نکی عید یا وڈی عید

حمد تے ثنا دے لائق اے اوہ ذات جس نے اسلام دیاں راہواں وچوں اک راستہ اپنے مہینے رمضان المبارک نوں قرار دتا

بشارت حسین وقار جھنگ

رمضان دا مہینہ صیام دا مہینہ اسلام دا مہینہ پاکیزگی دا مہینہ تطہیر دا مہینہ صدقات تے خیرات دا مہینہ ہمدردی دا مہینہ عبادت تے قیام دا مہینہ تے قرآن دے نزول دا مہینہ حضورِ اکرم صلی الله علی و آلہ وسلم صحابہ کرام رض نال اک غزوہ توں واپس تشریف لئے کے مدینہ منورہ آ رہے سن حضور ص نے فرمایااسیں جہادِ اصغر توں جہادِ اکبر کرن جا رہے ہاں صحابہ کرام رض حیران ہو گئے آپ ص نے حیرت ویکھ کے فرمایا سب توں وڈا جہاد اپنے نفس دے خلاف جہاد کرنا اے آپ ص نے رمضان المبارک دی آمد ولے اشارہ فرمایا سی تے روزے نوں جہادِ اکبر فرمایا ایہ عید جہادِ اکبر دے نتیجے وچ عطا فرمائی گئی ایہ عید نکی نہیں وڈی عید اے جیہڑیاں چیزاں عام مہینیاں وچ حلال سن اوہ اس مہینے وچ حرام کر دتیاں گئیاں الله تعالیٰ نے اک واضح وقت معین کر دتا تے اوہ نہیں چاہندا ایس معینہ وقت نوں اگے یا پچھے کر دتا جاوے ایہ تمام انساناں لئی رب دی طرفوں اک مہینے دا سرکاری تربیتی پروگرام اے ایہ اکھ ، کن ، ہتھ ، پیر تے جبھ دی تربیت دا بہترین اہتمام اے ایہ کھاون پیون ، جاگن سوون دا نظام الاوقات اے اکھ اوہ منظر نہ ویکھے جس نوں رب پسند نہیں کردا کن گیت ، گاون ، چغلی ، گالی گلوچ نہ سنن ہتھ کوئی غلط کم نہ کرے پیر کسے غلط پاسے نہ ٹرے ڈھڈھ حرام نال نہ بھرے سگوں کئی کئی گھنٹے بھکھیاں رہون دی ریاضت کرے جبھ جھوٹ ، غیبت ، گالی تے ہر بے ہودہ گل توں بچن دی کوشش کرے نیکی تے احسان کرے رشتہ داراں نال صلہ رحمی کرے رسیاں نوں مناوے اوہناں دے گھر جاوے ، کلہیاں نہیں اوہناں نال رل کے کھاوے بھکھے دی بھکھ دا احساس کرے گوانڈھی دا خیال کرے اپنے مال نوں اپنا مال نہ سمجھے لوڑ ونداں وچ ورتاوے ، لڑیاں ہویاں نوں رساوے ، رب دی خاطر دوستی کرے رب دی خاطر دشمنی کرے کسے کم وچ اپنی مرضی نہ کرے جیہڑا انج کرے پورے دے پورے اسلام وچ داخل ہوون والے اس مہینے دے بہترین تربیت یافتہ مردِ مومن نیں اوہ گناہواں توں پاک کر دتے جاندے نیںاوہ جنت وچ وسن دے قابل ہو جاندے نیںاوہ سدھے راہ اتے لگ جاندے نیںہن اوہ جتھے پیر رکھدے نیں زمین پیر چمدی اے اوہ سراپا خیر ہو جاندے نیںہن اوہ اس قابل ہو جاندے نیں پئی اوہناں نوں رب دی طرفوں گناہواں دی معافی ، دوزخ دی اگ توں نجات تے جنت دی بشارت دا سرٹیفکیٹ دتا جاوےرب دے مخلص بندیاں نوں اخلاص دا تحفہ پیش کیتا جاوےعید