کالے کوٹ دی عظمت تے توقیر وچ اضافہ میرا مشن: چوہدری منیر احمد ایڈووکیٹ ہائی کورٹ امیدوار ممبر پنجاب بار کونسل، قصور سیٹ

انٹرویو: علی عمرا ن چٹھہ

پنجاب بار کونسل دے انتخابات دے سلسلے وچ انتخابی مہم جاری اے چوہدری منیر احمد ایڈووکیٹ ہائی کورٹ امیدوار ممبر پنجاب بار کونسل، قصور سیٹ، پنجاب بار کونسل دے انتخابات دے سلسلے وچ انتخابی مہم جاری اے الیکشن وچ حصہ لین والے مختلف امیدواراں نے جتھے کامیابی لئی خدمت دے بلند و بانگ دعوے کیتے نیں اوتھے ضلع قصور وچ ہر دلعزیز بار دے تن وار منتخب ہون والے تے وکلاء دے قائد چوہدری منیر احمد ایڈووکیٹ ہائی کورٹ امیدوار پنجاب بار کونسل، قصور سیٹ اُتے اپنی تاریخی خدمت دے بل بوتے اُتے میدان عمل وچ نیں پچھلے دن اوہناں نے، روزنامہ بھلیکھا، لہور دے دفتر دا خصوصی دورہ کیتا جتھے اوہناں نے بھلیکھا دے سی ای او مدثر اقبال بٹ نال پنجاب بار الیکشن، میڈیا تے وکلا برادر نوں درپیش مسئلیاں دے حوالے نال تبادلہ خیال کیتا۔ ایہناں دی گل بات دا احوال نذر قارئین اے۔
چوہدری منیر احمد ایڈووکیٹ ہائی کورٹ نے روزنامہ بھلیکھا نال گل بات کردے ہوئے کہیا کہ پنجاب بار کونسل دے انتخابات دے سلسلے وچ انتخابی مہم جاری اے۔ الیکشن وچ حصہ لین والے مختلف امیدواراں نے جتھے کامیابی لئی خدمت دے بلند و بانگ دعوے کر رہے نیں اوتھے ضلع قصور وچ ہر دلعزیز بار دے تن وار منتخب ہون والا ایہہ خاکسار وی میدان وچ اے مینوں قصور وچ وکلاء دے قائد دے طور اُتے جانیا جاندا اے۔ چوہدری منیر احمد ایڈووکیٹ ہائی کورٹ دا کہنا سی کہ بطور امیدوار پنجاب بار کونسل ، قصور سیٹ اُتے اپنی تاریخی خدمت دے بل بوتے اُتے میدان عمل وچ واں چوہدری منیر احمد دا کہنا سی کہ کامیاب ہون دے بعد کالے کوٹ نوں ایس دا حقیقی جائز مقام دلوانا اولین ترجیح اے میرا تے میرے ساتھیاں دا رول ماڈل بانی پاکستان قائداعظم محمد علی جناح نیں بطور وکیل چاہنا واں کہ میرے ہر ساتھی نوں ایہناں جہی ای عزت تے مرتبہ حاصل ہوئے۔ روزنامہ بھلیکھا نال خصوصی گل بات دے دوران اوہناں نے کہیا کہ رب کائنات نے کامیابی نال نوازیا تے نوجوان وکلاءلئی تربیتی ورکشاپاں تے دو ورھے تیکر 25 ہزار روپئے ماہانہ وظیفہ دے حصول لئی پنجاب بار کونسل دے پلیٹ فارم نال جدوجہد کراں گا ابتدائی طور اُتے ایہہ وظیفہ پنجاب بار کونسل دے فنڈ توں دلوائواں گا تے بعد وچ وکلاء دے تعاون نال حکومت توں منظور کرائواں گا تاں جے اوہ مکمل توجہ تے محنت نال اپنے گھر تے پیشے دی ذمے داریاں بخوبی سرانجام دے سکن۔ ایس دے علاوہ سینئر وکلاء لئی پنشن دی مد وچ معقول رقم دا اجرا یقینی بناواں گا وکلا تے ایہناں دے اہل خانہ لئی حکومت توں ترجیحی بنیاداں اُتے مفت علاج و معالجہ دی سہولتاں دی فراہمی نوں یقینی بناواں گا۔ میرا ماضی میرے دعویاں دی کامیابی دا عکاس اے۔ میں قصور بار وچ اپنی تنے صدرارتاں دی مدت وچ بار نوں فنڈز وچ خود کفیل بنایا ہر وکیل دے جائز قانونی مسئلیاں دے حل لئی دن رات کوشاں رہیا ایہہ میرے ساتھیاں دا اعتماد ای اے کہ 2006-07 تے 2016 وچ پہلے دی نسبت زیادہ ووٹ حاصل کیتے میرا ایہہ مننا اے کہ کالا کوٹ ملک وچ جمہور و عدل دی علامت اے میں جنرل پرویز مشرف دے خلاف ایہناں دے عدلیہ دے خلاف چکے گئے غیر آئینی اقدام دے خلاف وکلا تحریک وچ عملی جدوجہد کیتی تے ایس جرم دی پاداش وچ پابند سلاسل وی رہیا ایس دوران میرے اُتے ریاستی دبائو وی پایا گیا تاں جے میں تحریک توں وکھرا ہو جاواں پر میں دبائو قبول کرن دی بجائے کدی وی اپنے اصولاں اُتے سمجھوتا نہیں کیتا تے عدلیہ بحالی دی جدوجہد جاری رکھی۔ چوہدری منیر احمد ایڈووکیٹ ہائی کورٹ امیدوار پنجاب بار کونسل، قصور سیٹ نے آخر وچ بھلیکھا نال گل بات کردے ہوئے کہیا کہ بار تے بینچ وچ بہترین تعلقات لئی وی کم کراں گا میرا مقصد صرف تے صرف وکلا دی مثالی خدمت اے۔
کالے کوٹ دی عزت و توقیر وچ وادھا اے۔ اوہناں نے کہیا کہ پنجاب حکومت میڈیا پالیسی 2020 نظر ثانی کرے تے علاقائی و مقامی زباناں وچ شائع ہون والے اخباراں دی سرپرستی کرے اوہناں نے مدثر اقبال بٹ دی پنجابی زبان و صحافت لئی کیتی گئی عظیم خدمات نوں سراہیا تے ایس گل دی یقین دہانی کرائی کہ کامیابی دے بعد وکلاء برادری شعبہ صحافت نوں در پیش مسائل نوں اجاگر کرن وچ ایہناں دا شانہ بشانہ کم کرے گی۔