چکن دی دُنیا

رپورٹ

چکن چیز پراٹھا
شیواں: ڈوبنانے دی شیواں: گندم دا آٹا دو کپ’ نمک اک چٹکی’ کھان دا تیل حسب ضروت’ نیم گرم ددھ حسب ضرورت’ چکن فلنگ دی شیواں: ابلیا ہویا چکن ریشے (300گرام’ ہری مرچ (چوپ) دو عدد’ نمک حسب ضرورت’ گرم مصالحہ اک چوتھائی کھان دا چمچ’ پیاز (درمیانی) اک عدد’ ہرا دھنیا دو کھانے دے چمچ’ دھنیا پائوڈر ادھ کھان دا چمچ’ لال مرچ کٹی ہوئی اک کھانے دا چمچ’ زیرہ پائوڈر ادھ کھانے دا چمچ’ چیڈرچیز (کدوکش) چار کھانے دے چمچ’ موزریلا چیز( کدوکش) چار کھانے دے چمچ
ترکیب: چکن فلنگ لئی: اک برتن وچ ابلے ہوئے چکن دے ریشے لوو’ ایہدے وچ ہری مرچ’ نمک’ گرم مصالحہ’ پیاز’ ہرا دھنیا’ دھنیا پائوڈر’ لال مرچ کٹی ہوئی تے زیرہ پائوڈر پا کے چنگی طرحاں ملا لوو۔اک برتن وچ آٹا لین ایہدے وچ نمک’ کھانے دا تیل پا کے ملا لوو۔ ہن اوہدے وچ ددھ پا کے گوندھ لوو تے 15-20منٹ رکھ دیو۔ ایہدا پیڑا بنا کے بیل لوو۔ تیار کیتی چکن فلنگ پا کے پھیلا دیو۔ ہن اوہدے وچ موزریلا تے چیڈرچیز پا دیو۔ اک ہور پیڑا بیل کے اوہنوں بند کر دیو۔ توے اتے پا کے پکا لوو۔ مزے دار چکن چیز پراٹھا تیار اے۔

دال تے سبزیاںدا سوپ
شیواں: مسور دی دال اک پیالی’ بکرے دی ہڈیاں ادھا کلو’ نک حسب ذائقہ’ ثابت کالی مرچاں چار توں چھ عدد’ سفید مرچ ادھا چاہ دا چمچ’ پیاز اک عدد درمیانی’ گاجر دو عدد’ پھل گوبھی اک عدد چھوٹی’ آلو دو عدد درمیانے’ ہری پیاز دو عدد’ پودینہ دو کھانے دے چمچ’ لیموں دا رس دو توں تن کھانے دے چمچ’ کوکنگ آئل دو کھانے دے چمچ
ترکیب: پیاز’ گاجر’ پھل گوبھی’ آلو تے ہری پیاز نوں چھوٹے ٹکڑیاں وچ کٹ لوو۔ پودینے نوں بریک کٹ کے رکھ لوو۔ ہڈیاں تے دال نوں چنگی طرحاں دھو کے پین وچ پا دیو تے چھ توں اٹھ پیالی پانی پا کے درمیانی آنچ اتے ابالن رکھ دیو۔ ابال آن تے اتے آن والا جھاگ کڈ دیو تے اوہدے وچ پیاز تے کالی مرچ پا کے آنچ ہلکی کر دیو۔ 25توں تن منٹ پکان مگروں چولہے توں اتار لوو تے تھوڑا جیا ٹھنڈا ہون تے ہڈیاں کڈ لوو۔ ایس مکسچر نوں گرینیڈر وچ گرینیڈ کر لوو۔ فیر ساری کٹی ہوئی سبزیاں تے کوکنگ آئل شامل کر دیو تے ہلکی آنچ اتے پندرہ توں 20منٹ پکائو تاں جے ہڈیاں ادھ گلی ہو جان۔ نمک’ چٹی مرچ تے لیموں دا رس پا کے (پتلا کرنا چاہو تے حسب منشا پانی پا کے چار توں پنج منٹ پکائو)چولہے توں اتار لوو۔

