دل دریا پاکستان رجسٹرڈ تے پِلاک دی سانجھ نال پنجابی شعری پراگے ”سُفنے تے تعبیراں”دا مکھ وکھالی اکٹھ
مہان پنجابی شاعر بشیر کمال شکرگڑھ ہوراں دے دُوجے پنجابی شعری پراگے ”سفنے تے تعبیراں”دا مکھ وکھالی اکٹھ پنجابی بیٹھک پِلاک لہور وچ ہویا۔ اکٹھ دی پردھانی مہان پنجابی شاعر پنجابی سیوک الطاف حسین ضامن چیمہ رائیونڈ ہوراں کیتی۔علی احمد گجراتی ہوراں اکٹھ دی مجمانی کیتی۔ اچیچے پروہنیاں وچ پروفیسر محمد عباس مرزا لہور،ملک محمد حنیف،ڈاکٹر ارشد اقبال ارشد لہور،صابر ناز شکر گڑھ،حاجی منیر احمد لہور،حاجی تنویر احمد لہور،ڈاکٹر عارف محمود عارف شکرگڑھ،اعظم توقیر لہور،ثانیہ شیخ لہور،ثمینہ بٹ لہور،ملک ارشاد کوٹ رادھا کشن ہوراں دے ناں شامل سن۔ آدری ہروہنیاں وچ زین وارثی ننکانہ صاحب زین جٹ کنگن پور قصور، عدنان قلزم رانجھا سیالکوٹ ہوراں دے ناں شامل سن۔ اس توں وکھ مان جوگ رلتی شاعراں وچ منزہ سحر،نرگس نور،تابع حسین،انوار ملک، خالد محمود آشفتہ،اقرا پریت، عاقب پنجابی، عدنان ملہی،منیر اختر،فراست بخاری،نجمہ شاہین،ڈاکٹر عابد، یحیی شاہد،یعقوب بھٹہ، مسز یعقوب بھٹہ،احتشام الحق، محمد یاور کمال ہوراں رلت کرکے مان ود ھایا۔
علی احمد گجراتی، ملک ارشاد،صابر ناز، ڈاکٹر عارف محمود عارف، ڈاکٹر ارشد اقبال ارشد تے الطاف حسین ضامن چیمہ ہوراں نیں سفنے تے تعبیراں تے گل بات کردیاں ہویاں اس نوں پنجابی شعری ادب وچ اک مان جوگ وادھا آکھیا۔ بشیر کمال ہوراں دے شعری تے ادبی سفر بارے گل بات کیتی گئی۔پرگرام دے آخری تے آن والے ہروہیناں دی اَن پانی نال سیوا کیتی گئی۔ علی احمد گجراتی ہوراں آن والے مان جوگ پروہیناں دا شکریہ ادا کیتا۔
