راہ بند ہوئے جاندے نیں!

روئے سخن نہیں تو سخن کا جواز کیا
بن تیرے زندگی کے نشیب و فراز کیا
بہتر ہے آئینے کے مقابل نہ آئیں ہم
تو جو نہیں تو خود سے بھی راز و نیاز کیا
اپنا کیتا سامنے ضرور آندا اے کوئی سوچ سکدا اے کہ ایہ وقت وی آنا سی کہ متحدہ نے کراچی وچ بلدیاتی الیکشن دا بائیکاٹ کرنا سی پر اجے لوکاں نوں حیرت نہیں ہوئی کہ اوہدی سرگرمیاں جو ماضی دا حصہ رہیاں نیں لوکاں نوں بھلیاں نہیں۔ صورتحال پورے ملک وچ ای ماڑی اے سب کجھ ٹٹ بھج دا شکار اک ابتری تے بے یقینی ورگی صورتحال اے۔ ہر پاکستانی ضرور سوچدا اے کہ ملک نوں ایس نہج تے ایس انجام تے لیان وچ آخر کہدا ہتھ اے۔ ایہ ساری بے برکتی کہدے پاروں پیدا ہوئی ایہ جو سیاسی بحران اے تسیں ایہنوں پی ٹی آئی دی حکمت عملی کہوو کہ اوہناں نے اک لمحے لئی وی پی ڈی ایم دی حکومت نوں کم نہیں کرن دتا یاں فیر تسیں ایہنوں ن لیگ تے اتحادیاں دی ضد کہوو کہ اوہناں نے انتخابات دے مطالبے نوں منن توں انکار کر دتا تسیں یقین کرو کہ کسے نوں وی لوکاں دی فکر تے اک پاسے اوہناں ول تھوڑا جیہا وی دھیان نہیں۔ ایس کشاکش تے کھچ دھرو وچ تاجر طبقہ عموماً تے سرمایہ کا رخاص کر دل کھول کے لٹ مار کر رہیا اے کہ کوئی پچھن والا ای نہیں تنخواہ دار طبقہ تے جیندے جی مر گیا۔ مصیبت ایہہ وے کہ تنے سٹیک ہولڈرز اک ای انداز وچ مصروف کار نیں کہ کسے نوں بھاء جان۔ شہبازشریف دا بیان کہ اک ہتھ وچ ایٹم بمب اے تے دوجے وچ کشکول اک بڑا بلیغ اشارا اے فیصل نجمی نے کہیا سی:
پھر یوں ہوا کہ ہاتھ سے کشکول گر گیا
خیرات لے کے مجھ سے چلا تک نہیں گیا
کاش بھٹو والا جذبہ ساڈے وچ پرت آوے کہ گھاہ کھا لواں گے ایٹم بمب ضرور بناواں گے۔ ہن اک ہور جذبہ اے کاش ساڈے اندر آ جاوے کہ رُکھی سُکھی کھا لواں گے ایٹمی اثاثیاں نوں ضرور بچاواں گے۔ سکیورٹی بہوں ضروری اے کہ امن تے سکون نال بندہ رُکھی سُکھی وی کھا لوے تے بڑا اے۔ صد شکر کہ اجے سراج الحق ورگے لوک موجود نیں جو قوم نوں جھنجھوڑ جھنجھوڑ کے جگان دی کوشش کر رہے نیں۔ علمائے کرام تے وی بھاری ذمہ داری آئی اے کہ آپس دے اختلافات بھلا کے اک پلیٹ فارم تے آن۔ باکمال دانشوراحمد جاوید دے شعر ذہن وچ آ گئے:
اچھی گزر رہی ہے دل خود کفیل سے
لنگر سے روٹی لیتے ہیں پانی سبیل سے
اک شخص بادشاہ تو اک شخص ہے وزیر
گویا نہیں ہیں دونوں ہماری قبیل سے