مصالحے دار مٹن پلائو
شیواں: بکرے دا گوشت ادھا کلو’ چاول دو پیالی’ نمک حسب ذائقہ’لہسن دے جوئے تن توں چار عدد’ ادرک لہسن پسیا ہویا اک کھانے دا چمچ’ پیاز چار عدد درمیانی’ ٹماٹر دو عدد’ کالی مرچ پسی ہوئی ادھا چاہ دا چمچ’ چٹا زیرہ اک چاہ دا چمچ’ ثابت گرم مصالحہ اک کھانے دا چمچ’ ہری مرچاںچھ توں اٹھ عدد’ کوکنگ آئل حسب ضرورت۔
ترکیب:گوشت نوں صاف دھو کے رکھ لوو’ پین وچ دو کھانے دے چمچ کوکنگ آئل وچ ثابت گرم مصالحہ تے بریک کٹے ہوئے لہسن دے جوئے پا کے فرائی کرو تے اوہدے وچ گوشت نوں سنہری ہون تک بھنوں فیر اوہدے وچ تن پیالی پانی پا دیو تے ابال آن تے ہری مرچاں تے دو پیاز نوں موٹا موٹا کٹ کے پا دیو۔ ڈھک کے ہلکی آنچ اتے گوشت گلن تک پکائو۔ چاولاں نوں دھو کے بھگو دیو تے وکھری پین وچ چار کھانے دے چمچ کوکنگ آئل وچ دو بریک کٹی ہوئی پیاز نوں سنہری فرائی کرو۔ ایہدے وچ پسیا ہویا ادرک لہسن’ زیرہ تے کٹے ہوئے ٹماٹر پا کے چنگی طرحاں بھنو’ فیر گوشت نوں یخنی توں کڈ کے اوس مصالحے وچ پا کے بھن لوو۔چاولاں نوں پانی توں کڈ کے گوشت دے نال شامل کرو تے چنگی طرحاں ملا کے یخنی گھٹ توں گھٹ تن پیالی ہووے ورنہ پانی ملا لوو۔ نمک تے کالی مرچ پا کے درمیانی آنچ اتے پکائو’ پانی خشک ہون تے آ جاوے تے ہلکی آنچ اتے دس توں بارہ منٹ لئی دم اتے رکھ دیو۔

مچھی دے کوفتے
شیواں: مچھی 250گرام’ نمک حسب ذائقہ ‘ ادرک لہسن پسیا ہویا اک چاہ دا چمچ’ پیاز اک عدد درمیانی’ آلو ابلیا ہویا اک عدد’ کالی مرچ پسی ہوئی ادھا چاہ دا چمچ’ ہری مرچاں چار توں چھ عدد’ ہرا دھنیا باریک کٹیا ہویا وکھان دے چمچ’ انڈا اک عدد’ ڈبل روٹی دا سلائس اک عدد’ کوکنگ آئل حسب ضرورت۔
ترکیب: بغیر کنڈے دی مچھی نوں صاف دھو کے اوہدے اتے نمک چھڑکو تے ڈھک کے درمیانی آنچ اتے اینی دیر پکائو کہ مچھی دا اپنا پانی خشک ہو جاوے۔ آلو نوں مچھی دے نال رلا کے میش کر لوو تے اوہدے وچ ادرج لہسن’ کش کیتی ہوئی پیاز’ کٹی مرچ’ ہری مرچ تے ہرا دھنیا پا کے ملا لوو۔ا نڈے نوں ہلکا جیا پھینٹ کے اوہدے وچ چوراکی ہوئی ڈبل روٹی دا سلائس پا کے ملائو تے مچھی دے مکسچر وچ رلا کے چھوٹے چھوٹے کوفتے بنا لوو ۔ اوہناں نوں نیم گرم کوکنگ آئل وچ سنہری فرائی کر کے کڈ لوو۔ اوہناں کوفتیاں دی گریوی تیار کرن لئی تن توں چار کھانے دے چمچ کوکنگ وچ کڑی پتے پا کے گرم کرو تے اوہدے وچ اک چاٹے دا چمچ ادرک لہسن پسیا ہویا نمک اک کھانے دا چمچ پسی ہوئی لال مرچ’ اک کھانے دا چمچ پسیا ہویا دھنیا’ ادھا چاہ دا چمچ ہلدی پا کے پانی دا چھینٹیا دیندے ہوئے بھنے۔ فیر اوہدے وچ ادھی پیالی کوکونٹ’ ملک’ دو کھانے دے چمچ’ لیموں دا رس تے دو توں تن کھانے دے چمچ فرائی کیتی ہوئی پیاز وچ پا کے ملائو تے ہلکی آنچ اتے دم اتے رکھ دیو۔ پنج توں ست منٹ پکان مگروں اوہدے وچ فرائی کیتے ہوئے کوفتے پا کے پین نوں کپڑے توں پھڑ کے ہلائو تے چولہے اتوں اتار لوو۔

