وید ڈاکٹر محمد اجمل خان نوں خراج تحسین پیش کرن لئی پروقار تقریب

شہادت ہے مطلوب و مقصود مومن
نہ مال غنیمت نہ کشور کشائی
نظام کائنات اے جہڑا ایس دنیا وچ آیا اوہ جان لئی آیا۔ لاتعداد بندگان خدا پیدا ہوندے نیں تے ایس دنیا فانی توں کوچ کر جاندے نیں لیکن دنیا والے اوہناں نوں بڑی چھیتی فراموش کر دیندے نیں لیکن وید محمد اجمل خان اوس عظیم محب الوطن شخصیت دا نام اے جہناں نے تحریک پاکستان وچ بھرواں حصہ لیتا۔ تسیں تحریک آزادی لئی جدوجہد کردے ہوئے پٹیالہ توں ہجرت کر کے پاکستان آئے۔ ایس دوران اوہناں دے خاندان دے بیشتر حضرات نے جام شہادت نوش کیتا۔ 15 ستمبر 1947 ہجرت دے دوران اہلیان منصور پور چھینٹانوالہ ریاست پٹیالہ توں دشمن دا مردانہ وار مقابلہ کر کے پاکستان پہنچن وچ کامیاب ہو گئے۔ ڈاکٹر اجمل خان تے رسالدار قادر بخش دی قائدانہ صلاحیتاں پاروں ایس خونی معرکہ وچ دشمن دے اک ہزار توں ودھ بندے جہنم واصل ہوئے۔ ایس معرکہ وچ اوہناں شہیداں نوں اسیں سلام پیش کرنے آں جہناں نے اپنی جاناں دا نذرانہ پیش کر کے پاکستان دی بنیاداں وچ اپنا لہو شامل کیتا تے ایہنوں دوام بخشیا تے آپ امر ہو گئے۔ اوہناں مجاہداں نوں وی سلام جہناں نے نامصاحب حالات دے باوجود مردانہ وار مقابلہ کر کے ہزاراں بزرگاں’ زنانیاں تے بالاں نوں منزل مقصود اتے پہنچایا۔
نہیں تیرا نشیمن قصر سلطانی کے گنبد پر
تو شاھین ھے بسیرا کر پہاڑوں کی چٹانوں میں
بزم قرشی پاکستان تے پاکستان طبی کانفرنس دے پربندھ ہیٹھ اپنے بزرگ رہنما شفا الملک حکیم محمد حسن قرشی دے درینہ ساتھی پاکستان طبی کانفرنس دے جانثار رہنما وید ڈاکٹر محمد اجمل خان پچھلے طبی بورڈ دے صدر نوں خراج تحسین پیش کرن لئی قرشی لائبریری ہال چوک نوناریاں ملتان روڈ لہور وچ اک پروقار تقریب دا پربندھ کیتا گیا۔ جہدی صدارت حکیم محمد احمد سلیمی صدر نیشنل کونسل فار طب نے کیتی جدکہ پروفیسر حکیم وید نواب محمد جمیل خان مرکزی نائب صدر پاکستان طبی کانفرنس اچیچے پروہنے سن۔وید حکیم لیاقت سعید’ ممبران نیشنل کونسل فار طب پروفیسر حکیم ملک ذوالفقار علی زاہد’ پروفیسر حکیم حافظ فرید یونس’ طیبہ رابعہ محمود’ ڈاکٹر سکندر حیات زاہد’ حکیم مفتی ڈاکٹر محمد یوسف’ حکیم رضاالحق نقشبندی’ حکیم مدثر سواتی’ حکیم ملک سلیم اختر’ حکیم تصور محمدی نے وید ڈاکٹر محمد اجمل خان دی زندگی تے خدمات اتے چانن پایا۔اوہناں نے آکھیا کہ پاکستان طبی کانفرنس اوہ واحد جماعت اے جہڑی طب تے طبیب دی صحیح نمائندہ جماعت سی’ہے تے انشاء اللہ رہووے گی۔
