چودھری پرویز الٰہی محسن صحافت

وزیراعلیٰ پنجاب چوہدری محمد پرویزالٰہی نے حکومت پنجاب دا حلف چکدے ای پنجاب دے ادھورے منصوبیاں اتے کم شروع کر دتا۔ وزیراعلیٰ پنجاب اپنے حلف وچ کیتے گئے وعدیاں نوں پورا کرن لئی پرعزم نیں تے اوہناں کماں نوں زیر غور رکھے ہوئے نیں جہڑے ہن تک پورے نہیں ہوئے۔ جے اسیں وزیراعلیٰ چودھری پرویزالٰہی دے پچھلے منصوبیاں نوں یاد کرئیے تے ایہہ غلط نہیں ہووے گا کیوں جے اوہناں نے ایس توں پہلاں دور حکومت وچ اوہ منصوبے بنائے جہڑے عوام دی بہتری لئی سن۔ اوہناں منصوبیاں وچ بالاں دی تعلیم دا پروگرام جہڑا اج تک کوئی حکومت نہیں کر سکی۔ اوہناں نے بالاں لئی سکول وچ میٹرک تک کتاباں مفت کردتیاں ۔ جدی وجہ نال ہر گھر دا بچہ بچہ تعلیم حاصل کرن لگ گیا۔ ایہدے مگروں ریسکیو 1122اوہناں دے دور حکومت وچ متعارف کروائی گئی۔ تاں جے مریضاں نوں لے جان وچ گھنٹیاں دا سفر منٹاں وچ ہو سکے۔ وزیراعلیٰ پنجاب چودھری پرویزالٰہی دی جدیدیت دے فلسفے’ ات گردی دے خاتمے تے صوبے وچ امن وامان دی صورتحال نوں برقرار رکھن لئی بین الاقوامی شہرت ملی۔ وزیراعلیٰ چودھری پرویزالٰہی دے پچھلے دور حکومت دے منصوبیاں تے پروگراماں توں لوک اینے متاثر ہو گئے کہ اوس دور حکومت وچ وزیراعلیٰ دے طور تے منتخب ہو گئے۔ 2002دے دور حکومت وچ بہت سارے انقلابی اقدامات کیتے جہدے وچ پڑھیا لکھیا پنجاب’ ریسکیو ‘ 1122′ ٹریفک وارڈن سسٹم’ انسٹیٹیوٹ آف کارڈیالوجی اینڈ چلڈرن کمپلیکس دا قیام’ آبپاشی دا نظام تے لہور رنگ روڈ منصوبے اوہناں دے نمایاں کارنامے نیں تے حال ای وچ وزیراعلیٰ نے صحافیاں نوں اوہناں دے حقوق دین دا وی وعدہ کیتا اے۔ساڈے وچوں ہر اک ایس حقیقت توں واقف اے کہ پاکستان بہت ساری جدوجہد دا نتیجہ اے جہدے وچ کئی لوکاں دی محنت شامل اے۔ پاکستان دے سیاسی نظام اتے بے شمار خاندان حاوی رہے لیکن ایہہ سیاسی خاندان اپنے بندیاں نوں موقع دین دا نظام چلا رہے سن لیکن وزیراعلیٰ چودھری پرویزالٰہی اوس دور حکومت وچ صرف کم اتے ای زور دتا گیا تے اوہناں نے اینے گھٹ ویلے وچ اک توں ودھ کے اک کم کیتا تے منصوبے بنائے۔ جہڑی گل دا اندازہ اوہناں دے ایس دور حکومت توں لایا جا سکدا اے کہ عوام نے فیر اوہناں دا چنائو اوہناں دے کامیاب منصوبیاں دی وجہ نال کیتا تاں جے اوہ اوہناں منصوبیاں تے پروگراماں وچ فیر کجھ نواں کرئیے تے جہڑے منصوبے ادھورے رہے اوہناں نوں مکمل کرن۔ وزیراعلیٰ پنجاب نے ریسکیو1122جو کہ پاکستان دی پہلی تربیت یافتہ ایمرجنسی سروس اے۔ اوہدے عملے دا کم لوکاں دی زندگی بچان تے مختلف حالات وچ اپنی خدمات پیش کرنا اے۔ ایس کاوش نوں ہور کامیاب کرن وچ حکومت پنجاب دی نمایاں خدمات پیش پیش نیں۔ جہدے توں کوئی وی لاعلم نہیں۔ وزیراعلیٰ پنجاب نے 1122نوں ہور وسیع پیمانے تک لے جان لئی سروسز اکیڈمی وچ صوبے دی ساری تحصیلاں وچ ایمرجنسی سروس شروع ہون تے منعقدہ تقریب وچ ایمبولینس دی چابی ڈویژنل ایمرجنسی آف افسران دے حوالے کرد تی۔ 1122سروس نوں صوبے دی ساری انتظامی سب ڈویژناں جہناں نوں تحصیلاں آکھیا جاندا اے اوہناں وچ توسیع دی منظوری دے دتی۔ وزیراعلیٰ پنجاب پرویزالٰہی نے 1122 لئی سال دے اخیر تک ایمرجنسی ریسکیو سروس نوں ہور 86 سب ڈویژناں وچ شروع کرن دا اعلان کیتا۔ حکومت پنجاب دے حکم نال موٹر بائیک ایمرجنسی سروس نوں ہور 27 اضلاع تک ودھایا جاوے گا۔ وزیراعلیٰ پنجاب دا ایہہ منصوبہ سارے منصوبیاں اتے حاوی اے تے ایہدے وچ نہ صرف ترقی دی بلکہ انسانیت دے حقوق اتے وی غور کیتا گیا۔ ایہدے
مگروں جے اسیں وزیراعلیٰ پنجاب چودھری پرویزالٰہی دے اک ہور منصوبے دی گل کرئیے جہدے وچ صحافیاں نوں اوہناں دے حقوق دوانا اے تے ایہدے وچ نہ صرف ترقی دی بلکہ انسانیت دے حقوق اتے وی غور کیتا گیا۔ ایہدے مگروں جے اسیں وزیراعلیٰ پنجاب چودھری پرویزالٰہی دے اک ہور منصوبے دی گل کریے جہدے وچ صحافیاں نوں اوہناں دے حقوق دوانا اے تے ایہدے وچ سب توں ودھ توجہ ایس دور حکومت وچ دتی گئی اے۔ لہور پریس کلب دی گرانٹ 2کروڑ روپے کرن تے اوہناں نوں آئندہ بجٹ دا حصہ بنان دا اعلان کیتا گیا اے۔ لہور پریس کلب دے عہدے داراں تے ارکان دے اعزاز وچ تقریب نال خطاب کیتا تے اوہناں نوں ایس گل دی یقین دہانی کراوئی کہ اوہ آئندہ وی صحافیاں نوں اوہناں دے حقوق تے اوہ پروگرام مکمل کرن دی کوشش کرن گے جہڑے پچھلی حکومتاں نے نظرانداز کر دتے سن۔لہور پریس کلب دے صدر نے وزیراعلیٰ پرویزالٰہی نوں اہل صحافت دا محسن قرار دتا تے آکھیا کہ وزیراعلیٰ پنجاب نے ہمیشہ صحافیاں نوں عزت تے احترام دتا۔ ایہدے نال نال وزیراعلیٰ پنجاب نے صحافی کالونی دے فیز 2دا اعلان کیتا جہدے تے صحافیاں نے بھرپور تالیاںوجائیاں۔ وزیر اعلی پنجاب چودھری پرویزالٰہی نے فوٹو جرنلسٹ ایسوسی ایشن دی سالانہ گرانٹ 5لکھ روپے توں ودھا کے 10لکھ روپے کرن دا اعلان کیتا تے تقریب وچ موجود فوٹو گرافرز وچ خوشی دی لہر دوڑ گئی۔ فوٹو گرافرز نے مطالبہ
