پلاک، کرسمس دے موقع تے مسیحی برادری نال اظہار محبت لئی اک پروقار تقریب

پنجاب انسٹیٹیوٹ آف لینگوئج، آرٹ اینڈ کلچر (پِلاک) تے سندس فاؤنڈیشن دے اشتراک نال کرسمس دے موقع تے مسیحی برادری نال اظہار محبت لئی اک پروقار تقریب دا پربندھ کیتا گیا جہدے وچ منے پرمنے صحافی تے سندس فائوندیشن دے روح رواں یاسین خان، سہیل وڑائچ، پچھلے وزیر برائے اقلیتی امور اعجاز مسیح نے اچیچی رلت کیتی۔ دوجے شرکا وچ خالد عباس ڈار، فرحت عباس شاہ، منصور آفاق، طارق طافو، ڈاکٹر صغرا صدف، آصف پرویز، آصف عفان، معین بٹ، عبداللہ ملک دے علاوہ پرنٹ تے الیکٹرونک میڈیا نال تعلق رکھن والی شخصیات نے رلت کیتی۔ کرسمس دی خوشیاں نوں دوبالا کرن لئی میوزیکل شو دا پربندھ کیتا گیا۔ بالاں نے ٹیبلوں شو پیش کیتا تے بالاں نوں کرسمس دے تحفے پیش کیتے گئے۔ ایس موقع تے کرسمس کیک وی کٹیا گیا۔