مہینہ وار ادبی اکٹھ تے مشاعرہ

11 ستمبر 2022 اتوار آلے دیہاڑ ہادی ڈیرہ میاں صفدر محمود ایڈووکیٹ دارالسکینہ روڈ جھنگ مہینہ وار پنجابی ادبی اکٹھ نشست کامیاب مشاعرہ دا آہر کیتا گیا جس وچ جھنگ دے نامور شعرا کرام رلت کیتی۔ مشاعرہ دی شروعات تلاوت قرآن پاک توں کیتی گئی۔ تلاوتِ قرآن پاک دی سعادت چج ادبی پروار جھنگ دے صدر حاجی ملک عبد الطیف شیدائی ہوراں حاصل کیتی۔ نعت رسول مقبول صلی اللہ علیہ وسلم دی سعادت مزمل رضا تسکین ہوراں حاصل کیتی ۔مشاعرے دی صدارت جھنگ دے نامور شاعر استاد الشعرا مخدوم رب نواز ہاشمی ہوراں کیتی۔ مہمان خصوصی ضلع جھنگ دے نامور شاعر استاد الشعرا قاضی غلام عباس تے ظفر عباس ثمر بھروانہ ہن۔ اعزازی مہمان پنجابی ادب دے نامور شاعر ضلع چنیوٹ توں آئے ڈاکٹر خالد اقبال خالد ہن ۔مشاعرے دے سٹیج سیکرٹری دے فرائض چج ادبی پروار جھنگ دے جنرل سیکرٹری عبد الرحمن ساجد ہوراں نبھائے ۔مشاعرے وچ رلت کرن آلے شعرا کرام وچ جناب مخدوم رب نواز ہاشمی، جناب قاضی غلام عباس ، جناب حاجی ملک عبد الطیف شیدائی ،جناب الطاف حسین بھروانہ، جناب ظفر عباس ثمر بھروانہ، جناب ڈاکٹر خالد اقبال خالد، جناب سید قاسم علی قاسم شاہ، جناب عارف خان بلوچ ،جناب عبد الرحمن ساجد ،جناب حاجی ملک محمد علی شاد، جناب مہر احسان سجوکہ، جناب ملک سخاوت عباس گوہر، جناب مختار خان بلوچ، جناب علی رضا نازش، جناب غلام رضا محکمہ انہار، جناب مہر غلام مصطفی عاکف لکھنانہ، جناب محمد ریاض ایاز، جناب عمران عاطف بلوچ، جناب اسرار خان بلوچ، جناب اسد تائب، جناب فضائیل نجم لدھیانہ ،جناب عمار خالد ضلع چنیوٹ ،جناب امان اللہ کاشف، جناب جہانگیر مخمور ،جناب احمد سیال ،جناب عاطف پاتوانہ، جناب مزمل رضا تسکین ہوراں رلت کیتی تے عوام دی کثیر تعداد مشاعرہ وچ رلت کیتی۔ شعرا کرام آپنا چونڑواں کلام سنا کے تے عوام توں ڈھیگ ڈھیگ داد حاصل کیتی۔ مشاعرہ دے آخیر وچ چج ادبی پروار جھنگ دے صدر حاجی ملک عبد الطیف شیدائی ہوراں سیلاب زدگان وچ پریشان لوگاں واسطے دعا کرائی تے سیلاب وچ فوت ہو ونجن آلیاں واسطے دعا مغفرت کرائی گئی۔ مشاعرہ دے آخیر تے چج ادبی پروار جھنگ پنجاب پاکستان دے سربراہ جناب میاں صفدر محمود ایڈووکیٹ ہوراں ولوں کھانے دا وی اہتمام کیتا گیا آخیر تے چج ادبی پروار جھنگ پنجاب پاکستان دے صدر حاجی ملک عبد الطیف شیدائی ہوراں مشاعرہ وچ رلت کرن آلے شعرا کرام تے عوام دی کثیر تعداد دا شکریہ ادا کیتا۔