کوئی ہوندا اے کم بنان والا

سعد اللہ خان

کہنا میں چاہنا واں کہ منزل دا حصول اپنی تھاں پر اوہ لوک جہڑے مقصد لئی جُٹے رہندے نیں اوہ دنیاوی منزلاں توں پرے ہوندے نیں۔ اوہناں دا راہ ای اوہناں دی منزل ہوندا اے۔ فیر زندگی دا مقصد ہے کیہ کہ جہناں دی آنکھوں میں ہوں آنسو انہیں زندہ سمجھو پانی مرتا ہے تو دریا بھی اتر جاتے ہیں۔ ایہ پانی ای تے زندگی اے تے زندگی ایسے چوں پیدا ہوندی اے۔ عام محاورہ وی اے کہ اکھ دا پانی مر جاوے تے باقی کیہ بچدا اے تے قوم و ملک لئی آسانیاں لیاوے گی۔ برکتاں دا کارن ہووے گی تے رحمت دا کارن بنے گی۔ میں جدوں وی حضرت قائداعظم دی ذات دا مطالعہ کرنا واں تے دنگ رہ جانا واں کہ آپ دی معمولات وچ وی اک رکھ رکھائو بانکپن تے عظمت سی۔ لالچ تے خودغرضی اوہناں نوں چھوہ کے وی نہیں سی گزری نیکی کسے وی لمحے وچ ہو سکدی اے۔ ایہ اک کردار اے بشریت دے اوصاف وچ ڈھلیا ہویا کہ ریاست دے وسیلے ریاست دے نیں ایہ تے حد ای ہو گئی کہ اسمبلی ممبران چائے گھر توں پی کے آن کہ ریاست ایہدی متحمل نہیں۔ اچانک مینوں سراج الحق یاد آئے کہ امریکہ ڈیلی گیشن لے کے گئے تے ساتھیاں نوںوی مسجد وچ سلایا۔
میں دلوں کہہ رہیا واں کہ خدا واسطے اپنے ملک دا سوچو کہ ایہ بہت زیادہ قربانیاں دے بعد حاصل کیتا گیا اے تے اینے وڈے واقعے یاں انج کہہ لوو کہ اینی وڈی جدوجہد نوں دہرانا سوکھا نہیں۔ اک لمحے لئی سوچیا تے جا سکدا اے کہ میں آپ اپنے سرکل وچ اپنی حد تک ملک لئی کناں مفید آں۔ خاص طور تے میں تعلیم یافتہ نوجواناں اگے مخاطب آں۔ تسیں اپنی رائے رکھو چنگی تے مثبت گل دی تائید کرنا تے تخریبی سوچ دی نفی کرن دا حوصلہ پیدا کرو۔ اللہ تے توکل رکھو کوئی ہوندا اے کدھرے کم بنان والا اک وگڑدا اے تے سو کم سنور جاندے نیں۔ میں اک شہہ سرخی ویکھ رہیا سی کہ وزیراعظم فرماندے نیں کہ ملک نوں کنک دی پیداوار وچ خودکفیل بناواں گے تے ایہ کہ سمگلنگ روکاں گے۔ ہن ایہ گل تے بڑی زبردست اے کہ پاکستان اک زرعی ملک تے اوہدی پچھان ای ایہہ وے۔ اجہے ملک وچ کنک وی گھٹ جاوے تے شرم دا مقام اے۔ انج تے سانوں شروع توں ای امریکہ نے پاک کنک گھل کے اپنا غلام کر لیا سی۔ یقینا ایس کنک دا اثر ہن تک چل رہیا اے امریکی کنک دی اپنی تاثیر اے۔ کجھ دوستاں نوں یاد ہووے گا کہ جدوں ایہ کنک آئی سی تے ہٹھاں تے لد کے اوہناں دے گلے وچ تختیاں لمکائیاں گئیاں سن جہناں تے تھنک یو امریکہ لکھیا ہویا سی امریکہ دے اسیں عادی ہوندے گئے نوازشریف نے اک واری یو ایس یعنی یونائیٹڈ سٹیٹ نوں یو ایس پڑھ لیا انج ایہ غلط وی نہیں سی یعنی Help us خیر ایہ تے تفنن طبع دے تحت میں لکھ دتا پر قبلہ نوازشریف دے دور وچ ای کنک باہر سمگل ہوئی اپنی کنک گھٹ ہوئی تے باہروں گھٹیا کنک منگوائی گئی تے اوہنوں فیر آٹا بنا کے باہر گھلی گئی۔ ایہ پوری سٹوری چھپی سی۔ فیر ایسے کنک لئی سبسڈی دتی گئی توبہ اے کہ اسیں کہندے کجھ آں تے کردے کجھ آں کساناں دے حوالے نال وی اسیں سنگ دل آں ایہ وی تہانوں یاد ہووے گا کہ آلو اینے سستے ہو گئے کہ باربرداری دا خرچہ وی کسان نہیں سی چک سکدا۔ آلو نہراں وچ سٹ دتے گئے ہن کھاد دا معاملہ پچھلی حکومت وچ بڑا گھمبیر ہو گیا بوری تن چار گنا مہنگی ہوئی ایس پاسے دھیان دین دی لوڑ اے۔ جان والیاں دیاں خامیاں کڈھن وچ ویلا ضائع نہ کرو ایہ وی پچھلی حکومت دی نکامی دا کارن بنیا کہ اوہ جان والیاں تے تبراہی گھلدے رہے۔ لوکاں نے تہاڈی کارکردگی ویکھنی اے۔ مثلاً شہبازشریف دے آن تے نان پندراں روپیے توں اٹھاراں روپیے دا ہو چکیا دس روپیے دی روٹی دین وچ وی بہانے کردے نیں۔ ہفتے دی چھٹی ختم کر دتی گئی اے جہنوں کجھ محکمیاں وچ ناپسند وی کیتا جا رہیا اے۔ خیر ہن حکومت نوںاپنی پرفارمنس دی پئی اے تے اوہناں تے عمران خاں دا پریشر وی اے کہ اوہ ویہہ لکھ لوک اسلام آباد لیان دے خواہش مند نیں انج جے اوہ ایہ گنتی کجھ گھٹ کر لین تے بہتر ہووے گا اجہے وچ اسلام آباد والے کدھر جان گے تے یک نہ شد دو شد دے مصداق مریم نواز نے وی جلسے شروع کر دتے نیں کہ کوئی پتہ نہیں کہ انتخاب کروانے پے جان۔ باہر ملک وچ تے فیر وی کم چل رہیا اے سوشل میڈیا تے گھمسان دی جنگ جاری اے۔ امریکہ خلاف بیانیے وچ وی تے امریکہ نوں اعتماد وچ لینا پوے گا۔٭٭