کدی خواب وچ ہو جاوے
عبدالحمید نظامی
کدی خواب وچ ہو جاوے نوری مُکھڑے دا نظارا
آقا من لئوو خدارا آقا مَن لئوو خدارا
دل وچ میں آس لائی ایہہ سیج میں وچھائی
آجائو ہن تے آقا محفل تیری سجائی
قسم خدا دی آقا بِن تیرے نہیں گذارا
آقا من لئوو خدارا آقا مَن لئوو خدارا
پُھل لیکے سوہنے سوہنے تیری یاد وچ میں سجرے
بڑے پیار تھیں پرئوے میں دروداں دے ایہہ گجرے
کر دیواں صدقے تیرے اس دل دا باغ سارا
آقا من لئوو خدارا آقا مَن لئوو خدارا
الم نشرح تیرا سینہ ، تیرا شہر وی مدینہ
صدقے صدیقؓ عمرؓ دے میرا پار کر سفینہ
جتھے انبیاء سوالی میں وی ویکھ لاں دوارا
آقا من لئوو خدارا آقا مَن لئوو خدارا
نظامیؔ دی آس والا ہن بوٹا کر دے ہریا
فرقت دا ویلا ہن تے جاندا نہیں میتھوں جریا
سرکار ہن تے چمکے قسمت میری دا تارا
آقا من لئوو خدارا آقا مَن لئوو خدارا
