اسیں اخلاقی طور تے دیوالیہ ہو چکے آں

جاگتی سی آنکھ سے کتنے خواب دیکھتے
دشت پار کر گئے ہم سراب دیکھتے
آبلے بھی پائوں کے پھوٹ پھوٹ رو دیے
اور پھر کہاں تلک ہم سحاب دیکھتے
اپنے ایس عہد بے اماں وچ اک سربسر اداسی اے لوک ترس گئے نیں کہ کدھرے سچائی دی شکل نظر آوے کہ کوئی خون کن لمحہ اوہناں دے ہتھ آئے۔ میں اک شعر پوسٹ کیتا۔ مجھ کو میری ہی اداسی سے نکالے کوئی۔ میں محبت ہوں محبت کو بچا لے کوئی۔ ایہدے تے اداس لوکاں دے کمنٹس آبشار وانگوں پئے۔ مینوں اپنے دوست عدیم ہاشمی یاد آ گئے:
غم کی دکان کھول کے بیٹھا ہوا تھا میں
آنسو نکل پڑے ہیں خریدار دیکھ کر
بے حیائی دا دوردورہ اے۔ میں ایس پاسے جانا وی نہیں۔ اک گل یاد اے اک واری میں احمد ندیم قاسمی صاحب دے دفتر وچ بیٹھا سی گل بات وچ کجھ دوست غیرمحتاط ہوئے۔ اک ادھ جملہ ساڈی زبان چوں وی نکلیا۔ کول بیٹھی منصورہ احمد نے کہیا اللہ پردہ رکھن والا اے میرے تے ایہ فقرہ کسے بمب وانگوں ڈگیا تے فیر میں زندگی بھر لئی فیصلہ کر لیا کہ اگوں احتیاط ای برتی جاوے گی۔ جدوں اللہ پردہ رکھن والا اے تے ایہ وصف آسان ہو جاوے تے کیہ عظمت اے۔ ہن جو سوشل میڈیا تے گندی ویڈیوز تے آڈیوز دا دور دورہ اے ہر دوجا کلپ ایہو اے ایس بے حیائی دا تصور وی ایس توں پہلاں نہیں سی۔ شاید مغربی کلچر وچ وی اینے بے باکی نہ ہووے۔ زیادہ دکھ ایس گل دا اے کہ اک پوری نسل جو پہلے ای تیز ٹیکنالوجی اپروں باشعور تے سمجھدار ہو چکی اے اوہ ایہناں ویڈیوز توں کیہ نتیجہ کڈھے گی۔ انج لگدا ے کہ ایہ تے جیویں پوری انڈسٹری اے ایسے لئی تے ایتھے قصور ورگا واقعہ ہووے تے فیر وی کوئی سزا نہیں ملدی۔ ایہ دھندا تے رہنما تے لیڈر وی کردے نیں۔ اک واری اک کھانے تے ن لیگ دے اک وزیر بڑے خفیہ انداز وچ کہن لگے کہ یار اوہ کم جو پیپلزپارٹی دے لوک سرعام کردے نیں اوہ اسیں لک کے کرنے آں ایہدے تے ساریاں نے قہقہہ لایا ہن اوہناں نوں کم دسن دی وی لوڑ نہیں سی۔ ایس کلپ نے لوکاں دے ہوش اڑا دتے۔ فلاں نے تہلکہ مچا دتا تسیں یقین کرو ایہ اک انداز اے فالورز ودھان دا نہیں تے کسے نوں کوئی حیرانی نہیں ہوئی سارے جان دے نیں کہ ایہ لوک کیسے نیں قوم دا لہو پین والے اوہناں دے ناں تے باہر توں قرضے لین تے فیر اوہدے نال اپنی جائیداداں بنان والے تے پرلے درجے دے بلیک سیلر’ ذرا ویکھو شاہد حسن دا شعر:
تو سربام ہوا بن کے گزرا کیوں ہے
میرے ملبوس کی عادت نہیں لہرا جانا
