غزل
مجاہداقبال مجاہد
ہن پلا چھڑا کے نسنا ایں کدی پلا پھڑ پھڑ رویں گا
میں اندر وڑ وڑ رویا ساں توں کوٹھے چڑھ چڑھ رویں گا
رہ جاویں گا کلا اک دن ہو جاویں گا جھلا اک دن
بہانے پا پا لوکاں دے نال ایویں ای لڑ لڑ رویں گا
جد کسے نہ درد ونڈایا یاداں نیں جد آن ستایا
تک تک فوٹو تڑفیں گا کدے چٹھیاں پڑھ پڑھ رویں گا
بھل جانے نیں خشیاں ہاسے کسے نہیں دینے آن دلاسے
چپ چپیتے اندرو اندری آپے ای سڑ سڑ رویں گا
پئیاں جدوں یار جدائیاں ہو جاویں گا وانگ شدائیاں
ہر کسے نوں سمجھ مجاہدؔ گھر نوں کھڑ کھڑ رویں گا
