شعری پراگے کیف دا مکھ وکھالی اکٹھ تے مہینہ وار مشاعرہ

پریس کلب تاندلیانوالہ وچ معروف پنجابی ادبی تنظیم”وراگ”تاندلیانوالہ دے پربندھ نال۔اردو دے مہان نوجوان لکھاری جناب شبیر شاہد ہوراں دے شعری پراگے”کیف”دا مکھ وکھالی اکٹھ تے مہینہ وار مشاعرہ داآہر کیتا گیا۔جہندی صدارت سید فدا بخاری ہوراں فرماء تے نظامت وراگ تنظیم دے بانی و صدر جناب ڈاکٹر بشیر فیض اسدی ہوراں نے نبھائی ۔اچیچی رلت کرن آلے معروف لکھاری پولیس آفیسر جناب محمد افضل گل سن۔اچیچے پراہنے جناب وسیم اسدی جی تے جناب ملک عثمان پھلر وان جی ہوریں سی۔مشاعرے وچ بھرواں کلام سناون والیاں شاعراں وچ شامل سن۔جناب سید استقلال حیدر بخاری، اعجازاسیر، شاہراز وٹو، میاں ندیم کمیانہ، بدر سیال، انصر کھچی، آکاش وٹو، زین کھچی ، حیدر علی حیدر، مہر اقبال، نوید ضیا تے شاہد عباس۔ پروگرام وچ مقامی لکھیاراں تے سنیاراں بھرویں رلت کیتی۔ آخرتے اعلیٰ انداز وچ پراہنیاں نوں ان پانی کرا کے ڈھیر ڈھیر شکرے نال ودیا کیتا۔