ڈاکٹر محمد یوسف خشک دی سربراہی وچ وفد ولوں پِلاک دا دورہ

رپورٹ: سید علی قیصر

چیئرمین اکادمی ادبیات پاکستان ڈاکٹر محمد یوسف خشک دی سربراہی وچ اک وفد نے پنجاب اِنسٹیٹیوٹ آف لینگوئج، آرٹ اینڈ کلچر، (پِلاک) دا دورہ کیتا۔

ڈائریکٹر جنرل پلاک ڈاکٹر صغرا صدف نال ملاقات دے دوران ڈاکٹر محمد یوسف خشک نے پاکستانی زباناں دی اہمیت اُتے تبادلہ خیال کیتا تے پلاک و اکادمی ادبیات پاکستان دے مابین مفاہمتی یاداشت اُتے دستخط کیتے جس دا مقصد باہمی سرگرمیاں نوں مشترکہ لائحہ عمل دے ذریعے سرانجام دینا سی۔ وفد نوں پلاک دے سارے شعبہ جات نال متعارف کرایا گیا جنہاں وچ FM-95 پنجاب رنگ، پنجاب آڈیٹوریم، پنجابی لائبریری، پنجاب میوزیم و آرٹ گیلری تے پلاک لوک سٹوڈیو شامل سن۔

ڈاکٹر محمد یوسف خشک نے پلاک دی ادبی تے ثقافتی سرگرمیاں نوں خوب سراہیا تے امید ظاہر کیتی کہ مستقبل وچ دونویں ادارے مل کے پاکستانی زباناں دے فروغ لئی اپنا کردار ادا کرن گے۔ وفد وچ ڈاکٹر نجیب جمال، ریزیڈنٹ ڈائریکٹر اکادمی ادبیات پاکستان عاصم بٹ، انور عزیز چانڈیو اور اشوک کمار شامل سن۔ اِس موقعے اُتے ڈائریکٹر پلاک محمد عاصم چوہدری تے ڈپٹی ڈائریکٹر خاقان حیدر غازی وی موجود سن۔