پاکستان طبی کانفرنس درحقیقت مسیح الملک حکیم محمد اجمل خان مرحوم دی تاسیس کردہ طبی تنظیم آل انڈیا آیورویدک اینڈ یونانی طبی کانفرنس دی آئینی قائم مقام تنظیم اے جہدا قیام 1910 وچ ہویا تے قیام پاکستان مگروں ملک دے دوجے شعبیاں وانگوں ایہہ تنظیم وی دو حصیاں وچ تقسیم ہو گئی۔
پاکستان طبی کانفرنس درحقیقت مسیح الملک حکیم محمد اجمل خان مرحوم دی تاسیس کردہ طبی تنظیم آل انڈیا آیورویدک اینڈ یونانی طبی کانفرنس دی آئینی قائم مقام تنظیم ہے۔ جہدا قیام 1910 وچ ہویا تے قیام پاکستان مگروں ملک دے دوجے شعبیاں وانگوں ایہہ تنظیم وی دو حصیاں وچ تقسیم ہو گئی۔ تریخی اعتبار نال ایس تنظیم دی لوڑ اوس ویلے محسوس کیتی گئی جدوں برطانوی دور حکومت وچ حکومت ممبئی نے رجسٹریشن ایکٹ دے نفاذدے ذریعہ غیر رجسٹرڈ معالجاں دی پریکٹس اتے پابندی عائد کرن دا فیصلہ کیتا تے اوہدی آڑ وچ دیسی طباں تے اوہدے معالجاں نوں ختم کرن دا منصوبہ بنایا گیا۔
مسیح الملک حکیم محمد اجمل خان نے آن والے خطریاں دا ادراک کردے ہوئے ملک بھر دے اطبا تے ویداں نوں اک مرکز اتے اکٹھا کرن لئی شبانہ روز محنت کیتی تے طب دے تحفظ’ بقا تے دیسی طباں دے معالجاں دی حیثیت نوں تسلیم کروان لئی آل انڈیا آیورویدک اینڈ یونانی طبی کانفرنس دی بنیاد پائی۔ایہہ تنظیم اپنے پروگرام’ بے لوث خدمت تے سچے جذبیاں دی بنیاد اتے استوار ہون دی وجہ نال ملک گیر شہرت حاصل کر گئی تے اوہنے اک تحریک دی شکل اختیار کر لیتی۔ ایس تنظیم دی مقبولیت تے ہمہ گیری دا اعجاز سی کہ حکومت نوں اپنا فیصلہ واپس لینا پیا۔
قیام پاکستان مگروں آل انڈیا آیورویدک اینڈ یونانی طبی کانفرنس دی مجلس قائمہ دے اوہ ارکان جہناں دا تعلق پاکستان دے مختلف صوبیاں نال سی’ اک ملک گیر اجتماع ایس خطہ دی قدیم ترین درسگاہ طیبہ کالج انجمن حمایت اسلام لہور وچ ہویا جہدے وچ تنظیم دانام بدل کے اوہنوں ہور فعال کرن دا فیصلہ کیتا گیا۔ ابتدائی طور تے ایہدا نام آل پاکستان یونانی اینڈ آیورویدک طبی کانفرنس تجویز کیتا گیا جہنوں مگروں حکیم عبدالمجید عتیقی جنرل سیکرٹری دے ایما اتے شفا الملک حکیم محمد حسن قرشی تے ستارہ خدمت علامہ حکیم علی نیر واسطی نے پاکستان طبی کانفرنس دے نام نال موسوم کرن دی منظوری فرمائی۔ ایس تنظیم دا پہلا اجلاس عام کراچی وچ منعقد ہویا جہدی صدارت مادر ملت محترمہ فاطمہ جناح نے فرمائی۔