ہن تے خیر صورتحال ای ایہدے الٹ اے کہ بادشاہ فقیر بنے ہوئے نیں ایہ فقیر فقر توں نہیں۔ ایہ اجتماعی سطح تے اوس بندے ورگے نیں جو لنگر توں اپنی کھا آندا اے تے دوجیاں دی لے آندا اے جنہے ایہنوں ایس کم تے لایا اے انج ہن تے ایہ منگتے اوہ وی کھا جاندے نیں جو دوجیاں لئی لیاندے نیں۔ ہن شہر آشوب کون لکھے۔ کسے تے بھروسہ نہیں کسے دا اعتبار نہیں تے کسے توں امید نہیں کوئی نہیں جان دا کہ کون کہدا وفادار اے پر کون کہدا غلام اے سارے جان دے نیں۔
شہر والوں کی محبت کا میں قائل ہوں مگر
میں نے جس ہاتھ کو چوما وہی خنجر نکلا
ایہ سب کجھ سیاست وچ ای ہو سکدا اے۔ یوٹرن تے خیر حکمت عملی تے دانشمندی اے ایس لئی خان صاحب دی گل تے میں نہیں کر سکدا کہ اوہ گھمدے گھماندے موجودہ صورتحال تک اپڑ گئے نیں۔ اوہناں دی خوش قسمتی کہ مقابلے تے کوئی بلوچ لیڈر نہیں کوئی پنجابیاں دے خلاف گل نہیں کر رہیا پر اسیں پنجابی سوچدے تے آں کہ نوازشریف آخر اینے ڈرے کیوں ہوئے نیں تے کہدے توں ڈرے ہوئے نیں کہ اپنی حکومت وچ وی آن توں ایناں گریزاں نیں۔ اوہناں نے فیر کہہ دتا اے کہ اوہ اجے نہیں آ رہے۔ لوک عجیب الجھن وچ نیں جیویں کہ اوہناں دی سیاسی لیڈر اوہناں دے بارے بے رغبتی جہی ہو گئی اے۔ سچ مچ انج ای لگدا اے کہ سیاستداناں تے لوکاں دے وچکار وِتھ ودھدی جا رہی اے۔ مثلاً میں کراچی دے اک عام بندے دی گل سن رہیا سی کہ کہن لگا کوئی کسے دا نہیں‘ ایتھے لبھن نال وی کوئی کم دا بندہ نہیں ملدا۔ عام بندے لئی روڈ بند اے‘ ایتھے تہانوں انسان نہیں چورتے ڈاکو کثرت نال مل جان گے۔ ڈاکو وی اجہے کہ کچے دے وکھرے تے پکے دے وکھرے۔ اک ہور دلچسپ گل ایہ ہو رہی اے کہ ساریاں دا اپنا کیتا کرایا سامنے آ رہیا اے۔ صرف عمران خان ای نہیں جہدی اقتدار وچ آن توں پہلاں دیاں تقریراں چلدیاں رہیاں نیں۔ ہن مصطفی کمال دے دعوے دھڑلے نال چل رہے نیں۔ مصطفی کمال نے خالدمقبول صدیقی دا تعارف انج کروا رکھیا اے کہ تسیں سن نہیں سکدے۔ ایہ سارے اک دوجے دے نال ملے ای نہیں اک ہو گئے۔ حیرت تے ایس گل اُتے اے کہ اک دوجے تے سنگین الزامات دے وی بعد کسے دے متھے تے شرمندگی دے قطرے برآمد نہیں ہوندے پر افسوس تے ایس گل دا اے کہ لوکاں ول کسے دی نظر نہیں۔ جماعت اسلامی دے کول فخر کرن نوں بہت کجھ اے تے ماضی وچ کئی بھرویں کردار وی پر کیہ کریئے:
کسی کردار کو چلنے نہیں دیتا آگے
ایک کردار کہانی میں جو شامل بھی نہیں
ایسے لگتا ہے کہ ہم کسی بند جگہ پر پھنس چکے ہیں یا یہ کہہ لیں کہ راستے بند ہوئے جاتے ہیں اور ہم کہیں محبوس ہوتے جا رہے ہیں۔ ٭