حسن علی نے بھارتی کُڑی نال شادی کرن دا اعلان کر دتا

گوجرانوالہ: حسن علی نے خاموشی توڑدیاں اعلان کیتا اے بھارتی کُڑی نال شادی کرن جا رہیا آں تے ایس حوالے نال چلن والیاں خبراں وی ٹھیک نیں۔

گوجرانوالہ وچ پریس کانفرنس کردیاں حسن علی دا کہنا اے کُڑی دا ناں شامیہ نہیں سگوں سامعہ اے، میری اوہناں نال ملاقات اک ورھے پہلاں دبئی وچ ڈنر تے ہوئی سی، میرے بھرا تے بھابھی نے سامعہ دے خاندان والیاں نال ملاقات کیتی اے، اجے تک ساہمنے آن والیاں تصویراں وی اصل نہیں، اوہناں دے خاندان نے فی الحال تصویر جاری کرن توں منع کیتا اے جد کہ شادی پاکستانی روایتاں دے مطابق ہووے گی۔ حسن علی دی ہون والی دلہن سامعہ دا تعلق بھارت نال اے، اوہ غیر ملکی ایئر لائن نال وابستہ تے اپنے والدین نال دبئی وچ مقیم نیں تے اوہناں نے یونیورسٹی توں انجینئرنگ دی ڈگری حاصل کر رکھی اے، سامعہ تے حسن دی پہلی ملاقات دبئی وچ ہوئی سی۔

اپنا تبصرہ گھلو