تنظیم دی تشکیل مگروں نویں حالات دے تحت آئین تے منشور تیار کیتا گیا جہنوں 20نومبر 1966 نوں راولپنڈی وچ مجلس قائمہ دے اجلاس وچ باقاعدہ منظور کیتا گیا تے باضابطہ طور تے شفا الملک حکیم محمد حسن قرشی نوں تنظیم دا صدر منتخب کیتا گیا۔ ملک دے مشرقی تے مغربی صوبیاں وچ مضبوط شاخاں قائم کیتی گئیاں جہناں دے تحت ضلعی سطح اتے تنظیماں دا قیام عمل وچ لیایا گیا۔ پاکستان طبی کانفرنس دی قیادت دی شبانہ روز کاوشاں نال اطبا پاکستان نوں یونانی آیووریدک اینڈ ہومیو پیتھک پریکٹنشنرز ایکٹ دے تحت قنونی طور تے پریکٹس کرن دا حق ملیا۔ ایس ایکٹ دی رو نال پاکستان وچ پہلا طبی بورڈ تشکیل پایا جہدے سارے ارکان نوں حکومت پاکستان نے نامزد کیتا تے تنظیم دے صدر شفا الملک حکیم محمد حسن قرشی نوں ایس بورڈ دا پہلا صدر منتخب کیتا گیا۔ طبی بورڈ دے پہلے عام انتخابات وچ پاکستان طبی کانفرنس نے من حیث الجماعت انتخاب وچ حصہ لیتا۔ مشرقی تے مغربی پاکستان دی صوبائی شاخاں نے بھرویں جدوجہد کیتی جہدے نتیجے وچ پاکستان طبی کانفرنس نوں کامیابی نصیب ہوئی تے علامہ نیر واسطی صدر منتخب ہوئے۔ اپنی صدارت دے دوران جدوں حکیم نیر واسطی بیرون ملک دورے اتے روانہ ہوندے تے طبی بورڈ دی صدارت دی ذمہ داریاں وید ڈاکٹر محمد اجمل خان نوں سونپ کے جاندے۔
ایس موقع تے پروفیسر حکیم اسلم طالب، پروفیسر حکیم سید عمران فیاض ۔،حکیم نذیر تابش،حکیم احسان الرحمن سحری،حکیم طاھر نوید جنجوعہ، حکیم امجد وحید بھٹی ، حکیم وسیم انور، حکیم محمد اسماعیل ، حکیم فیصل صدیقی ، حکیم سیف لودھی ، حکیم محمد شفیق ، حکیم عمر فاروق گوندل ، حکیم عیسی نذیری ، حکیم شاھد محمود ، حکیم محمد نواز چشتی ، حکیم محمد افضل بٹ ، حکیم عارف چوھدری ، حکیم محمد اعظم ، حکیم ابوبکر یحیی ، حکیم فیصل جگرانوی ، حکیم عطا الرحمن صدیقی ، حکیم وحید الحسن چشتی ،حکیم طاھر خان ، حکیم محمد جعفری ، حکیم عبدالستار شافی ، حکیم قیصر عباسی ، حکیم جاوید اختر ، حکیم غلام دستگیر ، حکیم عمران فاروق، حکیم حافظ سلیمان ، حکیم علی حیدر ، حکیم فیصل رضا ، حکیم احمد حسن نوری، حکیم ناصر بشیر ، حکیم رفیق اختر ، حکیم ظہور چوھدری ،حکیم رضوان ارشد ،حکیم ثاقب مجید ، حکیم طاھر نذیر ، ڈاکٹر شبیر عنایت ، حکیم اجمل خان ، طبیبہ محمودہ سلطانہ ، طبیبہ نرگس رحمان ، طبیبہ بشری ، طبیبہ ملیحہ ، محمد ناظر بھٹی ، ریس احمد ، محمد فیضان سنے بہت وڈی تعداد وچ اطبا نے رلت کیتی۔