جشن بہاراں تقریبات دا آغاز
پنجاب انسٹیٹیوٹ آف لینگوئج‘ آرٹ اینڈ کلچر (پلاک)‘ محکمہ اطلاعات و ثقافت پنجاب دے پربندھ ہیٹھ
جشن بہاراں تقریبات دا آغاز
رپورٹ:علی بابر
پنجاب انسٹیٹیوٹ آف لینگوئج‘ آرٹ اینڈ کلچر (پلاک)‘ محکمہ اطلاعات و ثقافت پنجاب دے پربندھ ہیٹھ جشن بہاراں تقریبات دا آغاز الحمرا مال روڈ توں ہویا۔ ایہہ تقریبات 5توں 12مارچ2023تک جاری رہن گئیاں۔ ایسے سلسلے دے شام غزل پروگرام وچ نامور کلاسیکل گلوکار استاد حامد علی خان نے اپنے فن دا مظاہرہ کیتا۔ اوہناں نے اردو تے پنجابی غزلیات پیش کر کے بہت داد وصول کیتی۔ تقریب وچ شہریاں دی کثیر تعداد نے رلت کیتی۔ ایس موقع تے ڈائریکٹر جنرل پلاک محترمہ بینش فاطمہ فاطمہ‘ ایڈیشنل سیکرٹری سیکرٹری کلچر نازیہ جبیں، ڈاکٹر محمد عاصم چودھری تے ڈاکٹر خاقان حیدر غازی نے اچیچی رلت کیتی۔
جشن بہاراں تقریبات وچ فوک میوزک‘ محفل غزل‘ صوفی میوزک‘ خواتین مشاعرہ‘نمائش‘ کلاسیکل میوزک پروگرام‘ مزاحیہ مشاعرہ تے میوزک گالا شامل نیں۔ تقریبات دا مقصد عوام نوں پنجاب دی تہذیب و ثقافت دے رنگ ویکھن دا موقع فراہم کرنا اے۔
