کجھ سلیم بیتاب دی کتاب بارے

اقتدار جاوید

دوستوں کے حلقے میں ہم وہ خوش مقدر ہیں
شاعروں میں شاعر ہیں افسروں میں افسر ہیں
ایہ شعر تے کجھ ہور طرح دا اے تے زبان زدعام وی اے پر ایس تحریف نے ایہدی ذومعنویت دونی کر دتی اے۔ اجہی تحریف اک بیوروکریٹ نوں ای روا اے۔ سیدافسر ساجد اک تقریب وچ سٹیج تے حسن نثار دے نال بیٹھے سن۔ افسر ساجد نے حسن نثار توں پچھیا کالج وچ تہاڈے انگریزی دے کہڑے استاد سن۔ حسن نثار نے کہیا افسر ساجد’ جدوں حسن نثار نوں پتہ لگا کہ اوہناں دے استاد اوہناں دے نال بیٹھے نیں تے اوہ روسٹرم تے آئے تے کہیا ایس تقریب دی صدارت مینوں نہیںمیرے استاد صاحب نوں روا اے۔ جیویں ایس شعر دی تحریف اوہناں نوں روا ہے سانوں نہیں۔ سید افسر ساجد نے دسیا کہ سلیم بیتاب اوہناں توں اک ورھا سینئر سن۔ فیصل آباد دے ہور معروف شاعر وی سلیم دے کلاس فیلو سن۔ ایہ 1963ء دا سن اے۔ اج تے سن وچ ادھی صدی پھیلی ہوئی اے۔ ایہناں پنجاہ ورھیاں وچ سلیم دی شاعری پہلے دن وانگوں سجری اے۔ اپنے اسلوب تے لفظیات وچ وی تے اپنی تاثیر وچ وی۔
میرے شعروں میں نہ ڈھل پایا ترا عکس جمیل
یہ سمندر کیا سمٹتا کوزہ ِ اظہار میں
بارش ِ درد سے دھل جاتا ہے سینوں کا غبار
برف آئینہ بنا دیتی ہے کہساروں کو
یوں سنہری دھوپ بکھری ہے رخ کہسار پر
جس طرح غازہ چمکتا ہے ترے رخسار پر
”لمحوں کی زنجیر” سلیم بیتاب دیاں غزلاں تے نظماں دا اک نایاب مجموعہ اے۔ جس شعر لئی اسیں ایس مجموعے دا مطالعہ کرنا چاہندے سی اوہ ایہدے وچ شامل نہیں اوہناں دے بس دو مجموعے نیں۔ اک ایہو ”لمحوں کی زنجیر” تے دوجا ”ہوا کی دستک”۔ عین ممکن اے اوہ شعر جو بچپن توں ساڈے حافظے وچ محفوظ اے تے ساڈے پسندیدہ شعراں وچ شامل نیں اوہ ”ہوا کی دستک” وچ شامل ہووے۔
اہل زباں تو کر کے فغاں مطمئن ہوئے
سوز دروں میں جتنے جلے بے زباں جلے
پر جنے اعلیٰ شعراں دی گنتی ایس مجموعے وچ شامل اے اوہ وی کجھ گھٹ نہیں۔
پھر سرخ پھول شہر کے پیڑوں پہ آگئے
روحوں کے جتنے زخم تھے چہروں پہ آ گئے
فکر کا جذبہ ملا افکار کی کائی ملی
ذہن کے تالاب پر کیا نقش آرائی ملی
آنکھ کھلتے ہی عجب دھڑکا سا دل کو لگ گیا
وہ کہاں سپنوں میں تھا جو ان کی تعبیروں میں ہے
کیا ہمیں تفویض ہوتی اس کے رازوں کی کتاب
ہم تو انساں تھے کسی کمرے کی الماری نہ تھے
