سازش صاف صاف نظر آن لگ پئی اے تے امریکہ ایس خطے وچ کسے وڈی تبدیلی ول ٹریا ہویا اے۔ ایس حکومت دے آندیاں ای سی پیک اتھارٹی نوں ختم کر دتا گیا اے جہڑی چائنا‘ پاکستان دے وچکار نفرت دا پہلا پودہ بو دتا گیا اے۔
(جاری اے)
سی پیک پاکستان تے چائنا دے وچکار 20اپریل 2015ء نوں ہون والے معاہدے دے تحت شروع کیتا گیا جہدی لاگت 46 بلین ڈالر (امریکی) رکھی گئی تے ایس سی پیک وچ (OBOR) ون بیلٹ ون روڈ سی پیک دا اک عظیم الشان منصوبہ اے جہدے توں دنیا دی 60 فیصد آبادی فائدہ چک سکے گی جد کہ 40 فیصد دنیا دی گلوبل GDP تے مشتمل اے امریکہ تے بھارت کسے طرح وی ایس منصوبے نوں توڑ چڑھن دے حق وچ نہیں تے ایس منصوبے وچ دراڑاں پان لئی امریکن رجیم شہباز گروپ نے سی پیک اتھارٹی نوں ختم کرکے پہلی اٹ رکھ دتی اے۔
نویں رجیم دے آن نال یاں لیائے جان وچ چائنا دے نال پاکستان دے ایٹمی اثاثیاں تک رسائی تے اوہناں دے حصول لئی بڑی تیزی نال کم ہو رہیا اے تے محسوس ہوندا اے کہ امریکہ ہندوستان مودی دے مقبوضہ کشمیر دے قبضہ نوں پاکستان دی نویں رجیم نوں تسلیم کروان‘ سی پیک دے خاتمے‘ چائنا تے پاکستان وچ ہمیشہ لئی دوریاں پیدا کرن تے پاکستان وچ سری لنکا ورگے حالات پیدا کرکے پاکستان نوں ڈیفالٹ کروا کے افغانستان دے خطے توں خود ساختہ دہشت گرداں دے حملے کروائے گا تے پاکستان دے اڈیاں تے اپنی رسائی حاصل کرے گا تے اوہنوں چائنا دے خلاف استعمال کرے گا تے پاکستان دے ایٹمی اثاثے انٹرنیشنل قنون دے تحت کہ ملک ڈیفالٹ ہو چکیا اے چارے پاسے دہشت گرد پاکستان تے حملہ کر رہے نیں۔
جدوں توں موجودہ حکومت وجود وچ آئی اے افغانستان بارڈر توں پاک فوج تے حملے شروع ہو چکے نیں سگوں زور پھڑدے جا رہے نیں۔ چائنا پاکستان دے وچکار خلاء ودھان لئی کراچی وچ پچھلے دیہاڑیاں چائنا دے استاداں تے خودکش حملہ تے پنج چینی باشندیاں دی ہلاکت‘ پاک چائنا تعلقات نوں خراب کرن ول جا رہیا اے۔ ایدھر دوجے پاسے پاکستان تحریک انصاف دے عمران خان پوری طاقت نال میدان عمل وچ نیں جد کہ امریکہ دی آشیرباد نال قائم موجودہ حکومت تے پاکستان دے سارے ادارے اک پاسے کھڑے نظر آ رہے نیں ایتھے بہت سارے سوالات جنم لے رہے نیں کہ پاکستان وچ مہنگائی دی وجہ نال عمران خان دی حکومت نوں عدم اعتماد دی وجہ نال ختم کیتا گیا جد کہ ایس توں علاوہ عمران حکومت تے دوجا کوئی الزام نہیں تے اجے چار ہفتیاں تے مشتمل ایہ حکومت بڑی تیزی نال مہنگائی وچ وادھا کیتی جا رہی اے تے حالیہ آئی ایم ایف نال موجودہ معاہدے نال پٹرول‘ ڈیزل‘ مٹی دے تیل‘ گیس‘ بجلی دے مُلاں وچ وادھیاں مگروں مہنگائی دا جہڑا طوفان وے گا‘ تے موجودہ ڈیزل تے بجلی دی ڈاڈھی لوڈشیڈنگ نے پاکستان دے لوکاں دا جینا اوکھا کر کے رکھ دتا اے جد کہ عمران خان دی حکومت دا خاتمہ کیہ اوہنوں دوبارہ لیان لئی کیتا گیا اے؟ پاکستان دے اکثریتی عوام دا بڑا سخت ری ایکشن ویکھن وچ آ رہیا اے تے عوام تے فوج تے عدلیہ آمنے سامنے کھڑے ہو گئے نیں جہڑی بڑی چنتاجوگ گل اے جد کہ موجودہ وزیراعظم تے کابینہ ساری ضمانتاں تے موجود قیدیاں تے مشتمل اے تے اندرونی تے بیرونی قوتاں توں آسانی نال بلیک میل ہو سکدیاں نیں تے اوہدے توں ملکی مفادات دے خلاف کوئی وڈا فیصلہ وی ہو سکدا اے؟ کیہ پاکستان خانہ جنگی ول ودھ رہیا اے تے یاں فیر خونی انقلاب وچ ایہ جنگ بدل سکدی اے؟ کیہ فوج نیوٹرل اے یاں فیر موجودہ حکومت جہدے تے الزام اے کہ اوہ امریکی سازش دے تحت وجود وچ آئی ا ے نال کھڑی اے تے امریکی مفادات دا تحفظ کر رہی اے ؟ کیہ پاکستان دا سی پیک دا منصوبہ ادھورا رہ جاوے گا؟ کیہ چین وی مستقبل وچ بھارت دے نال پاکستان دا دشمن بن جاوے گا۔ روس‘ افغانستان‘ ایران تے سعودی عرب دے نال مستقبل قریب وچ تعلقات دی نوعیت کیہ ہووے گی؟ تے کیہ لوکاں دے دبائو پاروں پاکستان دی اسٹیبلشمنٹ عمران خان نوں دوبارہ اقتدار وچ لیاوے گی؟ جے تحریک عدم اعتماد امریکی پلاننگ تے سازش اے تے ایہ اوہدا پہلا مرحلہ مکمل ہویا اے جد کہ کیہ دوجے مرحلے وچ امریکہ پاکستان نوں وی ایران‘ شام‘ فلسطین‘ عراق تے لیبیا وانگوں اگ خون وچ نہلا کے ساڈے ایٹمی اثاثیاں تے قبضہ کر لوے گا؟ تے کیہ پاکستان ایس سازش دے تحت سائوتھ ایشیا وچ امریکہ دا اسرائیل بنن جا رہیا اے؟ جے ایہ امریکی سازش اے تے فیر کیہ ایہدے وچ ہندوستان وی شامل اے؟۔
بہرحال میں پاکستان دے لوکاں اگے بڑے ادب نال گزارش کراں گا کہ اوہ پاک فوج تے پاکستان دی عدلیہ دے خلاف بالکل نہ جان تے اوہناں دے نال کھڑے ہو جان۔ ہو سکدا اے کہ ساڈے دشمن ملکاں دی ایہ وی اک چال ہووے تے اللہ نہ کرے اوہ پاکستان تے حملہ کرکے موقعے توں فائدہ چک سکن۔

سی پیک پاکستان تے چائنا دے وچکار 20اپریل 2015ء نوں ہون والے معاہدے دے تحت شروع کیتا گیا جہدی لاگت 46 بلین ڈالر (امریکی) رکھی گئی تے ایس سی پیک وچ (OBOR) ون بیلٹ ون روڈ سی پیک دا اک عظیم الشان منصوبہ اے جہدے توں دنیا دی 60 فیصد آبادی فائدہ چک سکے گی جد کہ 40 فیصد دنیا دی گلوبل GDP تے مشتمل اے امریکہ تے بھارت کسے طرح وی ایس منصوبے نوں توڑ چڑھن دے حق وچ نہیں تے ایس منصوبے وچ دراڑاں پان لئی امریکن رجیم شہباز گروپ نے سی پیک اتھارٹی نوں ختم کرکے پہلی اٹ رکھ دتی اے۔
نویں رجیم دے آن نال یاں لیائے جان وچ چائنا دے نال پاکستان دے ایٹمی اثاثیاں تک رسائی تے اوہناں دے حصول لئی بڑی تیزی نال کم ہو رہیا اے تے محسوس ہوندا اے کہ امریکہ ہندوستان مودی دے مقبوضہ کشمیر دے قبضہ نوں پاکستان دی نویں رجیم نوں تسلیم کروان‘ سی پیک دے خاتمے‘ چائنا تے پاکستان وچ ہمیشہ لئی دوریاں پیدا کرن تے پاکستان وچ سری لنکا ورگے حالات پیدا کرکے پاکستان نوں ڈیفالٹ کروا کے افغانستان دے خطے توں خود ساختہ دہشت گرداں دے حملے کروائے گا تے پاکستان دے اڈیاں تے اپنی رسائی حاصل کرے گا تے اوہنوں چائنا دے خلاف استعمال کرے گا تے پاکستان دے ایٹمی اثاثے انٹرنیشنل قنون دے تحت کہ ملک ڈیفالٹ ہو چکیا اے چارے پاسے دہشت گرد پاکستان تے حملہ کر رہے نیں۔
