جشن آزادی دے موقعے اتے پرچم کشائی تے احیائے طب یونانی سیمینار

Pro Imran Hakim Fiaz

کون ہوتا ہے حریف مے مرد افگن عشق
ہے مکر ر لب ساقی پہ ملا میرے بعد
بزم قرشی پاکستان دے پربندھ ہیٹھ 14 اگست جشن آزادی دی مناسبت نال تقریب پرچم کشائی تے پروگرام دا انعقاد ہویا۔ تقریب دی صدارت سالار طب عظیم طبی رہنما تے نوجوان طبی لیڈر صدر نیشنل کونسل فار طب پروفیسر حکیم محمد احمد سلیمی نے کیتی جد کہ اچیچے پروہنے ممتاز صحافی تے دانشور اوریا مقبول جان ، ممتاز صدارتی ایوارڈ یافتہ نعت خواں حکیم حافظ مرغوب احمد ھمدانی، استاد الا اساتذہ سابق ممبر نیشنل کونسل فار طب پروفیسر حکیم سلیم احمد خان ، استاد الا اساتذہ پروفیسر حکیم خالد مبین تے بزم قرشی پاکستان دے صدر حکیم لیاقت سعید سن ۔پروگرام
وچ اطبا اکرام نے اپنی فیملی دے نال رلت کیتی۔ پروگرام وچ نظامت دے فرائض حکیم رضاالحق نقشبندی نے ادا کیتے۔ تلاوت قرآن مجید دی سعادت قاری نے حاصل کیتی جد کہ نعت رسول مقبولۖ صدارتی ایوارڈ یافتہ نعت خواں حکیم حافظ مرغوب احمد ہمدانی نے حاصل کیتی۔ خطبہ استقبالیہ حکیم لیاقت سعید نے ادا کیتا۔ ایس عظیم الشان تقریب وچ حاضرین ملی نغمیاں دی دھناں توں محظوظ ہو رہے سن۔ 14 اگست دے حوالے نال مقررین نے خطاب کردیاں ہوئیاں آکھیا کہ ایہہ عظیم وطن ساڈے بزرگاں دی انتھک محنت تے لازوال قربانیاں پاروں سانوں حاصل ہویا اے۔ اج دا دیہاڑ تحریک پاکستان توں لے کے تکمیل پاکستان دے دوران اپنی جان ومال دا نذرانہ پیش کرن والے اوہناں عظیم شہیداں’ مجاہداں تے غازیاں نوں خراج تحسین پیش کرن دا دیہاڑ اے۔ ایس دن اسیں اوہناں عظیم لوکاں دی انمٹ قربانیاں نوں کدی فراموش نہ کرن دا عہد کرنا اے۔
شفا الملک حکیم محمد حسن قرشی اک عظیم نابغہ روزگار شخصیت سن۔ تسیں اک بلند پایہ عالم’ عاشق رسولۖ ‘ شمع اسلام دے پروانے تے دنیائے طب دے نیر درخشاں وی سن۔ جہناں دی مسیحائی نے ان گنت مریضاں نوں خدائے ذوالجلال دی رضا توں صحت کاملہ نال بہروہ ور کیتا۔ شفا الملک اک سچے مسلمان تے تحریک عالم اسلام دے بہت وڈے داعی سن۔ اوہناں نے تحریک پاکستان دے نال نال تکمیل پاکستان وچ ودھ ودھ کے حصہ لیتا۔ اوہ اپنی ذات وچ انجمن ہون دے نال نال معاشرے دے انفرادی تے اجتماعی مسئلیاں اتے وی گہری نظر رکھدے سن۔ عوامی مسئلہ صحت نوں درپیش مشکلاں’ مصائب تے الائم دے ازالہ لئی اوہناں طبی تحقیق تے علم طب دے فروغ نوں اپنی حیاتی دا عظیم مقصد بنا لیا۔ شفا الملک حکیم محمد حسن قرشی دے کارنامیاں نے اوہناں نوں عظیم بنا دتا۔ اعلیٰ قدراں لئی اوہناں دی قربانیاں نے اوہناں نوں محبوبیت دی مسند اتے تاحیات جلوہ افروز کردتا۔ اوہناں دی زندگی توں عزم’ جدوجہد’ ایثار تے خلوص دا انمٹ درس ملدا اے۔
