اَٹھواں ورھے وار ایوارڈ اکٹھ تے کافی ، چاکلیٹ تے پرفیوم دی مُکھ وکھالی

ملک گیر پنجابی تنظیم دل دریا پاکستان رجسٹرڈ دا اٹھواں ورہے وار ایوارڈ اکٹھ پلاک لاہور وچ ہویا۔اکٹھ دی پردھانی مہان پنجابی سیوک پروفیسر ڈاکٹر نبیلہ رحمان ہوراں کیتی۔اس موقع تے ڈاکٹر عامر ظہیر بھٹی ہوراں دی پندھ ورتی کافی چاکلیٹ تے پرفیوم دی مکھ وکھالی دا پربند وی کیتا گیا۔معروف گائیک اسد عباس راز ہوراں خوبصورت گائیکی پیش کیتی۔اویس باسل ہوراں پروگرام دی نقابت سنبھالی۔اچیچے پروہنیاں وچ مدثر اقبال بٹ، سیف اللہ باجوہ، ڈاکٹر صغرا صدف، نائلہ ریاض بٹ، ارشد بٹ، ڈاکٹر صائمہ شعبان،ڈاکٹر صائمہ بتول،مقصود یاور، اعظم علی اعظم، جمشید کمبوہ، نرگس نور تے پروفیسر اللہ داد ملک ہوراں دے نام شامل سن۔ اس توں وکھ ہور مان جوگ رلتی متر جنہاں نیں اچیچی رلت کیتی اوہناں وچ بابا عدل منہاس لہوری، یحیی شاہد، مرزا سیف اللہ ساجد، امتیاز قیس، خبیب احمد ناسِف، عاقب پنجابی، زین جٹ، طیب گجر، فیصل منظور کیفی، طاہر گجر، زبیر عباس، طاہر خیال، اِصطفی حیدر تے ارشاد ملک ہوراں دے نام شامل سن۔
ملک گیر پنجابی تنظیم دل دریا پاکستان رجسٹرڈ دی چھتر چھاویں پلاک دی سانجھ نال اٹھویں ورہے وار ایوارڈ اکٹھ دا پربند کیتا گیا جس وچ 2021 وچ چھپیاں پنجابی ادب دیاں کتاباں تے ایوارڈ دتے گئے۔ اس توں وکھ پنجابی سیوا کاراں نوں پنجابی سیوک ایوارڈ وی پیش کیتے گئے۔ دل دریا پاکستان تے انگلشرز انٹرنیشنل دی سانجھ نال ڈاکٹر عامر ظہیر بھٹی ہوراں دی پنجابی پندھ ورتی کافی چاکلیٹ تے پرفیوم جو کئی ملکاں دا سفرنامہ ایں دی مکھ وکھالی کیتی گئی۔ ڈاکٹر اکبر علی غازی، ڈاکٹر کرامت مغل، ڈاکٹر صائمہ شعبان، ڈاکٹر صغرا صدف، مدثر اقبال بٹ تے پروفیسر ڈاکٹر نبیلہ رحمان ہوراں کتاب تے گل بات کیتی اور اپنے وچاراں راہیں کتاب نوں ڈھیر سلاہنا پیش کیتی۔ کتاب دے لکھاری ڈاکٹر عامر ظہر بھٹی ہوراں گل بات کرن والے متراں دا شکریہ ادا کیتا اور اگلے سال اک نویں”پندھ ورتی”چھاپن دی خوشخبری وی دتی۔ اس دے پنجابی کتاباں تے ایوارڈ پیش کیتے گئے۔ ایوارڈز دا ویرواں کجھ ایسراں ایں:نعتیہ کھیتر وچ سلاماں دی خشبو،ڈاکٹر مشرف حسین انجم،پہلا پنجابی نعت ایوارڈ،گلشنِ مصطفی،محمد عاطف سوہلوی،دوجا پنجابی نعت ایوارڈ،نعتاں میرے محبوب دیاں،حاجی محمد لطیف کھوکھر،تریجا پنجابی نعت ایوارڈ،نعت بھیالی سیالکوٹ،ڈاکٹر اکبر علی غازی،تریجا پنجابی نعت پڑچول ایوارڈ،سلام و مناقب دے کھیتر وچ پاکاں دے ہتھ ڈور،رضوان کامل،پہلا پنجابی منقبت ایوارڈ،عشق دھمال،محمد یعقوب فردوسی،دوجا پنجابی منقبت ایوارڈ،مقصود کربلا ہے۔ارشاد ڈیروی،تریجا پنجابی منقبت ایوارڈ حاصل کیتا۔جیون جاچ،ڈاکٹر محمد ایوب،پہلا پنجابی سیرت ایوارڈ حاصل کیتا۔باتاں دادی دِیاں،ڈاکٹر محمد ایوب،پہلا پنجابی نثری بال ادب ایوارڈ حاصل کیتا۔ نثر دے کھیتر وچوں پڑچول دے حوالے نال نویں پنجابی نظم وچ صوفیانہ عنصرڈاکٹر صائمہ شعبان،پہلا پنجابی پڑچول ایوارڈ،کلیاتِ منظور جھلا،صفدر وامق،پہلا پنجابی پڑچول ایوارڈ۔اساں چپ نہیں وٹنی دھرتی تے،صغیر تبسم،دوجا پنجابی پڑچول ایوارڈ۔کھوج ستھری،ڈاکٹر صائمہ بتول،دوجا پنجابی پڑچول ایوارڈ۔لوک ادب راہیں پنجاب دے ہیرو،ڈاکٹر افتخار سلہری،تریجا پنجابی پڑچول ایوارڈ۔منظور جھلا حیاتی تے فن،صفدر وامق،تریجا پنجابی پڑچول ایوارڈ۔پنجابی افسانے دا تحقیقی و تنقیدی ویروا۔انیلہ سرور،تریجا پنجابی پڑچول ایوارڈ حاصل کیتا۔ان گاہے راہ،گیان سنگھ سندھو،لِپی انتر، عاشق راحیل نے پہلا پنجابی آپ بیتی ایوارڈ کیتا۔چوک والا کھوہ،صدیق حیرت،پہلا پنجابی بولی ایوارڈ،فیاضی بولیاں،شریف فیاض وزیرآبادی،دوجاپنجابی بولی ایوارڈ حاصل کیتا۔غزل تے نظم دے کھیتر وچ ایوارڈ حاصل کرن والیاں کتاباں وچ پندھ ہِرن دی چوکڑی،پروفیسر عامر سہیل،پہلا پنجابی شعری ایوارڈ،سانجھے سپھنے،جاوید عارف،پہلا پنجابی شعری ایوارڈ، ون سونے پھل،ناز اوکاڑوی،دوجا پنجابی شعری ایوارڈ،پیلے پتر اتے،فاروق عابد،دوجا پنجابی شعری ایوارڈ،چپ دا کمال،پرویز انجم،تریجا پنجابی شعری ایوارڈ،جاچڑ،پروین سجل،تریجا پنجابی شعری ایوارڈ،ساہنواں وچ تریڑاں،سلیم نجمی،چوتھا پنجابی شعری ایوارڈ،تیجی اکھ،حیدر علی حیدر،چوتھا پنجابی شعری ایوارڈ،سوچ سویر،جمشید کمبوہ،پنجواں پنجابی شعری ایوارڈ شامل نیں۔ اس توں وکھ کچیچیاں،آصف علی علوی،پہلا پنجابی مزاح ایوارڈ حاصل کیتا۔جیہڑیاں کتاباں تے اعزازی شیلڈاں پیش کیتیاں گیاں اوہناں وچ آدم بیتی،بشیر ناطق۔رہتل دِیاں تصویراں،ڈاکٹر سعید الفت۔رِیجھاں،چاک شاہ)اکھلی(محمد شریف ساجد)سحرِ عشق(سحر فاروقی)پینگھ ہلارے(محمد اعجاز طاہر)کچ دِیاں ونگاں(صادق شاہین)پھٹدے سومے(محمد اکرم قلندری)یاداں ماتم کیتے(زاہد جرپالوی)چیک بنی للکار(شوکت مغل)تھل تریہائے نین(انور ندیم علوی)پیار دی کھیڈ(محمد نوید قلندری)لج(محمد عزیز) شامل نیں۔پنجابی سیوک ایوارڈز حاصل کرن والیاں وچ ڈاکٹر اکبر علی غازی،ایوب صابر،ڈاکٹر ارشد اقبال ارشد،محمد حسنین بھٹی،نائلہ بٹ،نبیل نابر،ہیتم تنویر اکرم۔ثاقب پنجابی تے عدنان قلزم رانجھا ہوراں دے نام شامل نیں۔اویس باسل’ طیب گجر تے عاقب پنجابی ہوراں پروگرام نوں سنبھالن وچ اپنا ڈھیر کردار ادا کیتا۔ خاص طور تے ڈی جی پلاک ڈاکٹر صغری صدف تے اوہناں دی ٹیم نے پروگرام دی کامیابی لئی اہم کردار ادا کیتا۔ روز واربھلیکھا،روز وار پنجابی زبان،روزنامہ پوسٹ مارٹم تے بلکار نیوز ولوں پروگرام دی بھرپور کوریج کیتی گئی۔دل دریا پاکستان دے صدر علی احمد گجراتی ہوراں آن والے سارے پروہنیاں دا شکریہ ادا کیتا۔ پروگرام دے آخر تے آن والے پروہنیاں نوں رات دا کھانا پیش کیتا گیا۔ ایسراں نیک دعاواں نال ایہ مان جوگ اکٹھ توڑ چڑھیا۔