ادبی تے ثقافتی تنظیم وجدان ولوں یو کے توں آئےمَنے پرمَنے صحافی طاہر چوہدری دے اعزاز وچ ظہرانہ

ادبی تے ثقافتی تنظیم وجدان ولوں یو کے توں آئے منے پرمنے صحافی تے سماجی شخصیت جناب طاہر چوہدری دے اعزاز وچ اے فوس کلب اندر ظہرانہ دتا گیا۔ ایس خوبصورت نشست وچ ملک دی منی پرمنی شخصیات’ صحافیاں تے شاعراں نے رلت کیتی۔ جہناں وچ سہیل وڑائچ، میاں عمران مسعود، شعیب بن عزیز، سلمان غنی، نوید چوہدری، منصور آفاق، مدثر اقبال بٹ، ڈاکٹر صغرا صدف، اجمل جامی، ڈاکٹر حامد خان المشرقی، محسن گورایہ، اکبر چوہدری، اقرا حارث، میاں حبیب، فاطمہ شیرازی، حسن جلیل، نبیل نجم، غلام عباس اعوان، حبیبہ شہزادی، مرتضی حفیظ، توقیر ناصر تے دوجے شامل سن۔
ظہرانے توں پہلاں ساریاں نے پروہنے صحافی طاہر چوہدری بارے اظہار خیال کردے ہوئے آکھیا کہ دیار غیر وچ رہندے ہوئے وی اوہناں نے صحافت لئی اپنی خدمات سرانجام دتیاں نیں۔ ادبی تے ثقافتی تنظیم وجدان دے چیئرمین نبیل نجم نے طاہر چوہدری نوں گلدستہ پیش کیتا تے سارے اچیچے پروہنیاں دی رلت دا شکریہ ادا کیتا۔