رب دی طرفوں بہت وڈا تحفہ اے ایس تحفے نوں کوئی نکا تحفہ نہ آکھے ایہ تحفہ دیون والے دی شان وچ جسارت اے ایہ نکی نہیں وڈی عید اے میرے ایس کالم نوں پڑھن توں بعد کوئی ایس نوں نکی عید نہ آکھے نہیں تاں اوہ گناہ گار ہو جاسیں شکر گزاری وی رب دی طرفوں دل وچ القا کیتی جاندی اےجنہاں رب نال لین دین کیتا اے جنہاں اپنے نفس ویچے نیں اوہناں کئی گناں ودھ کے نفع نال رب دی مرضی خرید کیتی اے اوس وعدہ فرمایا اےجیہڑا اک نیکی لے کے آیا اوس نوں اس نیکی دا دس گناں اجر ملسیںجیہڑا اک اک دانے وچوں کئی کئی سٹیاں تے اک اک سٹی وچ سو سو دانے بھر کے دیندا اے اوس نال تجارت وچ کس نوں کیہ گھاٹا آ سکدا اے ایہ مہینہ سب مہینیاں توں افضل اے ایس دی اک اک رات دوجیاں راتاں توں افضل اے فیر ایس دا احترام کرن والے ایس مہینے وچ رب دی رضا اتے راضی رہون والا دوجے انساناں ورگا کیویں ہو سکدا اے ؟ایہ اسلام دا مہینہ اے ایہ کافر تے مسلمان دی پچھان دا مہینہ اے اس دی اک رات ہزار مہینے توں افضل اے اوس رات رب دی عبادت کرن والا کسے عام انسان ورگا کیویں ہو سکدا اے ؟جس دی اک رات سلامتی اے اس رات دی برکت سمیٹ لین والا سراپا خیر تے برکت دا سرچشمہ کیویں نہیں؟ عید والی رات ہر مومن تے مومنہ ایس نوں رخصت کر کے کیہ آکھدے نیں ؟جس دے کن سن سکدے نیں سنن ، جس دی اکھ پڑھ سکدی اے پڑھے اوہ رو رو کے اتھرو وسا وسا کے آکھدے نیںاے الله تعالیٰ دے بزرگ ترین مہینے تینوں سلاماے خدا دیاں رحمتاں دے خزینے تینوں سلاماے خدا دے دوستاں دی عید تینوں سلام اے مومناں دی اکھ دا تارا اوہناں دی اکھ دی دید تینوں سلاماے اوہ دوست جس دی رفاقت وچ نیکیاں ودھ تے گناہ گھٹ گئے تینوں سلاماے اوہ مہینہ جیہڑا دوستاں لئی دوستی دا حق ادا کردا رہیا تینوں سلاماے اوہ مہینہ جیہڑا گناہگاراں لئی قید خانہ تے مومناں لئی گلستان سی تینوں سلام اے اوہ مہینہ جیہڑا گناہگاراں لئی طویل تے مومناں لئی قلیل سی تینوں سلاماے اوہ مہینہ جیہڑا گناہگاراں نوں گناہ توں پاک کر کے پاک کردا رہیا تینوں سلام اے اوہ مہینہ جیہڑا بندے نوں رب دے قریب کر گیا تینوں سلاماے اوہ مہینہ جیہڑا سلامتی دا مہینہ تے سلامتی دا ضامن سی تینوں سلامایہ اوہ مہینہ جیہڑامومناں نوں جیون دا چج سکھاندا رہیا تینوں سلاماے مومناں دی پاک تے پر نور اکھ دی دید تینوں سلاماے مومناں دی وڈی عید تینوں سلاممیرا جی کردا اے میں قیامت تیک زندہ رہواں تے تیریاں صفتاں تے شاناں لکھدا رہواں ۔اے بشارت لئی بشارت تینوں سلامسلام سلامبشارت حسین وقار جھنگ