ذوالفقار علی ججہ نے اپنی ساری نوکری فرض شناسی تے انسان دوستی دا حق خوب ادا کییتا اے۔
عتیق انور راجہ
CPOتےRPOنے 10منٹ دے خطاب وچ پلس دا مورال اُچا کرن لئی بوہت نپی تُلی گل کیتی،ذوالفقار علی ججہ
اسیں معاشرے وچ چنگا کم کرن والے لوکاں دی عزت افزائی داسلسلہ جاری رکھاں گے۔چوہدری طاہر جاوید نمبردار
گوجرانوالہ(میگزین رپورٹ)سائبان ویلفیر سوسائٹی تے پاکستان کالمسٹ ایسوسی ایشن دی چھتر چھاریں پنجاب پلس توں ریٹائر ہون والے انسپکٹر ذوالفقار علی ججہ دے نال ای لائبریری ہال وچاک شام دا اہتمام کیتا،سرپرست سائبان طاہر جاوید چوہدری نے ذوالفقار علی ججہ نوں اعزازی شیلڈ پیش کیتیتے اوہناں نوں پگھ پہنائی ۔
ایس تقریب وچ مرد وعورتاں وڈی تعداد وی رَلت کیتی۔صدر سائبان عتیق انور راجہ،طاہر جاوید نمبردار،انضار گکھڑ،سیف اللہ بھٹی،عثمان اشرف،سجاد
سردار وڑائچ،چوہدری پرویز عابد ہرل،چوہدری نصر اللہ ڈھلوں،یسین گجر،راجہ افضال عزیز،حاجی ظہیر عباس،ملک فیصل خالد،سید شبیر شاہ،ظہیر کمانڈو،یعقوب انجم مغل،چوہدری سجاد مشتاق،شوکت ڈار،رمضان تائب،فرحانہ عنبر،روبینہ ناز،نوشین حسین نوشی تے ہوراں تقریب نال خطاب کردیاں ہویاں کیتیاں تے آکھیاکہ معاشرے وچ چنگی پہچان رکھن والیاں نوںنوکری چھڈن دے بعد وی لوگ چنگے لفظاں وچ یاد رکھدے نیں۔پاکستانی عوام نوں پلس توں بوہت ساریاں شکایتاں رہندیاں نیں لیکن تصویر دا دُوجا رُخ ایہ وی اے کہ بوہت سارے پلس ملازم
دوران نوکری اپنے چنگے روئیے تے جذبے نال لوکاں دے دلاں وچ اک اینج دامقام بنا لیندے نیںجِس نوں معاشرہ تادیر یاد رکھدا اے۔
پلس انسپکٹر ذوالفقار علی ججہ وی اک اینج دے ہی پلس افسر رہے نیں جنہاں نے اپنی ساری نوکری فرض شناسی تے انسان دوستی دا حق خوب ادا کیتا اے، اوہناں نے ذاتی سلام دعا توں ہٹ کے ہر بندے نوں صیح مشورہ دتا جیہڑااوہناں دے دفتر پہنچیا ہوئے ۔اج ایس ہال وچ عورتاں،شاعر،کالم نگار،وکیل،صحافی،ٹی وی اینکرز تے معاشرے دے دُوجے طبقیاں توں وڈی تعداد وچ لوکاں نے رَلت کر کے ثابت کیتا اے کہ پاکستانی قوم زندہ دل اے۔
پاکستانی قوم فرض شناس لوکاں نوں عزت دینا جاندی اے۔ذوالفقار علی ججہ نے تقریب دے آخر وچ سب مہماناں تے چیف آرگنائزر سائبان خرم بھٹہ،سرپرست چوہدری طاہر جاوید نمبردار،چیئرمین سلیم اسلم تے پاکستان کالمسٹ ایسوسی ایشن دے ساریاں نمائندیاں دا شکریہ ادا کیتا۔ذوالفقار علی ججہ نے آکھیا کہ اج پلس وچ بوہت سارے اینج دے لوگ نیں جیہڑے عوام دی جان و مال لئی بہتر توں بہتر کم کرن دی کوشش کررہے نیں ۔ سی پی او تے آر پی او نے پلس لائن وچ اک 10 منٹ دے خطاب وچ پلس دے افسراں تے جواناں دا مورال اُچا کرن لئی بوہت نپی تُلی گل کیتی ۔جس نال پلس ملازم اپنے اندر اک نویں توانائی محسوس کررہے نیں۔
