6ستمبریوم دفاع پاکستان

پلٹنا جھپٹنا جھپٹ کر پلٹنا
لہو گرم رکھنے کا ہے اِک بہانہ
یوم دفاع ہر سال 6ستمبر نوں پاکستان وچ بطور اک قومی دیہاڑ منایا جاندا اے۔ ایہہ دیہاڑ پاک بھارت جنگ 1965 وچ افواج دی دفاعی کارکردگی تے قربانیاں دی یاد وچ منایا جاندا اے۔
وطن کی خاک سے مر کر بھی ہم کو انس باقی ہے
مزا دامان مادر کا ہے اس مٹی کے دامن میں
ایس عظیم دیہاڑ دا مقصد پاکستان دے دفاع تے عسکری طاقت نوں مضبوط کرن دی یاددہانی اے تاں جے ہر آن والے دن وچ کسے وی حملے توں بطریق احسن نمٹیا جا سکے۔ ایس دن سکول’ کالج تے جامعات دے علاوہ سرکاری دفتراں وچ 6ستمبر 1965 دی پاک پھارت جنگ دے شہیداں تے غازیاں نوں خراج تحسین پیش کیتا جاندا اے تے بھارت دے اوس حملے دی پسپائی دا تذکرہ کیتا جاندا اے جہدے وچ اوہنوں شکست دا سامنا کرنا پیا سی۔
ہم اہل قفس تنہا بھی نہیں ہر روز نسیم صبح وطن
یادوں سے معطر آتی ہے
اشکوں سے منور جاتی ہے
ہر پاکستانی اپنی فوج دے دفاع اتے فخر کردا اے تے یقین رکھدا اے کہ انشاء اللہ پاک فوج ہر محاذ اتے سرخرو اے۔6ستمبر1965 دا دیہاڑ عسکری اعتبار نال تریخ عالم وچ کدی نہ بھلن والا قابل فخر دن اے۔جدوں کئی گنا وڈے ملک نے افرادی تعداد وچ کئی گنا بوہتے لشکر تے دفاعی وسائل دے نال اپنے چھوٹے جئے پڑوسی ملک اتے کسے اعلان دے بغیر رات دے انھیرے وچ فوجی حملہ کر دتا۔ ایس چھوٹے مگر غیور تے متحد ملک نے اپنے دشمن دے جنگی حملہ دا ایس پامردی تے جانثاری نال مقابلہ کیتا کہ دشمن دے سارے عزائم خاک وچ مل گئے۔ بین الاقوامی سطح اتے وی ایہنوں شرمندگی ہوئی۔ جارحیت کرن والا اوہ وڈا ملک ہندوستان تے غیور تے متحد چھوٹا ملک پاکستان اے۔
سرفروشی کی تمنا اب ہمارے دل میں ہے
دیکھنا ہے زور کتنا بازوئے قاتل میں ہے
6ستمبر 1965 دی جنگ وچ پاک فوج نے ملک دی سرحداں دا باوقار انداز وچ دفاع کیتا تے پوری دنیا اتے ثابت کر دتا کہ پاکستانی زندہ قوم نیں۔ وطن عزیز لئی مر مٹنا جاندے نیں تے آزادی دی حفاظت کرنا جاندے نیں۔
6ستمبر1965 نوں جدوں بھارتی فوج نے برکی سیکٹر تے دوجے محاذ کھولے تے اوہدے وہم وگمان وچ وی نہیں سی اوہنوں عبرتناک شکست دا سامنا کرنا پووے گا۔
وطن کی پاسبانی جان و ایماں سے بھی افضل ہے
میں اپنے ملک کی خاطر کفن بھی ساتھ رکھتا ہوں
پاکستان دی خلاف بھارتی جارحیت اک وڈی غلطی سی جہدا اوہنوں خمیازہ بھگتنا پیا۔ بھارتی قیادت دے پاکستانی فوج تے قوم بارے ساری اندازے غلط نکلے۔ پاک فوج دے جواناں نے لازوال بہادری وکھاندے ہوئے چونڈہ توں کھیم کرن تک لازوال داستاناں رقم کیتیاں۔
دل سے نکلے گی نہ مر کر بھی وطن کی الفت
میری مٹی سے بھی خوشبوئے وفا آئے گی