جدوں توں موجودہ حکومت وجود وچ آئی اے افغانستان بارڈر توں پاک فوج تے حملے شروع ہو چکے نیں سگوں زور پھڑدے جا رہے نیں۔ چائنا پاکستان دے وچکار خلاء ودھان لئی کراچی وچ پچھلے دیہاڑیاں چائنا دے استاداں تے خودکش حملہ تے پنج چینی باشندیاں دی ہلاکت‘ پاک چائنا تعلقات نوں خراب کرن ول جا رہیا اے۔ ایدھر دوجے پاسے پاکستان تحریک انصاف دے عمران خان پوری طاقت نال میدان عمل وچ نیں جد کہ امریکہ دی آشیرباد نال قائم موجودہ حکومت تے پاکستان دے سارے ادارے اک پاسے کھڑے نظر آ رہے نیں ایتھے بہت سارے سوالات جنم لے رہے نیں کہ پاکستان وچ مہنگائی دی وجہ نال عمران خان دی حکومت نوں عدم اعتماد دی وجہ نال ختم کیتا گیا جد کہ ایس توں علاوہ عمران حکومت تے دوجا کوئی الزام نہیں تے اجے چار ہفتیاں تے مشتمل ایہ حکومت بڑی تیزی نال مہنگائی وچ وادھا کیتی جا رہی اے تے حالیہ آئی ایم ایف نال موجودہ معاہدے نال پٹرول‘ ڈیزل‘ مٹی دے تیل‘ گیس‘ بجلی دے مُلاں وچ وادھیاں مگروں مہنگائی دا جہڑا طوفان وے گا‘ تے موجودہ ڈیزل تے بجلی دی ڈاڈھی لوڈشیڈنگ نے پاکستان دے لوکاں دا جینا اوکھا کر کے رکھ دتا اے جد کہ عمران خان دی حکومت دا خاتمہ کیہ اوہنوں دوبارہ لیان لئی کیتا گیا اے؟ پاکستان دے اکثریتی عوام دا بڑا سخت ری ایکشن ویکھن وچ آ رہیا اے تے عوام تے فوج تے عدلیہ آمنے سامنے کھڑے ہو گئے نیں جہڑی بڑی چنتاجوگ گل اے جد کہ موجودہ وزیراعظم تے کابینہ ساری ضمانتاں تے موجود قیدیاں تے مشتمل اے تے اندرونی تے بیرونی قوتاں توں آسانی نال بلیک میل ہو سکدیاں نیں تے اوہدے توں ملکی مفادات دے خلاف کوئی وڈا فیصلہ وی ہو سکدا اے؟ کیہ پاکستان خانہ جنگی ول ودھ رہیا اے تے یاں فیر خونی انقلاب وچ ایہ جنگ بدل سکدی اے؟ کیہ فوج نیوٹرل اے یاں فیر موجودہ حکومت جہدے تے الزام اے کہ اوہ امریکی سازش دے تحت وجود وچ آئی ا ے نال کھڑی اے تے امریکی مفادات دا تحفظ کر رہی اے ؟ کیہ پاکستان دا سی پیک دا منصوبہ ادھورا رہ جاوے گا؟ کیہ چین وی مستقبل وچ بھارت دے نال پاکستان دا دشمن بن جاوے گا۔ روس‘ افغانستان‘ ایران تے سعودی عرب دے نال مستقبل قریب وچ تعلقات دی نوعیت کیہ ہووے گی؟ تے کیہ لوکاں دے دبائو پاروں پاکستان دی اسٹیبلشمنٹ عمران خان نوں دوبارہ اقتدار وچ لیاوے گی؟ جے تحریک عدم اعتماد امریکی پلاننگ تے سازش اے تے ایہ اوہدا پہلا مرحلہ مکمل ہویا اے جد کہ کیہ دوجے مرحلے وچ امریکہ پاکستان نوں وی ایران‘ شام‘ فلسطین‘ عراق تے لیبیا وانگوں اگ خون وچ نہلا کے ساڈے ایٹمی اثاثیاں تے قبضہ کر لوے گا؟ تے کیہ پاکستان ایس سازش دے تحت سائوتھ ایشیا وچ امریکہ دا اسرائیل بنن جا رہیا اے؟ جے ایہ امریکی سازش اے تے فیر کیہ ایہدے وچ ہندوستان وی شامل اے؟۔
بہرحال میں پاکستان دے لوکاں اگے بڑے ادب نال گزارش کراں گا کہ اوہ پاک فوج تے پاکستان دی عدلیہ دے خلاف بالکل نہ جان تے اوہناں دے نال کھڑے ہو جان۔ ہو سکدا اے کہ ساڈے دشمن ملکاں دی ایہ وی اک چال ہووے تے اللہ نہ کرے اوہ پاکستان تے حملہ کرکے موقعے توں فائدہ چک سکن۔٭٭