”شہید کی جو موت ہے وہ قوم کی حیات ہے”
شہیداں دی حیاتی، خدمتاں تے قربانیاں نوں یاد کرن لئی کیپٹن سلمان سرور شہید دے خاندان ولوں ”شہید کی جو موت ہے وہ قوم کی حیات ہے” دے سرناویں ہیٹھ اک سیمینار کرایا گیا۔ ایہہ اِکٹھ الحمرا آرٹس کونسل لہور وچ ہویا جیہدے وچ شہیداں دے خانداناں دی وڈی گنتری نے بھرویں جوش و خروش نال رَلت کیتی۔ کیپٹن طارق شہید دی گھر والی، لیفٹیننٹ ناصر حسین سلہریہ شہید دی گھر والی، کیپٹن عکاشہ شہید دے گھر والے تے معروف ادیب اصغر ندیم سید ، سابق وفاقی سیکرٹری محمد آصف ، بریگیڈئیر ریٹائرڈ نادر میر تے محمد اعظم سمیت سماج دے ہر شعبے نال تعلق رکھن والے مقرر سن۔ جنھاں تقریب وچ رلت کیتی تے شہیداں شہیداں دے خانداناں دے نال اظہار تشکر تے یکجہتی دا اظہار کیتا۔ ایس توں پہلاں وکھو وکھ سکولاں دے پڑھیاراں قومی ترانے گا کے یکجہتی دا اظہار کیتا۔ کیپٹن سلمان سرور شہید دی حیاتی اتے اک مختصر دستا ویزی فلم (ستار بسالت) حاضرین نوں وکھائی گئی۔ سیمینار دا اختتام پاکستان لئی دعا دے نال ہویا۔