مقررین نے خطاب کردیاں ہوئیاں آکھیا کہ 1947 توں لے کے ہن تک اسیں اپنے ملک دی بھاگ دوڑ چلان لئی صحیح لوکاں دا انتخاب کرن توں قاصر آں۔ سانوں اجے تک شاید وطن عزیز دے نال مخلص قیادت میسر نہیں ہوئی کیوں جے ملک وچ جہڑی وی جماعت برسراقتدار آندی اے اوہ عوام دے دکھ درد دا مداوا کرنا تے دور دی گل اوہناں دی تکلیفاں وچ ہور وادھا کردیاں نیں تے عوام نوں صرف جھوٹی تسلیاں دے لالی پاپ کھان نوں مل جاندے نیں۔ مقررین نے آکھیا کہ خاندان قرشی تے تحریک قیام و تعمیر پاکستان وچ حصہ لین والے اکابرین دی خدمات نوں نویں نسل تک منتقل کرنا ساڈ مشن اے۔ مقررین نے سال 2022نوں احیائے طب یونانی دا سال قرار دتا تے آکھیا کہ موجودہ کونسل نے فاضل طب والجراحت دے سال اول تے دوم نوں ایف ایس سی دے مساوی قرار دوا کے عظیم کارنامہ سرانجام دتا اے۔ جہدا سارا کریڈٹ صدر کونسل حکیم محمد احمد سلیمی تے اوہناں دی ٹیم نوں جاندا اے جہڑا کہ خراج تحسین دے لائق اے۔
تقریب وچ حکیم ملک سلیم اختر ، حکیم حامد محمود، حکیم و ڈاکٹر مفتی یوسف نقشبندی ،حکیم محمد اسماعیل ، حکیم و ڈاکٹر شبیر عنایت ، حکیم تصور حسین محمدی ، حکیم نذیر تابش ، حکیم عیسی نذیری ، ڈاکٹر سکندر حیات ذاھد ، پروفیسر حکیم اسلم طالب ، پروفیسر حکیم سید عمران فیاض ، حکیم امجد وحید بھٹی ، حکیم مدثر مظفر ثواتی ، حکیم عمر فاروق گوندل ، حکیم طاھر نوید جنجوعہ ، حکیم ولایتت علی گوھر ، حکیم محمد عثمان ، پروفیسر حکیم محمد شفیق ، حکیم طاھر نوید جنجوعہ ، حکیم فیصل طاھر صدیقی ، حکیم جواد خان ، حکیم ندیم چوھدری ، حکیم محمد احمد ، حکیم سیف لودھی ، حکیم منظور احمد ، حکیم احمد حسن نوری ، حکیم محمد افضل بٹ ، حکیم عطا الرحمن صدیقی ، حکیم محمد احمد اسحاق، حکیم محمد عبداللہ ، حکیم محمد اللہ یار ، حکیم محمد نواز ،حکیم شاھد محمود ، حکیم عبیدالرحمن ،حکیم منیر احمد شکوری ، حکیم نوید ،حکیم ناصر بشیر سوھدروی ، حکیم اسلم بھٹی ، حکیم غلام نبی ،ڈاکٹر عبدالرحمن ، حکیم وارث جنجوعہ ،حکین صغیر خان ،حکیم اعجازالحق ، حکیم عبدالحفیظ چوھان ، حکیم رانا احمد رضا ،حکیم وقار ،محمد فیضان ، ریس احمد ، محمد فراز ، محمد علی ، طبیبہ فرح تبسم ،طبیبہ بشری اصغر ، طبیبہ فازہ ،طبیبہ اقرا عارف سنے بہت وڈی تعداد وچ محبان وطن نے رلت کیتی ۔

اپنا تبصرہ گھلو