فیفا ورلڈ کپ تے قطر

روہیل اکبر

قطر دے شہر دوحہ وچ فٹبال دا عالمی میلہ سجن جا رہیا اے تے ایس سلسلہ وچ اوتھے دی حکومت دی تیاریاں پورے عروج تے نیں۔ خاص کر دوحہ نوں ووہٹی وانگوں سجایا جا رہیا اے تے دنیا بھر توں لوک ایس عالمی میلے نوں ویکھن لئی قطر پہنچنا شروع ہو چکے نیں۔ فیفا دے پربندھ ہیٹھ فٹبال دا ایہہ 22واں ورلڈکپ مقابلہ 20نومبر توں 18دسمبر 2022تک قطر وچ ہووے گا۔ ایہہ عرب دنیا وچ منعقد ہون والا ہن تک دا پہلا ورلڈکپ اے جہدے وچ 32ٹیماں شامل ہون گئیاں’ آخری ہووے گا جہدے مگروں میکسیکو تے کینیڈا وچ 2026 دے ٹورنامنٹ لئی 48ٹیماں دا وادھا ہووے گا۔ قطر دی شدید گرمی دی وجہ نال ایہہ ورلڈکپ نومبر
دے اخیر توں دسمبر دے وسط تک منعقد کیتا جا رہیا اے ۔ ایہہ پہلا ٹورنامنٹ اے جہڑا مئی’ جون یا جولائی وچ نہیں ہووے گا تے ایہہ تقریباً 29دناں دے گھٹ ٹائم فریم وچ کھیڈیا جاوے گا۔ ایس ٹورنامنٹ دا پہلا میچ قطر تے ایکواڈور دے درمیان البیت سٹیڈیم الخور وچ کھیڈیا جاوے گا تے فائنل 18دسمبر 2022نوں قطر دے قومی دن دے موقعے تے کھیڈیا جاوے گا۔ ایس ویلے فٹبال دا عالمی چیمپئن فرانس اے۔
قطر رقبے دے لحاظ نال ہن تک دا سب توں چھوٹا ملک اے جہنوں فیفا ورلڈکپ نال نوازیا گیا اے۔ فیفا دی چھ براعظمی دکنفیڈریشنز اپنے اپنے کوالیفائنگ مقابلیاں دا پربندھ کردیاں نیں۔ فیفا دے سارے رکن ایسوسی ایشناں جہناں وچوں فی الحال 211نیں جہڑے ایس اہلیت وچ داخل ہون دے اہل سن چونکہ قطر اپنے گروپ وچ فاتح دے طور تے آخری مرحلے تک پہنچیا2022فیفا ورلڈکپ وے کھیڈن لئی کوالیفائی کرن والے 32ملکاں وچوں 24ملکاں نے 2018 وچ پچھلے ٹورنامنٹ وچ حصہ لیتا سی۔ قطر واحد ٹیم اے جو فیفا ورلڈکپ وچ اپنا ڈیبیو کر رہی اے۔ ایس طرح 1934 وچ اٹلی مگروں اپنے ٹورنامنٹ وچ ڈیبیو کرن والی پہلی میزبان وی بن گئی اے۔ چار واری دی عالمی چیمپئن تے راج کرن والی یورپی چیمپئن اٹلی اپنی تریخ وچ پہلی واری لگاتار دوجے ورلڈکپ لئی کوالیفائی کرن وچ نکام رہی جو کوالیفکیشن پلی آف سیمی فائنل وچ ہار گئی۔ ایسے طرح مصر’ پانامہ’ کولمبیا’ پیرو’ آئس لینڈ تے سویڈن نے 2018 دے ورلڈکپ لئی کوالیفائی کیتا سی مگر 2022 دے ٹورنامنٹ لئی کوالیفائی نہیں کر سکے جے اسیں گل کریے اینے وڈے ایونٹ نوں منعقد کروا ن والی ایسوسی ایشن فیفا دی تے ایسوسی ایشن فٹبال دی نگرانی لئی کسی اک ادارے دی لوڑ بین الاقوامی فکسچر دی ودھدی ہوئی مقبولیت دے نال 20ویں صدی دے آغاز وچ واضح ہو گئی سی ۔ انج فیفا دی بنیاد 21مئی 1904 نوں پیرس وچ رکھی گئی سی۔ بانی ممبراں وچ بلجیم’ ڈنمارک’ فرانس’ نیدرلینڈز’ سپین (جہدی نمائندگی اوس ویلے دے میڈرڈ فٹبال کلب نے کیتی سی۔ رائل ہسپانوی فٹبال فیڈریشن 1913 تک نہیں بنائی گئی سی۔ سویڈن تے سوئٹزرلینڈ دی قومی انجمناں سن۔ ایس دے علاوہ ایسے دن جرمن فٹبال ایسوسی ایشن (DFB) نے ٹیلی گرام دے ذریعے الحاق دا اعلان کیتا سی۔ فیفا دے پہلے صدر رابرٹ گورین سن۔ گورین دی جگہ 1906 وچ انگلینڈ نال تعلق رکھن والے ڈینئیل برلی وول فال نے لے لیتی۔ FIFA دا پہلا ٹورنامنٹ 1908 منعقد ہویا۔ فیفا دے بانی اصولاں دے برعکس 1909 وچ جنوبی افریقہ1912وچ ارجنٹائن 1913وچ کینیڈا تے چلی تے 1914 وچ ریاست ہائے متحدہ دی درخواست دے نال فیفا دی رکنیت یورپ توں باہر وی پھیل گئی۔ پہلی جنگ عظیم دے دوران بہت سارے کھیڈاریاں نوں جنگ لئی وی روانہ کیتا گیا جہدے مگروں بین الاقوامی میچاں لئی سفر دا امکان انتہائی محدود ہو گیا تے ایس تنظیم دی بقا مشکل ہو گئی۔ جنگ مگروں ایس تنظیم نوں ڈچ مین کارل ہرشمین چلا رہیا سی جہنے اوہنوں معدوم ہون توں بچا لیتا۔ فیفا دا مجموعہ انگلینڈ دے مانچسٹر وچ Uribs وچ نیشنل فٹبال میوزیم دے کول اے۔ پہلا ورلڈکپ 1930 وچ مونیٹویڈیو یوراگوئے وچ منعقد ہویا سی۔ فیفا دے جھنڈے دا پس منظر نیلے رنگ دا اے جہدے وچ تنظیم دا ورڈ مارک لوگو اے۔ فیفا دا موجودہ جھنڈا پہلی واری ماسکو روس وچ 2018دے فیفا ورلڈکپ دی افتتاحی تقریب دے دوران لہرایا گیا سی تے اوہدوں دا استعمال کیتا جا
رہیا اے۔ UEFAچیمپئنز لیگ وانگوں FIFA نے 1994دے فیفا ورلڈکپ مگروں جرمن موسیقار فرانز لیمبرٹ دے بنائے ہوئے ترانے نوں اپنایا ہویا اے جہنوں مگروں روب مے تے سائمن ہل نے دوبارہ ترتیب دتا تے تیار کیتا سی۔ FIFAدا ترانہ باضابطہ FIFAدے منظور شدہ میچاں تے ٹورنامنٹاں جیویں بین الاقوامی دوستی’ FIFAورلڈکپ’ FIFAویمنز ورلڈکپ’ 20ورلڈکپ ‘ UFIFA۔17 ورلڈکپ’ فیفا فٹسال ورلڈکپ’ فیفا بیچ سوکر ورلڈکپ تے فیفا کلب ورلڈکپ۔ 2007مگروں FIFAنے اپنے بیشتر نشریاتی شراکت داراں توں FIFAدے سپانسراں نوں فروغ دین وچ مدد لئی FIFAایونٹ دی کوریج دے آغاز تے اختتام تے ترانے سنے مختصر سکیونسز استعمال کرن دے نال نال بریک بمپرز دا وی پربندھ کیتا ہویا اے جو دوجے بین الاقوامی فٹبال ایونٹ جیویں UEFAچیمپئنز لیگ وچ لمے عرصے توں استعمال ہون والے طریقیاں دی تقلید کردا اے مخصوص واقعات لئی مستثنیات دتی جا سکدیاں نیں۔ مثال دے طور تے 2010فیفا ورلڈکپ دے دوران افریقی موسیقی دا اک اصل ٹکڑا بمپرز لئی استعمال کیتا گیا سی۔ ہن ایہہ خوبصورت ٹورنامنٹ قطر دے شہر دوحہ وچ مو رہیا اے مگر ساڈی بدقسمتی اے کہ پاکستان ایس ٹورنامنٹ توں باہر اے حالاں جے فٹبال پاکستان وچ سب توں پسندیدہ تے سب توں ودھ کھیڈیا جان والا کھیڈ اے۔ ساڈے پنڈاں وچ جنا ٹیلنٹ موجود اے اوہ ساڈی سیاسی لڑائیاں دی وجہ نال نہ صرف ضائع ہو رہیا اے بلکہ اوہ کھیڈاری وی پذیرائی نہ ہون دے کارن منشیات دے عادی بندے جا رہے نیں۔ خدارا پاکستان فٹبال فیڈریشن ایہدے اتے توجہ دیوے۔ پاکستان دی قومی فٹبال ٹیم FIFAدے مجاز ایونٹاں وچ پاکستان ایسوسی ایشن فٹبال دی نمائندگی کردی اے تے پاکستان فٹبال فیڈریشن دے زیر کنٹرول اے۔ پاکستان 1948 وچ ایشین فٹبال کنفیڈریشن وچ شامل ہو کے فیفا کارکن بنیا تے ایہدی قومی ٹیم نے 1950 وچ ڈیبیو کیتا۔ پاکستان سائوتھ ایشین فٹبال فیڈریشن چیمپئن شپ تے سائوتھ ایشین گیمز وچ حصہ لیندا رہیا اے۔ پاکستان دی فٹبال ٹیم نے سائوتھ ایشین گیمز وچ چار وکھرے وکھرے موقعیاں اتے طلائی تمغہ وی جتیا ہویا اے مگر اوہدے باوجود پاکستان نے کدی وی جنوبی ایشیائی خطے توں باہر کسی وڈے ٹورنامنٹ لئی کوالیفائی نہیں کیتا ب لکہ 2020تک پاکستان ایشیا دی واحد ٹیم اے جہنے کدی فیفا ورلڈکپ کوالیفائنگ گیم نہیں جتی۔