شاعر تے کہانی کار صابر علی صابر دے آدر وچ اکٹھ

لہندے پنجاب دے شاعر تے کہانی کار صابر علی صابر دے آدہر وچ ساتھال وچ تلویندر ڈھلوں تے گرنام گریوال سلوہ نیں”شیو کمار بٹالوی میموریل آرگنائزیشن”تے ”میل گیل کمیونٹی پروجیکٹ ساتھال”دے تعاون نال پنجاب توں صابر علی صابر، طاہرہ سرا، سنیل سجل، سمرن عکس برنالہ نوں مبارکباد دتی گئی۔ مرکزی تقریب صابر علی صابر دی مختصر کہانیاں دی کتاب ”بھک”دی مکھ وکھالی سی۔ اچیچے پروہنے گربچن سنگھ اٹوال، ٹرسٹی دلجیت سنگھ گریوال سی، کتاب بارے گرنام سنگھ گریوال سلوہ، تلویندر ڈھلون، کلونت ڈھلون، شگفتہ گمی، مہندرپال دھالیوال نیں گل بات کیتی تے کتاب دے فنی پہلو تے معاشرے دی برائیاں نوں وکھان لئی ساری لکھت دی تعریف کیتی۔ نال ای درشن ڈھلوں ایڈیٹر ”چرچہ”نے صابر علی صابردی کوزے نوں سمندر وچ بند کرن دی تکنیک دی تعریف کیتی تے مثال دتی کہ صابر جی دی اک نظم ہے جس دا عنوان ”مذہب”اے نظم شروع ہندی اے۔”معذرت”تے نظم ختم ہو جاندی اے! اک حرف دی نظم ایہ سب کہندی اے۔اس طراں کہانیاں ”افطاری” سیکیورٹی”تحریر”وغیرہ! نال اوہناں نے کہیا کہ کِتے صابر صاحب متضاد ہو کے اپنے ای خیالاں تے حملہ آور ہون لگدے نیں، اس دی کیہ وجہ اے، میں نہیں جان دا! مسٹر اقبال سنگھ چنا، فلم نقاد تے گلوکار منجیت نکی دی رلت نے سب نوں خش کر دتا۔پروہنیاں دی سیوا ”میل-گیل پروجیکٹ دے منڈے کڑیاں نیں کیتی، جیدے وچ کھانے، چا ، لڈو، جلیبیاں وی سی ۔