پلاک ولوں ناصر ہ زبیری دی آدر وچ مشاعرہ

ادبی تے ثقافتی تنظیم وجدان نے خوبصورت شاعرہ ناصرہ زبیرہ دے اعزاز وچ مشاعرہ منعقد کیتا جہدی صدارت امجد اسلام امجد نے کیتی جد کہ اچیچے پروہنے خالد شریف تے نذیر قیصر سن ۔
پروگرام دے آغاز وچ ڈاکٹرصغرا صدف نے ناصرہ زبیری نوں پھل پیش کیتے تے اوہناں نوں جی آیاں نوں آکھدے ہوئے کہیا کہ ناصرہ دی شخصیت بہار دی سوہنی خشبو ورگی اے۔اوہناں دی شاعری اوہناں دی شخصیت وانگوں دل پذیر اے۔ ایس مشاعرے وچ منصور آفاق، قمر رضا شہزاد، سعداللہ شاہ، ڈاکٹر جواز جعفری، ناصر بشیر، صوفیہ بیدار، رخشندہ نوید، حمیدہ شاہین، فرحت زاہد، تسنیم حسن، صائمہ آفتاب تے ڈاکٹر صغرا صدف نے کلام پیش کیتا۔
مشاعرے دی نظامت صوفیہ بیدار نے کیتی۔ ناصرہ زبیرہ نے اپنے سوہنے تے منفرد کلام نال حاضرین دی توجہ تے داد حاصل کیتی۔ شہریاں دی وڈی گنتی نے ایس مشاعرے وچ رلت کیتی۔