کولے ورگی کان کن دی زندگی

ایس پتھر دی نکاسی ٹھوس منصوبہ بندی دے بناں ای کیتی جا رہی اے ایہنوں مائننگ دے قواعد و ضوابط وچ لیان دی لوڑ اے۔
ضلع جنوبی پنجاب وچ سنگ مر مر دے ذخیرے وی نیں جہناں نوں کئی واری کڈھن دی کوشش کیتی گئی پر مائننگ دی صنعت اگے نہ ودھ سکی۔ ایتھے سو توں ودھ فرماں کولا کڈھ رہیاں نیں جہناں وچ تقریباً 50 ہزار کان کن کم کردے نیں۔
27 فرماں لون کڈھ رہیاں نیں جہناں وچ ست ہزار مزدور کم کردے نیں۔
20 فرماں جسپم کڈھن وچ مصروف نیں جہناں وچ مزدوراں دی گنتی پنج سو اے۔
2فرماں پتھر کڈھ رہیاں نیں جہناں وچ تقریباً 550 مزدور کم کررہے نیں۔
20 فرماں سلیکا سینڈ کڈھ رہیاں نیں جہناں وچ تقریباً دو سو مزدور کم کر رہے نیں۔
ایس طرح ضلع خوشاب وچ 46ہزار کان کن معدنیات دی صنعت نال جڑے ہوئے نیں۔
کولے دی کان کنی نوں جدید دور دی صنعت بنان دی لوڑ اے۔ ایتھے اج وی کھوتیاں دے راہیں کولا باہر کڈھیا جاندا اے ایہ جانوراں تے ظلم دے مترادف اے۔ لوڑ ایس گل دی اے کہ جانوراں دے استعمال تے پابندی لاندے ہوئے ایہناں دی تھاں چھوٹیاں گڈیاں استعمال کیتیاں جان مائنز وچ کم کرن والے مزدوراں نوں کان کن کہیا جاندا اے جو زندگی دیاں بنیادی سہولتاں توں اکا ای محروم نیں روزانہ موت دے منہ وچ جا کے زندگی ول پرتن والے محنت کش کان کن حکومت ولوں گھٹ معاوضہ ایوارڈ نال ایس ترقی یافتہ دور وچ وی محروم نیں تے ایہناں نوں حکومتی سطح تے مزدور اج تک نہیں منیا گیا جو ایس محنت کش طبقے دے نال بڑی وڈی زیادتی اے۔
خالدحسین خوشاب دے پنڈ رکھلہ دا وسنیک اے۔ (جاری اے)