ساڈی بہادر فوج نے سوہنی دھرتی گجرات دے سپوت میجر راجہ عزیز بھٹی شہید (نشان حیدر) تے اوہناں جانثار ساتھیاں دی عظیم شجاعت تے بہادری پاروں دشمناں دے عزائم خاک وچ ملا دتے تے اوہناں نوں اپنی جاناں دا نذرانہ دے کے شکست فاش دتی۔
ہے محبت اس وطن سے اپنی مٹی سے ہمیں
اس لیے اپنا کریں گے جان و تن قربان ہم
سادی بہادر فوج دے
نال بھارتی جارحیت دے خلاف قوم تے محنت کش طبقہ سیسہ پلائی دیوار بن گیا۔ سیالکوٹ محاذ اتے انفنٹری ڈویژن نے شکست خوردہ بھارت دے آرمڈ ڈویژن’ اک آرمڈ بریگیڈ دے چونڈہ دے مقام اتے پندرہ حملے نکام بنا دتے تے گھمسان دا ایسا رن پیا کہ حواس باختہ دشمن نوں نسن دے سوا کجھ نہیں سجھیا۔
اج فیر پوری قوم یک جان ہو کے یوم دفاع منا رہی اے۔ قوم 65 دی پاک بھارت جنگ دے شہیداں نوں نہیں بھلی۔ جنگ وچ حصہ لین والے ہر جوان نوں قوم سلام کہندی اے۔
کہاں ہیں آج وہ شمع وطن کے پروانے
بنے ہیں آج حقیقت انہیں کے افسانے
1965دی ہندوستان تے پاکستان وچ ہون والی ایس جنگ وچ ثابت ہویا کہ جنگاں ریاستی عوام تے فوج متحد ہو کے ای لڑدی تے جت سکدیاں نیں۔ پاکستانی قوم نے اپنے ملک نال محبت تے مسلح فوج دی پیشہ وارانہ مہارت تے جانثاری دے جرات مندانہ جذبے نے رل کے ناممکن نوں ممکن بنا کے وکھایا۔
دل سے نکلے گی نہ مر کر بھی وطن کی الفت
میری مٹی سے بھی خوشبوئے وفا آئے گی
پاکستان تے 1965وچ ہندوستان ولوں جنگ دا تھپیا جانا پاکستانی قوم دے ریاستی نصب العین دو قومی نظریہ’ قومی اتحاد تے حب الوطنی نوں بہت ودا چیلنج سی جہنوں جری قوم نے کمال وقار تے بے مثال جذبہ حریت نال قبول کیتا تے لازوال قربانیاں دی مثال پیش کر کے زندہ قوم ہون دا ثبوت دتا۔ دوران جنگ ہر پاکستانی نوں اک ای فکر سی کہ اوہنوں دشمن دا سامنا کرنا تے کامیابی پانا اے۔ جنگ دے دوران نہ تے جواناں دی نظراں دشمن دی نفری تے عسکریت طاقت اتے سی تے نہ پاکستانیع وام دا دشمن نوں شکست دین دے سوا کوئی ہور مقصد سی۔ سارے پاکستانی میدان جنگ وچ کود پئے سن۔ استاد’ طلبہ’ شاعر’ ادیب’ فنکار’ گلوکار’ اطبا’ ڈاکٹرز’ سول ڈیفنس دے رضاکار’ مزدور’ کسان تے ذرائع ابلاغ ساریاں دی اک ای دھن تے آواز سی کہ
اے مرد مجاہد جاگ ذرا
اب وقت شہادت ہے آیا
ستمبر1965 دی جنگ دا ہمہ پہلو جائزہ لین نال اک حقیقی تے گہری خوشی محسوس ہوندی اے کہ وسائل نہ ہون دے باوجود اینے وڈے تے ہر لحاظ نال مضبوط ہندوستان دے مقابلے وچ چھوٹے جئے پاکستان وچ اوہ کہڑا عنصر تے جذبہ سی جہنے پوری قوم نوں اک سیسہ پلائی ناقابل عبور دیواروچ بدل دتا سی۔
نہیں تیرا نشیمن قصرِسلطانی کے گنبد پر
تو شاھین ھے بسیرا کر پہاڑوں کی چٹانوں میں