نامور گلوکار اسد عباس
گردے فعل ہون اُتے! حکومت موت دے منہ وچوں مینوں بچائے
میں پورے یورپ تے مڈل ایسٹ وچ پاکستانی ثقافت نال ملک دا ناں اُچا کیتا
رپورٹ: اشفاق کاظمی
فنکار ملک دی ثقافت دا چہرہ ہندا اے تے خاص کر او فنکار جس نے دنیا بھر وچ ملک دی پچان کروائی ہوئےتے ملک دا ناں اوچا کرن لی کوہی کسر نہ چھڈی ہوے اس تے برا وقت اجاے تے نہ صرف حکومت بلکہ انسانی فلاح دیاں تنظیماں نوں کدی پچھے نین ریناں چاہی دا اج بندہ نا چیز نے اک ایسے ہی دکھی تے درداں مارے فنکار نال گل بات کیتی اے جس دا دکھٹرا سن کے کلیجہ منہ نوں اجاندا اے میری مراد نامور گلوکار اسد عباس اے جیڑا پچھلے ست اٹھ سال توں گردے خراب ہون پاروں زندگی تے موت وچکار لٹکیا ہویا اے اور فنکار گھرانے دا فرد اے جس نے کوک اسٹوڈیو توں لے کے پورے یورپ تے مڈل ایسٹ وچ ملک پاکستان دی ان بان تے شان وچ ودھا کیتا اس دے وڈھے بھرا علی عباس وی کسے تعارف دے محتاج نین اوناں دا ناں وی دنیا بھر وچ جانیا جاندا اے اس دے ماموں حسن صادق وی جانے پچانے گلوکار نین اسے طرح امانت علی عون علی خاں اس دے کزن نے اس فنکار دے دو چھوٹے چھوٹے بچے نین او اوس فنکار دی کہانی اس دی زبانی سن دے اں اس دا کہنا اے کہ میرے کول دنیا دی ہر چیز سی مگر اس موضی گرریاں دی مرض نے سب کجھ وکا کہ مینوں کنگال کر دیتا اے سارا کجھ مین اپنی گائیکی نال دنیا بھر وچ شو کر کے کمایا سی ہُن اے حالت اے کہ فیصل اباد توں ساٹھ میل دور میرے بھرا ظیر عباس دا گھر اے جتوں مینوں ہر دوجے دن ڈیلیسیز کران لی موٹر سایکل تے انا پیندا اے تے ساٹھ میل واپس جانا پیندا اے راہ وچ تقریبا بیس جگہ رکنا پیندا اے کیونکہ مین مسلسل سفرنہیں کر سکدا اس دا کہنا اے کہ گھر جاکے میری حالت مزید خرا ب ہوجاندی اے تے اگلے دن فیر اونا پیندا اے میرے ایس سوال دے جواب وچ کہ تہاڈے خاندان دے نامور لوکاں نے تہاڈی کوہی مدد نہیں کیتی جس دے جواب وچ اس دا کہنا سی کہ اٹھ سال توں اوناں دی مدد تے دعاواں نال ہی زندہ واں ایس توں اڈ ھور بڑے فنکار دوستاں تے دشتہ دار جناں وچ علی حمزہ تے ندیم عباس لونے والا شامل نیںاوہناں دسیا کہ اوہناں دے بھرا ظیر عباس جناں دے گھر مین پینڈ وچ رہنا واں اوناں نے چار سال پہلے اپنا اک گردہ مینوں دیتا سی جیڑا کہ ہن کم کرنا چھڈ گیا اے اوناں دا کہنا سی کہ ڈاکٹراں دا کہنا اے کہ تہاڈاں علاج پاکستان وچ نین امریکہ وچ ہو سکدا جس تے پانج کروڑ خرچہ آئے گا اس نے اکھیا کہ میری حکومت پاکستان اگے ہتھ بن کے عرض اے کہ اداکار عمر شریف وانگوں مینوں وی سرکاری علاج لی امریکہ کلیا جاوے (قارین یاد رے کہ عمر شریف دا انتقال دیرہون پاروں علاج شروع ہون توں پہلے ای ہو گیا سی) اوہناں اے وی اکھیا کہ مینوں فوری طور تے فیصل اباد وچ گھر تے گڈی دتی جاوے تاکہ میںاس اذیت ناک سفر توں بچ سکاں اوناں اے شکایت وی کیتی کہ فیصل اباد دے سرکاری اسپتالاں نوں حکومت اکھے کہ میرا علاج مفت کرن کیونکہ مینوں علاج پرائیویٹ اسپتال توں کرانا پے رہیاں اوہناں دی زندگی بچان لئی فنکار برادری وی کافی سرگرم اے جہدے وچ شاہدہ منی ،حمیرا ارشد سر فرست نیں بندہ نا چیز نے وی شوبز صحافت دے سرکردہ لیڈر ٹھاکر لہوری نوں اگاہ کیتا سی جس دا اوناں مینوں مصیبت جواب دیتا اے کہ او حکومتی حلقیاں نوں باخبر کر رے نین تے جلدی اس دا اچھا نتیجہ نکل اے گا کیونکہ ٹھاکر لہوری پہلے وی حکومت کولوں کی دوستاں دی شنواہی کروا چکےنیں تحریر لکھن دے دوران اسد عباس نے اطلاح دیتی اے کہ امریکہ دے اک بہت وڈھے شوبز پرموٹر ریحان صدیقی نے اوہناں نوں اکھیا کہ او بہت جلدی علاج لئی امریکہ بلا رے نیںاللہ کرے ایسا ہی ہو جاوے تے ملک دا اک اثاثہ موت دے منہ وچ جان توں بچ جاے کیونکہ ساہنوں سب نوں اے فرمان خدا یاد رکھناں چاہی دا جس نے ایک انسان کی جان بچائی اوس نے پوری انسانیت دی جان بچائی۔
