نجم فیلوز دی چھتر چھاویں چوتھا سالانہ مشاعرہ
نجم فیلوز (دی ہائوس آف آرٹ ایند لٹریچر) دے پربندھ ہیٹھ چوتھا سالانہ مشاعرہ 12جنوری بروز جمعرات شام4وجے کپلز مار دی جوہر ٹائون لہور وچ ہوئی۔ ایس عظیم الشان مشاعرے دی صدارت ملک دے مشہور شاعر انجم سلیمی نے کیتی جد کہ حمیدہ شاہین’ اظہر
فراغ’ عمران عامی’ عمار اقبال’ عمیر نجمی’ شعیب کیانی’ سعید راجا’ فقہیہ حیدر’ نادر عریض’ مقداد احسن’ نیلوفر افصل’ شاکر خان بلچ’ احمد عبداللہ تے انفال رفیق ملہی سنے نجم فیلوز دے میزبان شاعراں نے اپنا شاندار کلام سنا کے حاضرین کولوں خوب داد وصول کیتی۔
مشاعرے دی نضامت مشہور تے منے پرمنے صدا کار سعید اسلم تے پی ٹی وی دے اینکر پرسن صفدر علی نوں دتی گئی سی جہناں نے محفل دی رونق دوبالا کیتی رکھی۔ مشاعرے وچ شریک شاعر تے شائقین شاعری دا کہنا سی کہ انج دی ادبی قتریباں معاشرے وچ بہتری دا کارن بندیاں نیں۔ ادبی تے شعری ذوق رکھن والیاں لئی ایس قدر بے مثال تے خوبصورت محفل سجان تے نجم فیلوز انتظامیہ خراج تحسین دی مستحق اے۔ مشاعرہ دے سارے انتظامات نصیر احمد نصیر’ مرلی چوہان تے جی اے نجم اتے مشتمل نجم فیلوز کور کمیٹی دی زیر نگرانی طے پائے۔ ایس توں پہلاں صدر محفل انجم سلیمی نوں ہال وچ آمد تے گارڈ آف آنر پیش کیتا گیا۔ اختتام تے محفل مشاعرہ دے مہمان شاعراں نوں یادگاری شیلڈاں وی پیش کیتی گئیاں۔
