فخر زمان نوں لیفٹیننٹ دا اعزازی رینک دے دتا گیا

کراچی: کرکٹر فخر زمان نوں پاک بحریہ ولوں لیفٹیننٹ دا اعزازی رینک دے دتا گیا۔ ترجمان اپک بحریہ موجب نیول ہیڈ کوارٹرز وچ پاکستانی کرکٹر فخر زمان نوں لیفٹیننٹ دا اعزاز رینک دین دی تقریب دا انعقاد کیتا گیا جہدے وچ عسکری تے سول حکام تے پی سی بی دے عہدیداراں سنے سابق کرکٹرز تے فخر زمان دے اہل خانہ نے رلت کیتی۔ چیف آف دی نیول سٹاف ایڈمرل امجد خان نیازی نے نیول ہیڈ کوارٹرز وچ فخر زمان نوں لیفٹیننٹ دا اعزازی رینک دتا گیا۔ فخر زمان نوں ایہ اعزازی رینک کرکٹ دے میدان وچ شاندار کارکردگی تے پاک بحریہ نال اوہناں دی وابستگی پاروں دتا گیا، فخر زمان نے 2007وچ بطور سیلر پاک بحریہ دی آپریشن برانچ وچ شمولیت اختیار کیتی جد کہ اپنے کیریئر دے دوران فخر زمان نے کرکٹ دے میدان وچ پاک بحریہ لئی کئی اعزازات حاصل کیتے۔ترجمان پاک بحریہ دے مطابق تقریب نال خطاب کردیاں امیر البحر نے فخر زمان تے اوہناں دے اہل خانہ نوں مبارکباد دیندیاں آکھیا پاک بحریہ دیس وچ وکھو وکھ کھیڈاں دے فروغ لئی اپنا کردار ادا کر رہی اے تے آئندہ وی کھڈاریاں دی معاونت کردی رہے گی۔