انڈا مغز مصالحہ
شیواں: انڈے چار عدد’ نمک حسب ذائقہ’ ادرک لہسن پسیا ہویا اک چاہ دا چمچ’ ددھ چوتھائی پیالی’ پیاز دو عدد درمیانی’ ٹماٹر دو عدد’ ٹماٹر دا پیسٹ اک کھانے دے چمچ’ ہلدی اک چاہ دا چمچ’ پسی ہوئی لال مرچ اک چاہ دا چمچ’ گرم مصالح پسیا ہویا ادھا چاہ دا چمچ’ قصوری میتھی ادھا چاہ دا چمچ’ ہری مرچاں دو توں تن عدد’ کوکنگ آئل حسب ضرورت
ترکیب:انڈیاں نوں وڈے پیالے وچ پا کے اوہدے وچ نمک’ ہلدی تے ددھ شامل کر کے پھینٹ لوو۔ فرائینگ پین وچ کوکنگ آئل پا کے ہلکا جیا گرم کرو تے انڈیاں دے مکسچر نوں تن توں چار حصیاں وچ کر کے آملیٹ وانگوں سنہری فرائی کر لوو۔ ایسے فرائینگ پین وچ بریک کٹی ہوئی پیاز نوں ہلکی سنہری فرائی کرو فیر اوہدے وچ ادرک لہسن’ نمک’ لال مرچ تے ہلدی پا کے بھنو۔ مصالحے دی خشبو آن تے اوہدے وچ ٹماٹر پا کے اینی دیر فرائی کرو کہ ٹماٹر نرم ہو جاوے ۔ ٹماٹر دا پیسٹ پا کے ملائو تے تیار کیتے ہوئے آملیٹ دے چھوٹے ٹکڑے کر کے اوہدے وچ پا دیو۔

ونڈالو
شیواں: گوشت (بغیر ہڈی) ادھا کلو’ نمک حسب ذائقہ’ لہسن پسیا ہویا اک کھانے دا چمچ’ ادرک اک انچ دا ٹکڑا’ پیاز دو عدد درمیانی’ آلو دو عدد’ کالی مرچ پسی ہوئی ادھا چاہ دا چمچ’ پسی ہوئی لال مرچ اک کھانے دا چمچ’ ہلدی اک چاہ دا چمچ’ چٹا زیرہ اک چاہ دا چمچ’ دار چینی اک ٹکڑا’ لونگ تن توں چار عدد’ برائون شوگر اک کھانے دا چمچ’ لیموں دا رس اک کھانے دا چمچ’ چٹا سرکہ دو کھانے دے چمچ’ املی دا پیسٹ دو کھانے دے چمچ ‘ کڑی پتے حسب پسند’ کوکنگ آئل حسب ضرورت۔
ترکیب: گوشت نوں صاف دھو کے اوہدے اتے نمک تے کالی مرچ لا دیو تے اوہنوں کوکنگ آئل وچ کڑی پتے دے نال سنہری فرائی کر کے کڈ لین۔ دارچینی’ لونگ تے زیرہ رلا کے بریک پیس لوو۔ اوسے پین وچ چوپ کیتی ہوئی پیاز تے لہسن نوں فرائی کرو۔ فیر اوہدے وچ بریک کٹی ہوئی ادرک’ پسیا ہویا خشک مصالحہ’ لال مرچ تے ہلدی پا کے گوشت شامل کر دیو۔ بھن کے اک پیالی پانی پا کے ہلکی آنچ اتے پکائو’ جدوں گوشت گلن اتے آ جاوے تے اوہدے وچ الو دے ٹکڑے تے برائون شوگر پا کے بھنیں تے دو پیالی پانی شامل کر دیو جدوں الو گل جائو تے سرکہ’ لیموں دا رس تے املی دا پیسٹ پا کے ہلکی آنچ اتے پنج توں ست منٹ لئی دم اتے رکھ دیو۔