کمال تے ایہہ وے کہ اکثر ایہناں وچوں پہلے کسے کردار دے حامل نہیں۔ فیر وی جے کجھ ہے تے اوہ وی رہن نہیں دتا جا رہیا۔ ہن ہویا کیہ اے اک جہان آرزو کھل گیا اے نہیں نہیں سچ کہواں تے کوئی ایہدی گٹر نال مثال دے سکدا اے۔ حیرت ہوندی اے کہ اسیں کیہ سننا چاہنے آں تے کیہ ویکھنا چاہنے آں چینلز والیاں دی تے جیویں لاٹری نکل آئی۔ ایس گنگا وچ ہر کوئی ڈبکیاں لا رہیا اے۔ اخلاقی دیوالیہ ہور کنہوں کہندے نیں۔ تسیں اندازہ کرو کہ آڈیوز وغیرہ تے تبصرہ کرن والے شروع وچ کہہ رہے نیں ایہناں آڈیوز نوں عورتاں تے بچے نہ ویکھن انج جیویں اوہ سسپنس پیدا کر رہے نیں۔ انج لگدا اے کہ جیویں ہر کسے دے ہتھ کوئی خزانہ لگ گیا اے ہر اک اوہنوں مرچ مسالے لا رہیا اے کجھ عرصہ پہلاں تشہیری مہم وی سی ہور تے ہور جہناں دے بارے ایہ کلپس نیں اوہ وی پہلے ای ساریاں نوں الرٹ کر چکے نیں انور مسعود دی اک لائن ذہن وچ آ رہی سی کہ کجھ تے ہٹی والیا توں وی پردہ رہن دے۔ رہن توں رہن دے مومی لفافہ رہن دے’ کجھ باقی نہیں بچیا۔ معاملہ ایتھوں تک محدود نہیں رہیا۔ موقع ویکھدے ای لیان والے اپنا مال سربازار لے آئے کدھرے جنرل رانی دے پرانے قصے سامنے آن لگے تے کدھرے پرانے معاشقے۔
ساڈے رہنماواں دے بارے وچ دوجے لفظاں وچ گند ای پے گیا اے گل ایہہ وے کہ ایہدے وچ ٹائم بڑا اہم اے کہ انتخابات دے مطالبے تے چور ڈاکو والا اعلامیہ یاں بیانیہ پچھے رہ گیا اے کجھ دا کہنا اے کہ دشمناں نوں ہور کجھ نہیں ملیا تے گندی آڈیوز سامنے لے آئے کجھ دا خیال اے کہ ایہ سب کجھ فیک اے۔ کجھ لوک کہندے نیں کہ ایہ سب سچ وی ہووے تے اسیں اپنے رہنما دے نال کھڑے آں۔ ہن سوال ایہ وے کہ ایس معاملے نوں کنٹرول کیویں کیتا جاوے؟ تے کون ایہدے تے قابو پا سکدا اے لگدا تے انج اے کہ جہناں دے کول ایس گل دی طاقت اے ایہ سارا اوہناں دا ای کیتا دھریا اے آخر ایہ ویڈیوز کیویں ریکارڈ ہوئیاں دلچسپ ایہہ وے کہ سب کجھ سیاستداناں دے حوالے نال اے اجے ایتھوں تک بس نہیں۔ سنیا اے کہ ہن کجھ ویڈیوز آن والیاں نیں یعنی کجھ کسر رہ گئی اے تے اوہ وی پوری ہو جاوے گی اک دو تے اسیں پہلے وی ویکھ چکے آں جہدے وچ بڑے سنجیدہ سیاستدان نیں اوہناں دا ناں لین دی وی لوڑ نہیں آخر میں تے ایہو لکھیا جا سکدا اے کہ ہن اللہ ایہناں نوں ہدایت دیوے۔ انج ایہ لوک جو ایس کم وچ ملوث نیں اوہ ناقابل اصلاح نیں ایہ کوئی اک بندہ نہیں سگوں باقاعدہ میڈیا سیلز نیں۔ ٹرینڈ چلان والے ہن ایہ آپ وی بھگت رہے نیں کہ کائونٹر اٹیک ہو چکیا اے۔ شبیرحسین دا اک شاندار شعر:
زباں کا دھڑکا نہیں فکر آب و دانہ
نہیں نگارخانہ چلاتا ہوں کارخانہ نہیں