پلاک تے انسٹیٹیوٹ آف انجینئرنگ اینڈ ٹیکنالوجی دی سانجھ نال رحمة للعالمینۖ کانفرنس

پنجاب انسٹیٹیوٹ آف لینگوئج’ آرٹ اینڈ کلچر (پلاک) ایف ایم ملتان تے انسٹیٹیوٹ آف انجینئرنگ اینڈ ٹیکنالوجی دے اشتراک نال رحمة اللعالمینۖ کانفرنس دا پربندھ کیتا جہدے وچ اُچیچے پروہنے ترجمان پنجاب حکومت ندیم قریشی سن جد کہ اظہار خیال کرن والیاں وچ وائس چانسلر ڈاکٹر ملک اختر، ڈائریکٹر جنرل پِلاک ڈاکٹر صغرا صدف، رجسٹرار انجینئر نصر اللہ خان بابر، پروفیسر علی اصغر سلیمی، پروفیسر مجیب الرحمان ہاشمی، علامہ بلال نذیر سعیدی شجاع آبادی، قاری اسماعیل تے قاری عاصم بھٹی شامل سن۔
کانفرنس وچ گل بات کردیاں وائس چانسلر ڈاکٹر ملک اختر نے آکھیا کہ تعلیمی اداریاں وچ تعلیم دے نال طلبہ دی تربیت دی وی بہت لوڑ اے۔ ڈائریکٹر جنرل پلاک ڈاکٹر صغرا صدف نے کہیا کہ نبیۖ دے عشق وچ جینا سکھو’ اوہناں دے دَسے ہوئے رستے اتے چلن نال ساڈی زندگی پرسکون ہو جاوے گی۔ ترجمان حکومت پنجاب ندیم قریشی نے کہیا کہ اسیں ایہناں خوش قسمت لوکاں وچ شمار ہونے آں جہڑے نبی پاکۖ دے پیروکار نیں۔ اوہناں دی تعلیمات اتے عمل پیرا ہو کے اسیں بہتر انسان بن سکنے آں۔ انسٹیٹیوٹ آف انجینئرنگ اینڈ ٹیکنالوجی دی طلبا نے حضور نبی کریم ۖدی خدمت اقدس وچ ہدیہ نعت وی پیش کیتا۔ کانفرنس وچ رلت فرمان والے اُچیچے پروہنیاں نوں پھلاں دے تحفے پیش کیتے گئے۔