پِلاک تے سمراٹ آرٹ اکیڈمی و پرل انٹرٹینمنٹ دی سانجھ نالسیلاب زدگان دے تعاون لئی فن انسانیت کے لیئے پروگرام

پنجاب انسٹیٹیوٹ آف لینگوئج، آرٹ اینڈ کلچر (پِلاک) تے سمراٹ آرٹ اکیڈمی و پرل انٹرٹینمنٹ دے اشتراک نال سیلاب زدگان دے تعاون لئی ”فن انسانیت لئی” دے موضوع تے اک پروگرام دا پربندھ کیتا گیا جہدے وچ صوفیانہ’ فوک تے کلاسیکل موسیقی تے پاکستان دی ثقافت دے سارے رنگ پیش کیتے گئے۔ سمراٹ آرٹ اکیڈمی دے پریذیڈنٹ شاکر سمراٹ نے مسرت شاہ دی NGOنوں سیلاب زدگان دی مدد لئی 2لکھ روپے بطور عطیہ پیش کیتے۔ شاکر سمراٹ نے آکھیا کہ ایس طرحاں دے پروگرام پورے پاکستان وچ کیتے جان گے جہناں وچ مخیر حضرات کولوں انساناں دی فلاح و بہبود لئی عطیات اکٹھے کیتے جان گے تاں جے مصیبت زدہ لوکاں دی ویلے تے امداد کیتی جا سکے۔ ایس پروگرام دے اچیچے پروہنیاں وچ مسرت شاہ، حنا شاہ جیلانی، شہریار خاور تے امجد نیاز شامل سن۔ اس پروگرام وچ PNCA دے حیدر چودھری، امّ لیلیٰ، میثم، احمد نواز، انم فیاض نے اپنی پرفارمنس پیش کر کے حاضرین کولوں خوب داد وصول کیتی ۔ تقریب دے اختتام تے ثقافتی پرفارمنس پیش کرن والیاں نوں ایوارڈاں نال وی نوازیا گیا۔