استاد رفیق حسین خان دے اعزاز وچ تقریب

پنجاب انسٹیٹیوٹ آف لینگوئج، آرٹ اینڈ کلچر (پِلاک) تے بزم استاد رفیق دی سانجھ نال عالمی شہرت یافتہ موسیقار استاد رفیق حسین خاں دی یاد وچ اک اعتراف فن دا پربندھ کیتا گیا جہدے وچ ترنم ناز، علی رضا خان، استاد بدرالزمان تے سجاد بری نے پرفارم کیتا۔ استاد رفیق حسین خاں اپنے عہد دے اک کہنہ مشق موسیقار سن۔ موسیقی دے میدان وچ اوہناں نے اپنے فن دا لوہا منوایا’ بہت سارے مشہور گانیاں دی دھناں ترتیب دتیاں۔ اوہناں دی یاد ساڈے دلاں وچ ہمیشہ تازہ رہوے گی۔ ایس موقعے تے ڈاکٹر ترن کمار سنگھ دی سالگرہ دا کیک وی کٹیا گیا۔ چیتا رہوے ڈاکٹر ترن کمار سنگھ موسیقار رفیق حسین خاں دے بہت وڈے مداح نیں۔