ِجشن ِ ولادت خاتم االنبیّین حضرت محمد مصطفیٰ ﷺ

تحریر:علی رضا رانا

تقریباً سوا چودہ سو ورھے پہلے عرب دے ریگستاناں وچ انج دی بہار آئی کہ جس توں چار سو ودھی ظلمت چھٹ گئی، ہر سمت چھائی گھٹائواں مٹ گئیاں، ہر ذرے اُتے نور وسن لگیا اشجار سرسبز ہوئے تے زمین وی شاداب ہوئی، فضاواںمہکن لگن تے ہواواں، جھومن لگیاں کیوں جے ایس بہار وچ شہنشاہ اعظم وجہ تخلیق آدم کائنات دے سردار، زمین و آسمان دے سرتاج تشریف لیا رہے سن جس دے ثنا ء خواں زمین اُتے پتھر تے اسمان اُتے تارے سن، جس دا فلک نوں روزے اول توں انتظار رہیا سی آئے میرے پیارے نبی محمد مصطفی ﷺآئے۔
تے ہر ورھے جدوں ربیع الاول دا مہینہ آندا اے تے پوری دنیا دے مسلمان جوش و خروش نال آقا کریم ﷺ دی ولادت دی خوشی میلاد نبی ﷺ دی خوشی مناندے نیں تے محبت رسول ﷺ دی علامت وی ایہو اے تے ایس دی اصل قرآن و سنت نال ثابت وی اے۔ پوری دنیا دے مسلماناں لئی ایہہ عظیم خوشی دا ان اے جس دن محسن کائنات، آقا کائنات تے فخر موجودات حضور کریم ﷺ خاکرانِ گیتی اُتے جلوہ گر ہوئے آپ ﷺ دی بعثتت اینی عظیم نعمت اے جس دا مقابلہ دنیا دی کوئی نعمت نہیں ہو سکدی، آپ قاسم نعمت نیں، ساری نعمتاں آپ ﷺ دی بعثتت اینی عظیم نعمت اے جس دا مقابلہ دنیا دی کوئی نعمت نہیں ہو سکدی، آپ قاسم نعمت نیں، ساری نعمتاں آپ ﷺ دی صدقے نال ملدیاں نیں تے رہندی دنیا تیکر ملدیاں رہن گیاں۔ حضرت آدم علیہ السلام توں نبوت دا سلسلہ جیہڑا شروع ہویا اوہ ختم المرسلین حضرت محمد مصطفی ﷺ اُتے آ کے اپنی تکمیل نوں اپڑ گیا۔ اللہ تعالیٰ نے پہلے انبیاء کرام نوں جیہڑے کمالات وکھرے وکھرے عطا فرمائے سن، نبی آخری الزماں ﷺ دی ذات وچ اوہ سارے شامل کر دتے۔ رسالت محمد ﷺ بڑی نمایاں خصوصیت رکھدی اے۔ ساڈا کامل یقین ایہہ اے کہ حضور اکرم ﷺ اُتے اللہ دے دین دی تکمیل ہو گئی آپ ﷺ نوں دین کامل عطا فرمایا گیا جیہڑا تمام انسانیت لئی کافی اے۔
ٓایس لئی کسے دوجے دن دے کوئی لوڑ نہیں اللہ تعالیٰ فرماندا اے۔ (ترجمہ : سورۃ المائدہ:3)اج میں مکمل کر دتا تہاڈے لئی دین تہاڈا تے کر دتی تہاڈے اُتے اپنی نعمت، تے پسند کیتا میں تہاڈے واسطے اسلام نوں دین۔
اخلاق نبوی ﷺ حضرت خدیجۃ الکبری جیہڑی نبوت توں پہلے تے نبوت دے بعد 25 ورھے تیکر آپ ﷺ دی خدمت زوجیت وچ رہیاں سن۔ زمانہ آغاز وچ آپ ﷺ نوں ایہناں الفاظ وچ تسلی دیندیاں سن، خدا تہانوں کدی غمگین نہ کرے، آپ ﷺ صلہ رحمی کردے او، مقروضاں دا بھار چکدے او، غریباں دی اعانت کردے او، مہماناں دی ذیافت کردے او، حق دی حمایت کردے او، مصیب وچ لوکاں دے کم آندے او۔
اللہ تعالیٰ نے آپ ﷺ نوں سارے انساناں لئی رسول بنا کے گھلیا اے تے قیامت تیکر ہر قوم تے ہر دور دے انساناں لئی آپ ﷺ دی رسالت عام اے تے سب لئی آپ ﷺ دی تعلیم کافی اے۔
آپ ﷺ دی شان وچ کجھ اشعار پیش کر رہیا واں۔
آئے سرکار مدینہ لائے انور مدینہ
ہیں قد م بو س رسالت گل گلزار مدینہ
کندنی رنگ ہے گہرا ہے لباس آج سنہرا
چاندنی رات نے پہنا طلع البدر علینا