طاہر وزیرآبادی مرحوم

اوہناں دیاں تحریراں اوہناں نوں ہمیشہ لئی امر کیتے رکھن گئیاں

علی بابر

قلم کار اپنے قلم توں مثبت سوچ نوں لفظاں دی شکل وچ ڈھال کے معاشرے دے اصلاحی پہلوواں نوں اجاگر کردا اے۔ معاشرتی اصلاحی تحریراں ای قلمکار دا سرمایہ حیات ہوندیاں نیں۔ قلمکار طاہر وزیرآبادی مرحوم دی تحریراں ایہنوں ہمیشہ لئی امر کیتے رکھن گئیاں۔ ادبی دنیا وچ طاہر وزیرآبادی مرحوم زندہ و جاوید رہن گے۔ طاہر وزیرآبادی مرحوم قول و فعل دے سچے شخص سن اوہ ظالم دے سامنے ہمیشہ مظلوم دے حق لئی ڈٹ گئے۔ حق و سچ دے جھنڈے دی سربلندی وچ زندگی گزاری۔ طاہر وزیرآبادی اک سچے عاشق رسولؐ سن۔

اوہناں دی ادبی تحریراںتے نعتیہ کلام توں اصلاحی اسلامی تعلیمات عیاں ہوندیاں نیں۔ ایہناں خیالات دا اظہار سینئر صحافی تے کالم نگار مدثر اقبال بٹ نے منے پرمنے شاعر طاہر وزیرآبادی دی چوتھی سالانہ برسی دے موقع تے کیتا۔
ایس موقع تے پیر فقیر ویہ ساہی،الیاس گھمن،جان کشمیری،حامد شاہ بخاری ، ڈاکٹرسرور ، صایہ سوانی ، احسان اللہ طاہر ، صغیر تابش ، اتفاق بٹ ، محمد وحید پیر زادہ ، طارق محمود انجم ، علی احمد ، ثاقب تبسم ثاقب ، حفیظ خلجی ، نوید اقبال ، خرم چوہدری ، شریف فیاض ، احسان فیصل کنجاہی ، سلیم درواری ، آصف آسی ، بشیر کمال ، محبوب علی محبوب ، رضا مصطفی ،قیصر محمود گورائیہ ، حاجی محمد رفیق بھٹہ ، افتخار احمد بٹ ، نجیب اللہ ملک ، صابر حسین بٹ ، صوفی محمد اشرف نثار ، محمد اکرم پہلوان ، مہر خالد مجید ، سید آل محمد ، خواجہ محمد شعیب،محمد اقبال طاہر،سیف اللہ بھٹی،مہر فیاض فیضی،ملک شاکر،زاہد محمود ہاشمی،شیخ سعید انور زبیری،ملک شاکر.اسد مغل تے دوجیاں نے وی خطاب کیتا۔