پنجابی زبان دی حفاظت لئی ہر قربانی دین لئی تیار آں،مدثر اقبال بٹ

لہور وچ وڈا پنجابی اکٹھ پاکستان پنجابی ادبی بورڈ لہور دے دفتر وچ ہویا جس دا سرناواں سی پنجابی دے لہجیاں نوں وکھ زباناں بنان توں روکن لئی منصوبہ بندی ۔ اجلاس وچ پنجابی زبان نوں درپیش اہم خطرات تے مشاورت کیتی گئی۔ اجلاس وچ پنجابی یونین دے چیئرمین مدثراقبال بٹ، پنجابی زبان زبان تحریک دے سربراہ الیاس گھمن ، پروفیسر سعادت علی ثاقب ، میاں آصف علی ، حسنین بھٹی ، ، پروین ملک ، ،علی عثمان باجوہ ، بلال مدثربٹ ، مشتاق قمر ، بزمولا شاہ دے سربراہ میاں ظفر مقبول تے ہور سیوکاں نیں رلت کیتی۔ چیئرمین پنجابی یونین مدثر اقبال بٹ نے کہیا۔کہ پنجابی زبان دی حفاظت واسطے ہر قربانی دین لئی تیار آں جے کوئی ایہہ سمجھدا کہ اوہ پنجابی زبان دے خلاف سازش کرن۔وچ۔کامیاب ہو سکدا تے ایہہ اس دی بھل آ پنجابی دے تحفظ تے فروغ واسطے ہر حد تیک۔جان نوں تیار آں چیئرمین پنجابی زبان تحریک الیاس گھمن نے کہیا کہ پنجابی زبان دے خلاف ہر سازش دا مقابلہ کراں گے تے سب اخراجات میں آپ کراں گا، پنجابی ادبی بورڈ دی سیکرٹری پروین ملک نے کہیا کہ ہمیش فی طراں۔ایس معاملے وچ وی پنجابی ادبی بورڈ اپنا کردار ادا کر رہیا اے تے سب نوں۔اک پلیٹ فارم تے اکٹھا کر رہے آں۔ مشتاق قمر نے کہیا کہ پنجابی ہن جاگ پئے آ ہر سازش دا مقابلہ کراں گے ، میاں ظفر مقبول کہیا کہ میں اپنے ہزاراں مریداں دے نال ہر محاذ تے سب توں اگے ہوواں گا، حسنین بھٹی نے کہیا کہ پنجابی زبان دی بقا تے سالمیت ای پنجاب دے تحفظ دی ضامن اے۔علی عثمان باجوہ نے کہیا کہ سب پنجابی جاگ جان تے کسے دی جرات نہیں کہ پنجابی دے خلاف سازش کرے میاں آصف علی نے ہن تک ہون والی کوششاں دی رپورٹ پڑھ کے سنائی اجلاس وچ فیصلہ۔کیتا گیا کہ پنجابی زبان دی بقا تے تحفظ واسطے ہر بوہا کھڑکایا جائے گا

اپنا تبصرہ گھلو