“انگلینڈ مینز کرکٹ ٹیم وچ پہلی واری اک سوانی فیلڈنگ کوچ مقرر”
سابق انگلش وکٹ کیپر سارہ ٹیلر کو انگلینڈ کی مینز کرکٹ ٹیم کی فیلڈنگ کوچ مقرر کر دیا گیا۔سابق انگلش وکٹ کیپر سارہ ٹیلر نوں انگلینڈ دی مرداں دی کرکٹ ٹیم دی فیلڈنگ کوچ مقرر کر دتا گیا اے۔ خبر ایجنسی دے مطابق، سارہ ٹیلر انگلینڈ دی سینئر مینز ٹیم دے کوچنگ سٹاف وچ شامل ہون والی پہلی خاتون بن گئیاں نیں۔ انگلینڈ اینڈ ویلز کرکٹ بورڈ (ECB) نے نیوزی لینڈ دے خلاف آؤن والی ٹیسٹ سیریز لئی اوہناں دے ناں دا اعلان کیتا اے۔
سارہ ٹیلر اے ذمہ داری عارضی طور تے نبھان گیاں، کیونکہ مستقل فیلڈنگ کوچ کارل ہاپکنسن ایس ویلے آئی پی ایل دی ٹیم ممبئی انڈینز نال مصروف نیں۔ سارہ ٹیلر نوں زنانہ کرکٹ دی تریخ دی بہترین وکٹ کیپرز وچ گنیا جاندا اے۔
اوہناں نے 2006 توں 2019 دے وچکار انگلینڈ لئی 226 بین الاقوامی میچ کھیڈے تے اوہ 2017 دا ورلڈ کپ جتن والی ٹیم دا وی حصہ سن۔ سارہ ٹیلر ایس توں پہلاں سسیکس مینز ٹیم، مانچسٹر اوریجنلز تے انگلینڈ لائنز دے نال وی کوچنگ کر چکیاں نیں۔