سلیم بیتاب نے شکیب وانگوں صرف چونتی ورھے عمر پائی۔ شکیب دی لفظیات سلیم دی شاعری وچ موجود نیں۔ سلیم دی شاعری وچ البم یوکلپٹس نائٹ کلب سٹیج بک سٹال اخبار اتوار کار تے ایہدے ورگے درجناں الفاظ جتھے جتھے استعمال ہوئے نیں غزل دی زبان وچ رچ بس گئے نیں۔ اوہناں دی اجنبیت محسوس ہو ای نہیں پاندی۔ سلیم نے فیصل آباد دے ہم عصراں تے بعد دے آن والیاں دی فکری رہنمائی کیتی۔
داستانوں میں وہ جادو ہے نہ تفسیروں میں ہے
جو تری آنکھوں کی بے آواز تقریروں میں ہے
آنکھ کھلتے ہی عجب دھڑکا سا دل کو لگ گیا
وہ کہاں سپنوں میں تھا جو ان کی تعبیروں میں ہے
ایہناں دی تخلیقی عرصے دوران معاشرے وچ اگے ودھن’ زندگی وچ نویاں راہواں بنان دی خواہش سی۔ اک نویں معاشرے’ اک نویں تخلیقی ماڈل دی تلاش’ تخلیق کاراں دے دل وچ ابل رہی سی۔ ایہناں دی غزل وچ اگے ودھن دا حوصلہ اے۔ ایہناں دی تخلیق دا عرصہ ایس نویں غزل دے خدوخال بنن دا عرصہ سی اوہی غزل جہڑی اج دا سکہ رائج الوقت اے۔ پنجاہ توں ستر دے ویہہ ورھیاں وچ ای اوہ غزل سامنے آئی جہناں نوں پڑھدے اسیں جوان ہوئے سی۔ موجودہ دور دی غزل دا راہ ایہناں لوکاں نے بنایا سی جو ایہناں دو عشریاں وچ مصروف کار سن۔ اک رو اوہ سی جو منیرنیازی دی سی جہدے وچ نہ اوہناں دا کوئی شریک سی اوہ اوہناں دے نال ای مخصوص سی۔ سلیم احمد’ ظفراقبال’ شہزاداحمد تے شکیب جلالی اوہ عناصر اربعہ سن جو غزل دی نویں تحریک دے پہلے دستے سن۔ ہن ایہنوں توڑ پھوڑ کہو یاں کوئی ہور ناں دیو اک نویں آہنگ غزل دی تشکیل ضرور ہو رہی سی۔
سلیم دا تعلق جالندھر توں سی۔ اہل جالندھر دے بارے اک لطیفہ بڑا مشہور اے۔ حفیظ جالندھری اک واری ٹرین وچ سفر کر رہے سن اوہناں دے سامنے والی سیٹ تے اک صاحب موجود سن۔ حفیظ جالندھری مشہور شاعر سن۔ اوہناں دے دل وچ طلب آئی کہ ایہ صاحب مینوں پچھان نہیں رہے نہیں تے خوش ہوندے کہ مشہور شخصیت دے نال سفر کر رہیا واں۔ آخر کجھ دیر بعد آپ ای اوہناں نال مخاطب ہو کے ہولی ہولی اپنا تعارف کران لئی اپنا ناں دسیا تے کہیا کہ میرا ناں حفیظ جالندھری اے۔ ایہ سن دیاں ای اوہ صاحب سیٹ توں اٹھے تے گرمجوشی نال اوہناں ول ودھے۔ حفیظ جالندھری دل وچ خوشی محسوس کر ای رہے سن کہ اوہناں صاحب نے گل ملدے ہوئے کہیا بڑی خوشی ہوئی کہ تسیں وی جالندھر دے او۔ اوہناں دی شکل چیف آف آرمی سٹاف جنرل عاصم منیر نال ملدی اے۔ اصل وچ اوہ فیصل آباد دے شاعرا ںدے چیف آف آرمی سٹاف ای تے ہے نیں۔
میں نے تو یونہی راکھ میں پھیری تھیں انگلیاں
دیکھا جو غور سے تری تصویر بن گئی