نعت شریف
عبدالحمید نظامی
میں تے لکھدا رہواں گا سہرا نبی سرکار دا
ہے کرم میرے تے دوہرا تہرا نبی سرکار دا
اوسے پاسے کر دتا قبلہ خدا نے وچ نماز
جیہڑے پاسے ہو گیا چہرا نبی سرکار دا
بن گئے صدیقؓ عمرؓ عثمانؓ تے مولا علیؓ
تک لیا جنہیاں نیں وی جلوہ نبی سرکار دا
بھاویں تکیا نہیں کسے سایا میری سرکار دا
رہوے گا ساڈے سر تے سایا نبی سرکار دا
شاناں وچ بے شک بڑے آئے مرسل تے نبی
پر کسے پایا ای نہیں پایا نبی سرکار دا
رب کرے وقت نزع ساڈیاں ہونٹاں تے وی
ہے دعا جاری رہوے کلمہ نبی سرکار دا
آ کے مینوں وچ قبر کہن گے منکر نکیر
اے نظامیؔ کوئی سنا نغمہ نبی سرکار دا