حل ہون تے ایسوسی ایشن دے روح رواں اقبال چودھری دا شکریہ ادا کیتا۔ وزیراعلیٰ پنجاب نے ہور آکھیا کہ جرنلسٹ سوسائٹی وچ قبضہ مافیا دے سدباب لئی پٹرولنگ پوسٹ قائم کرن دا اعلان کیتا جاندا اے۔ وزیراعلیٰ پنجاب پرویزالٰہی نے لہور پریس کلب تقریب نال خطاب کردے ہوئے آکھیا کہ ہائوسنگ سوسائٹی دے انتقال دی بحالی دا بل متقفہ طور تے پنجاب اسمبلی وچ پاس ہو گیا اے۔ انتقال دی بحالی دا بل پاس ہون نال کالونی دی قنونی حیثیت بحال ہو گئی اے تے سارے درپیش مسئلیاں نوں اعلیٰ سطح اتے حل کر لیتا جاوے گا۔ صحافی کالونی دے انتقال دی بحالی توں روکے ہوئے سارے ترقیاتی کم ترجیحی بنیاد اتے ہون گے جہدے توں سارے مکیناں نوں فیدہ ہووے گا۔ وزیراعلیٰ پنجاب نے خصوصی ایس گل اتے زور دتا کہ Bبلاک دے الاٹ ممبران نوں بوہتا فیدہ ہووے گا کیوں جے صحافی کالونی دے انتقال دے اخراج کارن اوہناں نوں نہ صرف اوہناں دے الاٹڈ پلاٹاں اتے قبضہ دین وچ دشواری سی بلکہ متبادل پلاٹس الاٹ کرن وچ وی رکاوٹ سی۔ جوہُن دور ہو گئی اے تے چھیتی ای اوہناں نوں Bبلاک وچ اوہناں دے پلاٹاں اتے قبضہ دے دتا جاوے گاتے جہناں پلاٹاں اتے ناجائز تعمیرات نیں اوہناں دے متبادل پلاٹ دتے جان گے۔ لہور پریس کلب دے صدر اعظم چودھری’ سینئر نائب صدر سلمان قریشی’ نائب صدر ناصرہ عتیق’ سیکریٹری عبدالمجید ساجد’ فنانس سیکرٹری حسنات تے دوجے ارکان تے گورننگ باڈی نے صحافی کالونی دے
انتقال دی بحالی ا تے وزیراعلیٰ پنجاب چودھری پرویزالٰہی دا شکریہ ادا کردے ہوئے آکھیا کہ صحافی کالونی دے انتقال دے اخراج دے کارن ممبران شدید پریشانی دا شکار سن لیکن اج صحافی دوست وزیراعلیٰ پنجاب چودھری پرویزالٰہی دی خصوصی کاوش نال ایہدا انتقال بحال ہو گیا اے جہدے لئی اسیں اوہناں دے تہہ دل توں مشکور آں۔ اوہناں نے صحافی کالونی دے انتقال دی بحالی لئی پنجاب اسمبلی وچ بل پاس کرن تے سپیکر پنجاب اسمبلی محمد سبطین خان’ صوبائی وزیر قنون خرم شہزاد ورک دا خصوصی شکریہ ادا کیتا۔ وزیراعلیٰ پنجاب دے میڈیا کوآرڈینیٹر تے لہور پریس کلب دے ممبر اقبال چودھری تے پچھلے ممبر گورننگ باڈی شاہد چودھری تے کونسل ممبر علی اقبال دی کاوشاں نوں سراہندے ہوئے آکھیا کہ اوہناں دا کرادر قابل رشک اے۔ اوہناں نے دن رات تگ و دو کر کے بل پاس کران وچ اہم کردار ادا کیتا جہدے توں صحافی کالونی نوں قنونی حیثیت حاصل ہو گئی اے تے ہن چھیتی ای ایتھے موجود سارے مسائل اتے قابو پا لیتا جاوے گا۔ وزیراعلیٰ پنجاب چودھری پرویزالٰہی نے اوتھے موجود صحافیاں نوں ایس گل دی یقین دہانی کروائی کہ ساڈی حکومت وچ سب کجھ چنگا ای ہووے گا۔ ایس دور حکومت وچ صرف سکھ ای سکھ اے۔ وزیراعلیٰ پنجاب نے صحافیاں نال خطاب کردے ہوئے آکھیا کہ میں ہر دن سوچنا واں کہ اج مخلوق خدا دی خدمت لئی کہڑا چنگا کم کراں۔ چودھری پرویزالٰہی بحیثیت وزیراعلیٰ پنجاب عوام دی بھلائی دے کماں وچ پنجاب گورنمنٹ سب توں اَگے ہووے گی۔ وزیر اعلی پنجاب نے ہور آکھیا کہ جس طریقے نال شہباز شریف تے مفتاح اسماعیل منگ رہے نیں ایہدے توں ہورکوئی بہتر طریقہ نہیں ہو سکدا کیوں جے اوہناں نوں منگن دا طریقہ چنگی طرح آندا اے۔ حکومت پنجاب نے پریس کلب دے ارکان لئی مفت اپریشن دی سہولت فراہم کردتی اے۔ چودھری پرویزالٰہی نے پریس کلب دے عہدیداراں دے اشتراک نال فوری علاج شروع ہو گیا اے۔ اخراجات حکومت ادا کرے گی۔ وزیراعلیٰ پنجاب نے حکم دتا کہ پریس کلب دے ارکان دی لائف انشورنس دا پریمیم ادا کرن لئی وی معاونت کیتی جاوے گی۔ وزیراعلیٰ پنجاب نے صحافت دے دائرہ کار نوں وسیع کرن لئی ایس گل دی یقین دہانی کروائی کہ فیصل آباد وچ وی صحافیاں لئی ہائوسنگ سوسائٹی قائم کیتی جاوے گی۔ وزیراعلیٰ دے حکم نال شہراں وچ پریس کلب دی عمارتاں وی بنن گِیاں۔ مزید برآں وزیراعلیٰ نے صحافیاں’ کیمرہ میناں’ فوٹو گرافراں ‘ سائونڈ لائٹ دی فلاح و بہبود دے کم دا وی حکم دے دتا۔ ایہدے نال نال وزیراعلیٰ پنجاب نے تقریب دے اختتام اتے آئی جی نوں حکم دتا کہ جرنلسٹس کالونی دے پلاٹاں اتے قبضہ برداشت نہیں۔ جرنلسٹ کالونی وچ سیوریج سسٹم بہتر کرن لئی معاونت کراں گے۔ وزیراعلیٰ نے گورننگ باڈی دے ارکان کولوں حلف لیتا۔ ایس تقریب وچ وزیراعلیٰ دے نال نال سرفراز چیمہ’ ترجمان وزیراعلیٰ فیاض الحسن چوہان’ محمد اقبال ‘ سیکرٹری اطلاعات راجہ منصور احمد’ ڈی جی پی آر سرفراز احمد تے پرویزاختر نوں شیلڈ وی دتیاں۔ ایہدے مگروں جے شعبہ صحت دا ذکر کیتا جاوے تے وزیراعلیٰ پنجاب نے ہیلتھ کارڈ دے پینل وچ ہور ہسپتال شامل کرن دی اصولی منظوری دے دتی اے۔ ہیلتھ کارڈ پروگرام وچ سرجری دی جدید ٹیکنالوجی شامل کرن دی منظوری دتی اے۔ہیلتھ کارڈ دے ذریعے علاج کروان والیاں لئی آسانیاں پیدا کیتی جا رہیاں نیں۔ ایس کارڈ دے ذریعے ہور امراض دے علاج دی سہولتاں وی دتیاں نیں۔ ہن تک پنجاب وچ 20لکھ افراد ہیلتھ کارڈ دے ذریعے علاج کروا چکے نیں۔ ایہدے نال نال وزیراعلیٰ پنجاب چودھری پرویزالٰہی نے صوبے دے سیلاب توں متاثرہ خانداناں لئی مالی امداد دا اعلان وی کردتا اے۔ حکومت پنجاب ولوں حالیہ سیلاب تے بارشاں دے حوالے نال متاثرہ علاقیاں وچ ریلیف اپریشن دا جائزہ لیتا گیا اے۔ وزیراعلیٰ پنجاب نے ایس گل دا حکم دتا اے کہ سیلاب وچ مرن والیاں دے لواحقین نوں 800,000ہزار روپے دی رقم فراہم کیتی جاوے گی۔ وزیراعلیٰ دے حکم نال اک کمیٹی جہڑی نقصانات دا تخمینہ لائے گی تے امدادی پیکیج تقسیم کرے گی قائم کر دتی گئی اے۔